UYONO 24
Amono Yen Emekashe na, Kẹ Die Yen Ayen Ruẹ?
Jihova guọnọre nẹ avwanre riẹn kpahen orua rọyen rọhẹ odjuvwu. Orua nana churobọ si emekashe re seri “emọ rẹ Ọghẹnẹ.” (Job 38:7) Die yen Baibol na ta kpahen emekashe? Mavọ yen oborẹ ayen ruẹ vwo djobọte ihwo? Emekashe na eje yehẹ orua rẹ Ọghẹnẹ?
1. Amono yen emekashe na?
Jihova ma emekashe na tavwen ọ ke ma otọrakpọ na. Kerẹ Ọghẹnẹ, ayen ihwo ẹwẹn re dia obo odjuvwu. (Hibru 1:14) Emekashe iduduru buebun yen herọ, ayen ọvuọvo pha ghanghanre. (Ẹvwọphia 5:11) Ayen “ruẹ obo rẹ . . . [Jihova] tare, ri nyo urhuru rẹ ota rọye!” (Une Rẹ Ejiro 103:20) Vwẹ ọke awanre, ọke evo Jihova reyọ emekashe na vwọ vwẹ ovuẹ kẹ ihwo rọyen, biẹcha ayen, ji sivwin ayen. Nonẹna, emekashe na mu Inenikristi brẹ ihwo re guọnọ yono kpahen Ọghẹnẹ ra.
2. Ono yen Idẹbono kugbe emekashe rẹ Idẹbono?
Emekashe evo sẹro rẹ evun-ẹfuọn rayen kẹ Jihova-a. Amakashe rẹsosuọ rọ vwọso yen e “se Idẹbono kugbe Ukọn na, ọphiẹn rẹ akpọ na ejobi.” (Ẹvwọphia 12:9) Eshu guọnọ sun ihwo efa, ọtiọyena ọ da riẹriẹ ihworakpọ rẹsosuọ. Ọke vwọ yanran na, emekashe efa da vwomaba vwo gbevwọso Ọghẹnẹ. Emekashe nana re vwọso na yen e se emekashe rẹ Idẹbono. Jihova da djẹ ayen nẹ obo odjuvwu rhe otọrakpọ na. Chekemerha, ọ cha ghwọrọ ayen.—Se Ẹvwọphia 12:9, 12.
3. Mavọ yen Idẹbono vẹ emekashe rọyen vwọ guọnọ riẹriẹ avwanre?
Idẹbono vẹ emekashe rọyen riẹriẹ ihwo womarẹ uruemu rẹ orhan, rọ dia orharhe rẹ uruemu ra vwọ davwẹngba re vwo nene ihwo rẹ ẹwẹn ta ota. Kerẹ udje, ihwo evo bru ihwo ri ni isio, ebọepha, erienda, vẹ i ri ruẹ imajiki ra. Ihwo efa guọnọ omaesivwo ri churobọ si uruemu rẹ orhan. A je phiẹn ihwo vwo roro nẹ ayen sa ta ota kẹ ihwo ri ghwure. Ẹkẹvuọvo, Jihova de si avwanre orhọ: “We rhivwi bru otu rẹ ebọepha-a, eyẹ erieda-a.” (Livitikọs 19:31) Ọ kẹ avwanre orhọ-esio nana rere a sa vwọ sẹro rẹ oma avwanre nẹ abọ ri Idẹbono vẹ emekashe rọyen. Ayen ivwighrẹn ri Jihova, ayen je guọnọ wan avwanre oma.
HIẸ KODO
Yono kpahen erọnvwọn iyoyovwin rẹ emekashe ruẹ, imuoshọ rọhẹ uruemu rẹ orhan, kugbe obo ra sa vwọ sẹro rẹ oma avwanre vwo nẹ abọ rẹ Idẹbono vẹ emekashe rọyen.
4. Emekashe chọn ihwo uko vwo yono kpahen Jihova
Emekashe ri Jihova komobọ ghwoghwota kẹ ihwo-o. Ukperẹ ọtiọyen, ayen se sun ihwo rẹ Ọghẹnẹ bru ihwo re guọnọ yono kpahọn. Se Ẹvwọphia 14:6, 7, ovwan ta ota kpahen enọ nana:
-
Diesorọ a vwọ guọnọ ukẹcha rẹ emekashe na vwẹ iruo rẹ aghwoghwo na?
-
Oma vwerhen owẹ wọ vwọ riẹn nẹ emekashe na se sun we vwo bru ihwo re guọnọ yono Baibol na? Kẹ, diesorọ?
5. Kẹnoma kẹ uruemu rẹ orhan
Idẹbono vẹ emekashe rọyen eyen ivwighrẹn ri Jihova. Ayen je ivwighrẹn rẹ avwanre. Se Luk 9:38-42, ovwan ta ota kpahen onọ nana:
-
Mavọ yen emekashe rẹ Idẹbono ru ihwo?
Avwanre durhie emekashe na rhe akpeyeren rẹ avwanre-e. Se Urhi Rivẹ 18:10-12, ovwan ta ota kpahen enọ nana:
-
Idjerhe vọ yen emekashe rẹ Idẹbono vwọ guọnọ riẹriẹ avwanre ji nene avwanre ta ota? Ẹkuruemu vọ yen me titi vwẹ ekogho wẹn?
-
Ọhọ herọ rẹ Jihova vwọ gha ẹkuruemu ri churobọ si uruemu rẹ orhan? Kẹ, diesorọ?
Hworo IVIDIO na, ovwan ta ota kpahen onọ ro nenire.
-
Wo rorori nẹ orọnvwọn rẹ Palesa kuphiyọ obọ rẹ ọmọ rọyen na vwo imuoshọ? Kẹ, diesorọ?
-
Die yen ofori nẹ Palesa ru ọ vwọ sẹro rẹ orua rọyen nẹ abọ rẹ emekashe rẹ Idẹbono?
Ọkieje yen Inenikristi rẹ uyota vwọ reyọ vwọso Idẹbono. Se Iruo Rẹ Iyinkọn Na 19:19 kugbe 1 Kọrẹnt 10:21, ovwan ta ota kpahen onọ nana:
-
Diesorọ ọ vwọ ghanre ra vwọ guọghọ korọnvwọn korọnvwọn ro churobọ si uruemu rẹ orhan?
6. Wo se phi Idẹbono vẹ emekashe rọyen kparobọ
Idẹbono yen suẹn emekashe rọyen. Ẹkẹvuọvo, Maekẹl rọ dia onotu rẹ emekashe na yen suẹn emekashe ri fuevun; odẹ ri Maekẹl ọfa yen Jesu. Mavọ yen Maekẹl vwo ẹgba te? Se Ẹvwọphia 12:7-9, ovwan ta ota kpahen enọ nana:
-
Ono yen me vwo ẹgba? Maekẹl vẹ emekashe rọyen gbanẹ Idẹbono vẹ emekashe rọyen?
-
Wo rorori nẹ ofori nẹ idibo ri Jesu djoshọ rẹ Idẹbono vẹ emekashe rọyen?
Wo se phi Idẹbono vẹ emekashe rọyen kparobọ. Se Jems 4:7, ovwan ta ota kpahen onọ nana:
-
Mavọ yen wọ sa vwọ sẹro rẹ oma wẹn nẹ abọ rẹ Idẹbono vẹ emekashe rọyen?
IHWO EVO TA: “O vwo obo re chọre re vwo te igemu yẹrẹ ni ighe ri churobọ si uruemu rẹ orha-an. E di vwo bru ọke fia.”
-
Diesorọ iroro yena vwọ vọn vẹ imuoshọ?
ỌDJẸKOKO
Emekashe ri fuevun chọn avwanre uko. Idẹbono vẹ emekashe rọyen ivwighrẹn ri Jihova, ayen reyọ uruemu rẹ orhan vwọ phiẹn ihwo.
Ẹrhomafuẹrẹn
-
Mavọ yen emekashe ri Jihova vwọ chọn ihwo uko vwo yono kpahọn?
-
Amono yen Idẹbono vẹ emekashe rọyen?
-
Diesorọ wọ vwọ guọnọ kẹnoma kẹ uruemu rẹ orhan kare kare?
HIẸ GUỌNỌ
Guọnọ obo ri djerephia nẹ Jesu yen Maekẹl rọ dia onotu rẹ emekashe na.
“Ono Yen Maekẹl Onotu rẹ Emekashe Na?” (Uyovwinrota rọhẹ jw.org)
Roro kpahen obo ri djerephia nẹ Idẹbono ghene obọdẹn rẹ ohwo.
Mrẹ oborẹ aye ọvo vwọ vrabọ rẹ oriẹriẹvwe rẹ emekashe rẹ Idẹbono.
“Ọ Rhe Mrẹ Otọ rẹ Akpeyeren Re” (Uwevwin Orhẹrẹ ri July 1, 1993)
Yono kpahen oborẹ Eshu vwọ reyọ uruemu rẹ orhan vwọ phiẹn ihwo.
“Uyota Kpahen Majiki, Epha-ẹbọ Kugbe Orhan” (Idjerhe ro Sun Ohwo Kpo Arhọ rẹ Bẹdẹ na, ẹbẹre 5)
Wọ je sa Fuẹrẹn
ENỌ REDJE ẸNẸNỌ
Die Yen Uyono ri Baibol rẹ Iseri ri Jihova Vwo Muẹ kẹ Ihwo?
Vwẹ uyono ri Baibol ọphẹ rẹ Iseri ri Jihova vwo muẹ kẹ ihwo na, wọ sa reyọ kefanfan kefanfan ri Baibol ro je we vwo ruiruo. Wo se durhie ihwo rẹ orua wẹn eje yẹrẹ kugbeyan kugbeyan ru wọ guọnọre odedede.
