TIMIRTTE 24
Kiitanchchati Oonee, Qassi Eti Oottiyoobay Aybee?
Yihooway saluwan deˈiya ba so asaabaa nuuni eranaadan koyees. “Xoossaa naata” geetettida kiitanchchatikka A so asata. (Doomettaabaa 6:2; Iyyooba 38:7) Kiitanchchatubaa Geeshsha Maxaafay ay yootii? Eti asaa waatana danddayiyoonaa? Qassi kiitanchchati ubbay Xoossaa so asee?
1. Kiitanchchati oonee?
Yihooway saˈaa medhdhanaappe kase kiitanchchata medhdhiis. Yihoowa beˈennaagaadan etakka beˈokko; qassi eti saluwan deˈoosona. (Ibraawe 1:14) Daro miiloone kiitanchchati deˈoosona, qassi ubbaykka issoy issuwaappe dummatoosona. (Ajjuutaa 5:11) Eti ‘Yihoowa azazuwaa poloosona; qassi I giyoobaa ezggoosona.’ (Mazamure 103:20) Beni wode, Yihooway kiitaa gattanawu, ba asaa maaddanawunne eta ashshanawu issi issitoo kiitanchchata kiittiis. Ha wodiyan, Kiristtaaneti Xoossaabaa eranawu koyiya asatuura gayttanaadan kiitanchchati eta kaalettoosona.
2. Seexaanaynne daydanttati oonee?
Issi issi kiitanchchati Yihoowawu ammanettidi deˈibookkona. ‘Saˈaa ubbaa balettiya xalahe halaqaa woy Seexaanaa geetettida’ kiitanchchay koyro makkalidaagaa. (Ajjuutaa 12:9) Seexaanay harata haaranawu koyido gishshawu, Addaameennne Hewaana, guyyeppe hara kiitanchchatikka Yihoowa bolli makkalanaadan denttettiis. He makkalida kiitanchchati daydanttata geetettoosona. Yihooway eta saluwaappe saˈaa yedettiis; qassi eti xayana.—Ajjuutaa 12:9, 12 nabbaba.
3. Seexaanaynne daydanttati nuna cimmanawu waatiyoonaa?
Iita ayyaanatuura haasayiyo iita oosuwan, kaayuwan woy shareechchiyoogan Seexaanaynne daydanttati daro asaa cimmoosona. Leemisuwawu, issi issi asay xoolinttiyaa paydiyaageeta, maracciyaa xeelliyaageetanne shareechchiyaageeta oychchanawu bees. Harati qassi sahettiyo wode iita ayyaanatuura gayttidaban xalettanawu koyoosona. Asay cimettidi hayqqida asaara haasayana danddayiyaabadankka qoppees. SHin Yihooway nuuni “moitilliyaa haasayissiyaageetukkonne shareechchotukko” beennaadan yootiis. (Wogaabaa 19:31) I hegaa yootidoy nuna Seexaanaynne daydanttati qohennaadan naaganaassa. Eti Xoossaa morkketa; qassi nuna qohanawu koyoosona.
LOYTTA AKEEKA
Kiitanchchati oottiyo loˈˈobaa, iita ayyaanatuura haasayiyoogee waati qohiyaakko, qassi Seexaanaynne daydanttati qohennaadan naagettanawu nuuni waatana danddayiyaakko akeeka.
4. Asay Yihoowabaa eranaadan kiitanchchati maaddoosona
Xoossaa kiitanchchati asawu mishiraachchuwaa yootokkona. Eti Xoossawu goynniyaageeta abaa eranawu koyiyaageetukko kaalettana danddayoosona. Ajjuutaa 14:6, 7 nabbabite; yaatidi ha oyshata tobbite:
-
Mishiraachchuwaa yootanawu nuussi kiitanchchatu maadoy koshshiyoy aybissee?
-
Geeshsha Maxaafaabaa siyana bessiya asatukko kiitanchchati nena kaalettiyoogaa erido gishshawu minettadii? Aybissi?
5. Iita ayyaana oosuwaa ixxa
Seexaanaynne daydanttati Yihoowawu morkke. Eti nuussikka morkke. Luqaasa 9:38-42 nabbabite; yaatidi ha oyshaa tobbite:
-
Daydanttati asaa waatiyoonaa?
Daydanttati nuna qohanaadan eeno gookko. Zaarettido Wogaa 18:10-12 nabbabite; yaatidi ha oyshata tobbite:
-
Daydanttati nuna qohanawunne haasayissanawu maliyo ogeti aybee? Hegaara gayttidaagan, intte heeran meeze gididabay aybee?
-
Iita ayyaanatuura gattiyaaba oottennaadan Yihooway diggiyoogee loˈˈobee? Aybissi?
BIIDUWAA beˈite; yaatidi kaallidi deˈiya oyshata tobbite.
-
Paleesa ba naˈee kushiyan qachchidobay qohiyaabee? Aybissi?
-
Paleesa daydanttatuppe naagettanawu ay oottana koshshidee?
Tumu Kiristtaaneti daydanttata ubbatoo eqettoosona. Oosuwaa 19:19nne 1 Qoronttoosa 10:21 nabbabite; yaatidi ha oyshaa tobbite:
-
Iita ayyaanatuura gayttida ubbabaa xayssana koshshiyoy aybissee?
6. Seexaanaaranne daydanttatuura olettiyo olan xoona
Daydanttata kaalettiyay Seexaanaa. Kiitanchchatu halaqay Mikaaˈeeli ammanettida kiitanchchata kaalettees. Mikaaˈeeli Yesuusawu hara suntta. Mikaaˈeeli ay keena wolqqaamee? Ajjuutaa 12:7-9 nabbabite; yaatidi ha oyshata tobbite:
-
Mikaaˈeelinne A kiitanchchati wolqqaameeyye Seexaanaynne daydanttati wolqqaamee?
-
Yesuusa kaalliyaageeti Seexaanaanne daydanttata yayyana bessii?
Neeni Seexaanaaranne daydanttatuura olettada xoonana danddayaasa. Yaaqooba 4:7 nabbabite; yaatidi ha oyshaa tobbite:
-
Seexaanaappenne daydanttatuppe naagettanawu waatana danddayay?
ISSI ISSI ASAY HAGAADAN GEES: “Iita ayyaanati oottiyooban allaxxiyoogee qohiyaaba gidennan, ufayssiyaaba.”
-
Hegaadan qoppiyoogee qohiyaaba gidiyoy aybissee?
AY AKEEKADII?
Ammanettida kiitanchchati nuna maaddoosona. Seexaanaynne daydanttati Yihoowa morkke; qassi eti iita ayyaana oosotun asaa cimmoosona.
Zaaretuwaa
-
Asay Yihoowabaa eranaadan A kiitanchchati waati maaddiyoonaa?
-
Seexaanaynne daydanttati oonee?
-
Neeni iita ayyaanatuura gayttidaban shaalettana koyennay aybissee?
PILGGA
Yesuusi kiitanchchatu halaqaa Mikaaˈeela gidiyoogaa nuuni aybin eriyaakko akeeka.
“Kiitanchchatu Halaqaa Mikaaˈeeli Oonee?” (Nu websaytiyan deˈiyaaba)
Dabloosi tumuppe deˈiya ura gidiyoogaa bessiya naqaashaa akeeka.
Issi maccaasiyaa daydanttatu qohuwaappe waana laˈa kiyidaakko akeeka.
“Deˈuwan Waana Ufayttanaakko Akeekaasu” (Wochchiyo Keelaa huuphe yohuwaa)
Seexaanay iita ayyaanatu oosuwan asaa waati cimmiyaakko akeeka.
“Kaayuwaa, Bitaanne Goromootiyaa Xeelliyaagan Tumaa” (Merinaa Deˈuwau Efiya Ogiyaa, shaaho 5)
Hageeta Beˈadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaˈissiyoy Ayba Ogiyaanee?
Yihoowa Markkati miishsha qanxxissennan xannaˈissiyo prograamiyan, Geeshsha Maxaafaa birshshettaa awugaakka goˈettana danddayaasa. Ne so asa ubbaynne ne laggetikka nenaara xannaˈanaadan shoobbana danddayaasa.
