LECCIÓN 24
Bi rnhe Biblia ki ángeles
Jeobá rheenheneʼ gombherha familia napeʼ yiba, kanho ángeles, lhezekan rnherha kieke «xhin Dios» (Job 38:7). Bi rseedie Biblia ki ángeles. A rhonke yodarhi o cheʼ rchhaguike ka benachi. A yogothe ángeles nakakeʼ tozi lhen familia ki Dios.
1. Nonoʼ ángeles
Katiʼ Jeobá ziʼ gonhe Lichhileyo, bhenhe ángeles. Kase leʼ nakakeʼ espíritu lhen be rlekerhane na zuake yiba (Hebreos 1:14). Nekua millonne ángeles na totoke natzalha nakakeʼ (Apocalipsis 5:11). Lhekeʼ «rhonke tan rneʼ [Jeobá] lhen rzenagake tan rnabe» (Salmo 103:20). Tinaate, Jeobá balania ksele ángeles na dzajoake rson kieʼ, gonke yodarhi lhen kslakeʼ yechhi kieʼ. Lo dza naʼ dza ángeles rgooke toneza beneʼ wenchhin ki Dios kuenda yedzelikene beneʼ rzelachhike gombheke másrhe Dios.
2. Nonoʼ Satanás lhen taxhiwe kietaʼ
Bala ángeles birhe gokake lilhachhiʼ lhen Jeobá. Beneʼ bezodilataʼ ló Dios «rhelawetaʼ Diablo lhen Satanás, na lachhitaʼ rzitayee benachi dzake doxhenthe lichhileyo» (Apocalipsis 12:9). Satanás goonhetaʼ inhebhetaʼ, lhekaʼ bhentaʼ na xhozixhtoorha takeʼ letaʼ na yezodilake ló Dios. Gdeze tochiʼ bhentaʼ gan na yezikalha ángeles gonke kan, ángeles bezodilake rzilóke taxhiwe. Jeobá bebeaje lhekeʼ yiba na bzaleʼ lhekeʼ Lichhileyo, na weyiyolha yinitike (blaba Apocalipsis 12:9, 12).
3. Nákaʼ rheenhe Satanás lhenka taxhiwe kietaʼ sinakataʼ rhoʼo
Satanás lhen ka taxhiwe kietaʼ rzinakataʼ benachi, rhonkataʼ gan na rguitajkene ta naka tozi lhen gnheyaʼ kan yezikalha ta nagachiʼ, ta rhon na rzeke rtzalajlhenke leketaʼ sanlhe derha taní rchhiaguiʼ lhekeʼ. Kanho dzaʼ bala beneʼ rlabake letakarha, rlabake nó belhaj, nakakeʼ wedzaʼ, gnheyaʼ o yezikalha ta rhonke, lhezekan dzaʼ bala beneʼ rheguilajke gákake ramedio lhen ta nagachiʼ, na yezikalha beneʼ rhonke na gonrha kuenda wazeke ktzalajrha lhen beneʼ chi nati. Sanlhe Jeobá rneʼ: «Be rhala yeguilhajle wedzaʼ ni ka inabele gnheyaʼ» (Levítico 19:31). Jeobá rheenheneʼ gonchieʼ rhoʼo ki Satanás lhen taxhiwe kietaʼ, lheʼ rleketaziʼ Jeobá lhen rheenketaʼ gchhiaguikataʼ rhoʼo.
KSEEDIRHA MÁSRHE KI TANÍ
Ni ktzalajrha bi ta chhiaʼ rhon ángeles lhen bixhkieʼ be rhala ilalerha ta nagachiʼ. Lhezekan uyorha nákaʼ gonchiʼ kuinrha ki Satanás lhen taxhiwe kietaʼ.
4. Ángeles rhonke yodarhi beneʼ na gombheke Jeobá
Ángeles be rtzalajke ki Dios lhen ka beneʼ. Lhekeʼ rhonke yodarhi na kan beneʼ wenchhin ki Dios yedzelhikene beneʼ rzelachhike gombheke Dios. Le ulaba Apocalipsis 14:6, 7 na le ktzalaj ki taní:
-
Bixhkieʼ rkinherha yodarhi ki ángeles katiʼ rtzalajrha ki Dios.
-
Nákaʼ rhekelho tan ángeles wazeke kookeʼ lueʼ toneza na yidzelhilo beneʼ yeenheneʼ gzenagueʼ ta zaa lo Biblia. Bixhkieʼ.
5. Ku kitajelho ta naka tozi lhen gnheyaʼ kan ta nagachiʼ
Satanás lhen ka taxhiwe kietaʼ rleketaziʼ Jeobá lhen rhoʼo. Le ulaba Lucas 9:38-42 na le ktzalaj ki taní:
-
Nákaʼ rsakaʼ taxhiwe ka benachi.
Ku rheenherha gderha lataj ka taxhiwe tzookataʼ lichhirha lhen gchhiaguikataʼ rhoʼo. Le ulaba Deuteronomio 18:10-12 na le ktzalaj ki taní:
-
Bi rgonhechhin ka taxhiwe kuenda sinakataʼ lhen ktzalajlhenkataʼ rhoʼo. Kanho bi ta naka tozi lhen ta nagachiʼ rleʼlho ga zualho.
-
A rhekelho naka chhiaʼ tan Dios rzagueʼ kitajerha ta naka tozi lhen ta nagachiʼ. Bixhkieʼ.
Le uyo VIDEO na le ktzalaj ki taní:
-
A naka chhiaʼ tan nogakeʼ naaʼ bindoʼ ki Palesa. Bixhkieʼ.
-
Bi bkin gon Palesa kuenda gonchieʼ kuinheʼ ki taxhiwe.
Beneʼ nookeʼ Cristo tabalase rhezodilake ló taxhiwe. Le ulaba Hechos 19:19 lhen 1 Corintios 10:21, na le ktzalaj ki taní:
-
Bixhkieʼ rhala choonloʼ o gzeguiloʼ bitheze ta napalho ta rhon tozi lhen ta nagachiʼ.
6. Bhengan dila yoolho lhen Satanás kan taxhiwe kietaʼ
Satanás rnhebhetaʼ ka taxhiwe, sanlhe ka ángel lilhachhiʼ nacheʼ lhekeʼ Miguel, o Jesús. Gakatiʼ yelarzeke napa Miguel. Le ulaba Apocalipsis 12:7-9 na le ktzalaj ki taní:
-
Nonoʼ napa másrhe yelarzeke: A Miguel lhen ángeles kieʼ o cheʼ Satanás lhenka taxhiwe kietaʼ.
-
A rhekelho beneʼ nookeʼ Cristo rhala idzebike Satanás lhenka taxhiwe kietaʼ.
Wazeke gonloʼ gan dila yoolho lhen Satanás kan taxhiwe kietaʼ. Le ulaba Santiago 4:7 na le ktzalaj ki taní:
-
Nákaʼ wazeke gonchiʼ kuinloʼ ki Satanás lhenka taxhiwe kietaʼ.
BALAKEʼ RNHEKE: «Be naka malha witaj o película naka tozi lhen magia o lhenka taxhiwe. Ta rguitajgaza».
-
Bixhkieʼ ku naka chhiaʼ gonrha kuenda kan.
TA CHI BYEDIERHA
Ka ángel lilhachhiʼ rhonke rhoʼo yodarhi. Satanás lhenka taxhiwe kietaʼ rleketaziʼ Jeobá, na rgonketachhin ta nagachiʼ kuenda siketayee ka benachi.
A rhanelho
-
Bi rhon ka ángel lilhachhiʼ kuenda benachi gombheke Jeobá.
-
Nonoʼ Satanás lhen ka taxhiwe kietaʼ.
-
Bixhkieʼ be naka chhiaʼ yiguilhajlo bitheze ta naka tozi lhen ta nagachiʼ.
BYEDIE MÁSRHE
Gnisie bixhkieʼ Jesús nakeʼ arcángel Miguel.
Blaba bi rhonabheʼ Diablo nakataʼ to beneʼ balhase.
Blaba nákaʼ to nigolha bhenhegan dila yoeʼ lhen ka taxhiwe.
«Bedzelhine ta bhen leʼ yodarhi inezene napa kuenda yelaneban» (La Atalaya, 1 ki julio ki 1993)
Gnisie naka rzinhaʼ Satanás ka benachi lhen ta nagachiʼ.
