LISON 25
Ki Kalité Lavi Bondyé Vlé Ban Nou?
Si ou té ni pou dékwi lavi lézòm jòdi, pitèt ou té kay di menm bagay-la Bib-la di nou an Jòb 14:1: ‘Lavi lézòm kout, épi i plen pwòblenm.’ Mé, ès sa sé kalité lavi-a Bondyé té vlé ban nou? Ki kalité lavi Bondyé té vwéman vlé ban nou? Ès nou kay janmen ni an bon lavi? Sé wépons-lan Bib-la ka bay pou sé kwèsyon sala, sa vwéman soulajé nou.
1. Ki kalité lavi Jéhova vlé ban nou?
Jéhova vwéman vlé nou ni an bon lavi. Anfen, lè’y té fè Adanm épi Èv, i mété yo adan an bèl pawadi, jaden Édenn. Apwé sa, Jennésis 1:28 di: ‘Bondyé benni yo, èk Bondyé di yo: “Fè ich, fè an chay ich, pléplé latè-a èk ni latè-a anba pouvwa zòt.”’ Konsa, Jéhova té vlé yo fè ich, swen sé zannimo-a, èk fè latè-a vini yon pawadi. Wi, Bondyé té vlé tout moun ni bon santé épi viv pou tout tan!
Magwé nou pa ni lavi sala jòdi jou, a Bondyé vlé nou ni an bon lavi toujou. (Izaya 46:10, 11) Vwéman, i vlé lézòm ki obéyisan viv pou tout tan adan an bèl latè.—Li Wévélasyon 21:3, 4.
2. Ki mannyè nou sa enjwi an bon lavi apwézan?
Lézòm bizwen diwèksyon Bondyé. Sé konsa Bondyé fè nou. Sé pou wézon sala nou ni dézi-a pou konnèt li èk pou adowé’y. (Li Mafyou 5:3-6.) Jéhova vlé nou vini jan’y. (Sam 25:14) I di nou: ‘maché an tout chimen’y, enmen’y’ èk sèvi’y ‘épi tout tjè [nou].’ (Ditonronnonmi 10:12) Lè nou fè sa, nou sa vini jan épi Jéhova èk lavi nou kay ni pli valè. Alò, menm si nou ni pwòblenm, nou sa vwéman enjwi an bon lavi apwézan.
ANNOU APWANN PLI
Apwézan, annou apwann pli konsèné mizi lanmityé Jéhova moutwé lè’y pwépawé latè-a ban nou. Èk nou kay apwann sa Pawòl li ka di nou konsèné kalité lavi-a i vlé ban nou.
3. Jéhova vlé lézòm ni an bon lavi
Annou gadé VIDIYO-A, èk apwé nou kay kozé asou kwèsyon sala:
-
Pouki Bondyé té kwéyé bèl latè nou-an?
Annou li Ékléziyastis 3:11, èk apwé nou kay kozé asou kwèsyon sala:
-
Kisa vèwsé sala ka di’w konsèné Jéhova?
4. Jéhova té toujou vlé nou ni an bon lavi, èk sa p’òkò chanjé
Annou li Sam 37:11, 29 èk Izaya 55:11, èk apwé nou kay kozé asou kwèsyon sala:
-
Ki mannyè nou sav Jéhova p’òkò chanjé lidé’y pou ban nou an bon lavi?
Si yon kay adan an mové kondisyon, ou sa wanjé’y èk fè’y vini bèl ankò. An menm mannyè-a, latè-a adan an mové kondisyon paski lézòm pa ka otjipé’y. Mé Jéhova kay wanjé latè-a, èk fè’y vini an bèl pawadi bay moun ki enmen’y
5. Lè nou adowé Jéhova lavi nou ka ni pli valè
Lè nou konnèt pou ki wézon nou asou latè-a, sa ka ban nou djèwté. Annou gadé VIDIYO-A, èk apwé nou kay kozé asou kwèsyon sala:
-
Ki bennéfis Terumi té twapé lè’y apwann pou ki wézon i asou latè-a?
Annou li Ékléziyastis 12:13, èk apwé nou kay kozé asou kwèsyon sala:
-
Lè’w katjilé asou tout sa Jéhova ja fè ban nou, ki mannyè nou sa moutwé apwésiyasyon?
ADAN MOUN PÉ MANDÉ: “Pou ki wézon Bondyé mété mwen asou latè-a?”
-
Ki mannyè ou té kay wéponn kwèsyon sala?
CHONJÉ SÉ PWEN SALA
Jéhova vlé nou enjwi lavi pou tout tan adan bèl kondisyon asou latè-a. Lè nou adowé Jéhova épi tout tjè nou, lavi nou ka ni pli valè dépi apwézan.
Annou Wivizé Sa Nou Ja Apwann
-
Ki kalité lavi Jéhova té vlé bay Adanm épi Èv?
-
Ki mannyè nou sav Jéhova vlé nou ni an bon lavi toujou?
-
Kisa ou ni pou fè pou lavi’w ni pli valè?
LÒT ENFÒMASYON OU SA GADÉ
Apwann pouki nou asiwé jaden Édenn té vwéman ègzisté.
“Ès Jaden Édenn Té Vwéman Ègzisté?” (Gad-la, li 1 Janvyé, 2011)
Apwann pouki nou asiwé latè-a kay la pou tout tan.
Ègzanminé sa Bib-la ka di konsèné wézon-an nou asou latè-a.
Gadé vidiyo sala konsèné yon nonm ki té kwè i té ni tout bagay, mé i wéyalizé yon bagay té ka mantjé an lavi’y.
