Baibul tito ka maleng ni nino me kwo pa dano ‘nok dok opong ki ayelayela.’ (Yubu 14:1) Tika meno aye obedo kwo ma Lubanga mito piwa? Ka pe, ci gin ango ma en mito piwa? Tika mitine piwa bicobbe? Nen kong lagam ma Baibul miyo ma kweyo cwinywa adada.

1. Kit kwo ango ma Jehovah mito piwa?

Jehovah mito ni wabed ki kwo ma pud dong ber loyo. I kare ma en ocweyo dano aryo mukwongo, Adam ki Kawa, en oketogi i paradic maleng adada, poto me Eden. I nge meno, ‘Lubanga omiyogi gum kun waccigi ni, “Wunywal, wunya, wupong lobo, wulo bene.”’ (Acakki 1:28) Jehovah onongo mito ni gunywal lutino, gulok lobo ducu odok paradic, dok gugwok lee bene. Mitine onongo tye ni dano ducu gubed ki yotkom kun gikwo pi naka.

Kadi bed jami pe ocobbe kit ma en onongo mito kwede, a yub pa Lubanga peya olokke. (Icaya 46:10, 11) En pud mito ni dano ma luwiny gubed ki kwo maber kun gikwo pi naka.​—Kwan Niyabo 21:3, 4.

2. Watwero bedo ki kwo me yomcwiny i kare-ni nining?

Jehovah ocweyowa ki miti me ngeyo “lok me cwiny,” ma meno aye miti me ngeyo ki woro en. (Kwan Matayo 4:4; 5:3-6.) En mito ni wabed ki wat macok kwede, ‘wamarre kun walubo yone ducu,’ dok wati pire ‘ki cwinywa ducu.’ (Yocwa 22:5; Jabuli 25:14) Ka watimo meno, watwero bedo ki yomcwiny me ada kadi bed watye ki pekki mapol. Ka waworo Jehovah, wawinyo ni kwowa tye ki tyen lok pien nongo watye ka kwo i yo ma en mito.

 4. Yub pa Jehovah peya olokke

Kwan Jabuli 37:11, 29 ki Icaya 55:11, ci wunyam lapeny man:

• Wangeyo nining ni yub pa Jehovah piwa peya olokke?

5. Woro Jehovah weko kwowa bedo ki tyen lok

 WOT WIYE WIYE

Jehovah mito ni wanong mit pa kwo i lobo kany pi naka labongo peko mo keken. Ka watiyo pire ki cwinywa ducu, kwowa bibedo ki tyen lok​—kadiwa i kare-ni.

Ngo ma ipwonyo?

• Gin ango ma onongo Jehovah mito pi Adam ki Kawa i kare ma ocweyogi?

• Wangeyo nining ni yub pa Lubanga pi dano peya olokke?

• Gin ango ma omyero itim wek kwoni obed ki tyen lok?