NLÔ AJÔ 25

Zambe a yi na bi bi aval ényiñ avé?

Vô’ôlô nkobô

Kalate Zambe a jô na ényiñe môt é ne ‘tyôtyoé, a njalan a minjuk.’ (Job 14:1) Ye nne Zambe a nga yi fo’o na bi nyiñe nalé? Nge e nji bo nalé, wônaa nsôñane wé asu mona môt ô ne ôvé? Ye nsôñan ôte wo ye tôébane môs éziñ? Bi tame zu yene biyalane Kalate Zambe a ve bia.

1. Aval ényiñ avé Yéhôva a yi na bi bi?

Yéhôva a yi na bi bi angôndô ya mbamba ényiñ. Éyoñ a nga té Adam ba Ève, a nga ve be étua abeñ étaba’a: Afube ya Éden. Mvuse ya valé, “Zambe a nga botane be, a Zambe a nga jô be na: ‘Biaéane bon, a fôé, a yiane si nyô.’” (Metata’a 1:28) Nkômbane Yéhôva ô mbe na be biaé bon, be bo na si ése é bo paradis, a na be nyoñe ngab a betit. Ôvañe wé ô mbe na bôte be nyiñe mevak été nnôm éto, teke minjuk a akon.

Akusa bo mam me nji boban avale Yéhôva a nga tak, a nkômbane wé ô nji tyendé. (Ésaïe 46:10, 11) A ngenan a yi na bezôsôô be bôt be bu’uban ényiñ nnôm éto.—Lañe’e Nlitan 21:3, 4.

2. Aval avé bi ne bi mbamba ényiñ ataté éyoñe ji?

Yéhôva a nga té bia a évé ya “wô’ô mame ya zôsô,” nalé a tinane na bi bili nkômbane ya yeme nye a kañe nye. (Lañe’e Matthieu 5:3-6.) Yéhôva a yi na ô bo mvôé jé, na “ô wulu mezene mé mese, a nye’e nye,” a na ô bo nye ésaé “a nleme wôé ôse.” (Deutéronome 10:12; Besam 25:14) Nge ô bo de, wé bi benya meva’a, to’o ô tele minju’ été. A ne éyoñe wo kañe Yéhôva nje wo kôme yene mfi ya ényiñ a nga ve wo.

TUKA’A FAK

Yene’ aval avé beta nye’an Yéhôva a nga yené éyoñ a nga kôme si asu dangan, a mame Bible a ye’ele a lat a nsôñane ya ényiñ.

3. Yéhôva a yi na bi bi mbamba ényiñ

Futi’i VIDÉO, mvuse ya valé, yala’ane nsili wu:

VIDÉO: Amu jé Zambe a nga té si?—Éfas (1:41)

Amu jé Zambe a nga té si?

Lañe’e Écclésiaste 3:11, mvuse ya valé, yala’ane nsili wu:

Jé éfus éte ja ye’ele wo a lat a nsôñane Yéhôva asu dangan?

4. Nsôñane Yéhôva ô nji tyendé

Lañe’e Besam 37:11, 29 a Ésaïe 55:11, mvuse ya valé, yala’ane nsili wu:

Jé ja liti na nsôñane Yéhôva asu môt a binam ô nji tyendé?

Be ne ngule ya beta kôme nda é maneya ndaman. Aval ete da da, Zambe a ne beta kôme si bone be bôt be maneya ndaman nyi, asu na é beta bo mbamba étaba’a asu bezôsôô be bôt.

5. Éyoñ bia kañe Yéhôva bia kôme bu’uban ényiñ

Bii bi benya meva’a nge bia yem amu jé Zambe a nga té bia. Futi’i VIDÉO, mvuse ya valé, yala’ane nsili wu.

VIDÉO: Me nga yeme nsôñane ya ényiñ (5:03)

E yeme nsôñane ya ényiñ a nga volô Terumi mfa’ ôvé?

Lañe’e Écclésiaste 12:13, mvuse ya valé, yala’ane nsili wu:

Aval avé bi ne ve Yéhôva akéva amu mam mese a bo bia?

MÔT ÉZIÑ A NE SILI NA: “Jé ébien bi nga zu bo si va?”

Ô ne yalan aya?

ÔBALEBAS

Nkômbane Yéhôva ô ne na bôte be nyiñe mevak été nnôm éto teke minjuk a akon. Éyoñe bia kañe Yéhôva a nlem ôse, bia bi mbamba ényiñ ataté den akekui melu ma zu.