BAG I 25
Ze nekô Nsi mfà num benntùn nyiañtu bʼa ke?
Ñwaʼni Nsi tshwèt ntshob mbe “léʼnjù [mènntùn nyiañtu] kag, [mbèn] bʼa be ntùm ngeʼ.” (Yob 14:1) A kuaʼ ju ze Yaweh Nsi naʼ nkô num ben ké? Mbe ke be là, mba ze nekô Yaweh Nsi mfà num benntùn nyiañtu bʼa ke? Mbùnde ze Ñwaʼni Nsi tshwèt mfà là num mfide ntù.
1. Zit yôg Yaweh Nsi naʼ nkô nefà ben à?
Yaweh Nsi kô nefà taʼ yôg zʼa bwô miagde là ben. Ngelañ a nabte mbwe mandum bo mbwe mènnzwi, Adam bo Eva là, a naʼ te yub ntùm taʼ mbwô nkaʼ, nkaʼ Edèn. “Nsi yab kàn bo, ntshob ndù: bin bwe, nzwit zin yàme, ndun num nsitshaʼa, nke ntô num [bwe].” (Netoʼde 1:28) Yaweh Nsi naʼ kô mbe bo bwe bônkeʼ, ngù njoñ nsitshaʼ fa tùʼ taʼ paradis, mbèn ndôde ba nyàm. Ze nekô naʼ mbʼa mbe njoñ benntùn nyiañtu fa tswe mebwô num nsitshaʼ matmat.
Mba tà ndù tshu keʼ zin mbʼa naʼ nkô là, * ze nekô Yaweh Nsi keʼ bade. (Esaya 46:10, 11) A kô mbe benntùn nyiañtu tse bo num njuʼ ntshu i là tswe mebwô num nsitshaʼ ntùm paradis matmat.—Siañ Apokalipse 21:3, 4.
2. Be bag bin jù bin mbwô yôg sènni à ndùke?
Yaweh Nsi nabte be bo nzi num bag ywèle, nzi nelèn i, mba nzi neghamdʼé. (Siañ Matio 5:3-6.) A kô mbe be ghù taʼ kushun zʼa ta là bo yi, “nzin num tse manze fa, nkô i,” mbèn “mfaʼ yi bo ngô ntù [ben] fa.” (Nebwôgde 10:12; Yobkwi 25:14) Ngelañ bag bin num ngù ndùlala là, be juʼ tsiañde mba ntùm ngùtni. Neghamde Yaweh Nsi num mfà taʼ yôg zʼa lamde là ben.
TSWEʼ NTUN MI
Ziʼde njen nkôni ndùb ze Yaweh Nsi naʼ ndaʼde ngelañ a nke nabte nsitshaʼ là, mbèn njen ju ze Ntshob mi tshwèt ntswide mfà num bin yôg là.
3. Yaweh Nsi kô mbe benntùn nyiañtu ghù taʼ yôg zʼa lamde là
Lôde LAʼDE NETSHAÑ, mbèn mbùnde yen bètte li.
-
Numke Nsi naʼ nabte zebe mbwô dù‘ntswe à?
Siañ Eklésia 3:11, mbèn mbùnde yen bètte li:
-
Ke ze yennà tshwèt ntswidʼo mfà num Yaweh Nsi à?
4. Ze nekô Yaweh Nsi keʼ bade
Siañ Yobkwi 37:11, 29 bo Esaya 55:11, mbèn mbùnde yen bètte li:
-
Be lèn à ndùke mbe ze nekô Yaweh Nsi mfà num benntùn nyiañtu keʼ bade à?
Be bo bèn nabte taʼ baʼ zʼa yà fam nà. Be ndañndañ, Yaweh Nsi aʼ bèn nabte nsitshaʼ ze benntùn nyiañtu sade là, njab benntùn bo kô i là num bwe
5. Neghamde Yaweh Nsi num ngù yôg ben ghù tañ i
Nelèn bin yôg kuʼni nefà tsiañde ben. Lôde LAʼDE NETSHAÑ, mbèn mbùnde yen bètte li:
-
Nelèn bin yôg ywimde Terumi à ndùke?
Siañ Eklésia 12:13, mbèn mbùnde yen bètte li:
-
Mba Yaweh Nsi ghù tshu yàm ben nà, be be laʼde yi à ndùke mbe be tshwèt nyàmdʼé num tshu tsʼa ghù ben à?
BE MÈNNTÙN BÈTTE MBE: “Bin yôg bʼa ke?”
-
Oaʼ bùndʼà ndùke?
JU NETSHÙBE
Yaweh Nsi kô mbe be tswe mebwô matmat ntùm paradis num nsitshaʼa. Ngelañ be num ngamdʼé bo njoñ ntù be fa là, yôg ben ghù tañ i—netoʼde sènni.
Mbètte nekwimde
-
Ze nekô Yaweh Nsi mfà num Adam bo Eva naʼ mbʼa ke?
-
Be lèn à ndùke mbe ze nekô Nsi mfà num benntùn nyiañtu keʼ bade à?
-
O kuʼni neghù taʼ yôg zʼa ghù tañ i lʼà ndùke?
DIAGE
Yen tshu tsʼa tshwèt ndaʼde mbe nkaʼ Edèn lo be bwe là.
“Le jardin dʼÉden—un mythe?” (La Tour de garde, 1er janvier 2011)
Ziʼde ju zʼa ghù be lèn ke magde mbe nsitshaʼ nsi tswe matmat là.
Ziʼde ju ze Ñwaʼni Nsi tshwèt ntshob mfà num ju zʼo kuʼni neghù kà mfon bin yôg là.
Yen mba taʼ mandum zʼa naʼ nke nkwade mbʼa yà ghù njoñ tshu fa là, naʼ fon ju zʼa tsi ntùm yôg se là.
^ Ntùm bag i zʼa mbwe là, oaʼ yen ju zʼa ghù ze nekô Nsi ke yoñ ndunde là.
