ARUFUDAHANI 25
Ka labusenrubei Bungiu woun?
Ariñagatu Bíbülia mabagaridun lan gürigia “saragu dan, ani buin liña [lan] lau idiheri” (Hobu 14:1). Anihán san ibagari le labusenrubei Bungiu woun? Ánheinti mítaran lubéi, ka labusenrubei woun? Lagunfuliruba san le labusenrubei Bungiu woun? Ariha huméi lubuidun óunabagülei le tíchugubei Bíbülia.
1. Ka luwuyeri ibagari labusenrubei Bungiu woun?
Busén lumuti Heowá ibagari le buídutimabei woun. Dan le ladügünbalin Heowá Adán tuma Ewa, aba líchuguniña lidan fuluri-agei Edén, aban meha lubuidun paraísu. “Aba labiniruniña [Bungiu] lau dimurei le: ‘Garahüñügua humá saragu, buíngüda huméi ubóu hau hirahüñü ani gumadi huméi’” (Agumesehani 1:28). Busenti meha Heowá lun garahüñü hamá, lun hadügüni Ubóu paraísume luma lun hóunigiruniña animaalugu. Busenti meha lun hawinwandun sun gürigia lun súnwandan ani madagarunga sandi hawagu.
Lau sun masuseredungili lan lira, a masansirungili le labusenrubei Bungiu woun (Isaíasi 46:10, 11). Busenmémegili lun hawinwandun gürigia ha gaganbadibaña lun lun súnwandan ani masufurirunga (aliiha huméi Arufudúni 21:3, 4).
2. Ida luba gunda lan wabagari lúmagiñe guentó?
Adüga lumutiña Heowá gürigia lun “megei hamani lídehan”. Ligía busén wabéi wasubudiruni Bungiu luma wáhuduragun lun (aliiha huméi Matéu 5:3-6). Busenti Bungiu lun gamadagua wamá luma, lun wafalaruni sun lémeri, lun hínsiñe lan woun, hudugua wagíame lun tau sun wanigi (2 Lúrudu 10:12; Sálumu 25:14). Anhein wadüga ítara, gayaraabei gunda lan wabagari íbini laganagua saragu turobuli. Dan le wáhuduragun lun Heowá, sanditiwa gébuna lan wabagari ladüga wawinwanduña lan kei labusenruni.
SIGÍ HUMÁ AFURENDEIRA
Ariha waméi lueirin ínsiñeni le larufudubei Heowá lau laransehani Ubóu wabá luma le tarufudahabei Lererun luagu ka lan un wadügǘwa.
3. Busenti Heowá lun buidu lan wabagari
Ariha huméi BIDÉU, ábameti hayanuhan luagu álügüdahani le:
-
Ka uagu ladügei Bungiu lubuidun Ubóu le?
Ariñagatu Bíbülia ru lani Bungiu “ayumahani tidoun hanigi gürigia lun busén hamá hawinwandun lun súnwandan” (Apurichihati 3:11, TNM). Ayanuha humá luagu álügüdahani le:
-
Ka hafurendeirubei lídangiñe bérusu le luagu le labusenrubei Heowá woun?
4. Masansirungili le labusenrubei Heowá woun
Aliiha huméi Sálumu 37:11, 29 luma Isaíasi 55:11, ábameti hayanuhan luagu álügüdahani le:
-
Ida liña wasubudiruni masansirungili lan le labusenrubei Heowá woun?
Gayaraati taranserawagun aban muna to gádeiharu. Ligiaméme asuseredubei lun Ubóu, lau sun gadei hamaali lan gürigia, laransehabei Bungiu houn ha hínsiñehabubaña lun.
5. Adügati wáhuduragun lun Heowá lun gébuna lan wabagari
Gúndaatiwa dan le wasubudiruni ka lan labusenrubei Heowá woun. Ariha huméi BIDÉU, ábameti hayanuhan luagu álügüdahani le:
-
Ka tadügübei Terumi dan le tasubudirunbalin ka lan labusenrubei Heowá woun?
Aliiha huméi Apurichihati 12:13, ábameti hayanuhan luagu álügüdahani le:
-
Ka lunbei wadügüni lun warufuduni lun Heowá teinki wamani luagu sun le ladügübei wawagu?
ÁLÜGÜDAHANI LE HADÜGÜBEI FIU GÜRIGIA: “Ka un ladügawa Bungiu?”.
-
Kaba hamuga hóunaba?
LE HAFURENDEIRUBEI
Busenti Heowá lun wawinwandun lun súnwandan ubouagu ani masufurirunga. Íbini uguñe weyu, buiti wasandiragun woungua lidan wabagari dan le wáhuduragun lun Heowá tau sun wanigi.
Águyuguagüdüni
-
Ka meha labusenrubei Heowá lun Adán tuma Ewa dan le ladügünbaliña?
-
Ida liña wasubudiruni masansirungili lan le labusenrubei Heowá houn gürigia?
-
Kaba íderaguaün lun gunda lan hibagari?
FURENDEI HUMÁ LANWOUN
Ariha huméi ka lan uagu chouru wabalin inarüniti lan meha fuluri-agei Edén.
“El jardín de Edén, ¿una simple leyenda?” (La Atalaya, to lánina 1 lidan eneru, irumu 2011)
Furendei huméi ka lan uagu chouru wabalin laduraruba lan Ubóu lun súnwandan.
“Lagünrinchawaguba san Ubóu?” (Ariñahani lídangiñeti jw.org)
Ariha huméi le tariñagubei Bíbülia luagu ka lan un wadügǘwa.
Ariha huméi ida liña lan líchugun aban wügüri fe anihein lan lemegeirun lau sun meha samina lan anihein lan sun katei luma.
a Lidan le aban arufudahani, warihibei ka lan uagu mítaran lubéi ibagari uguñe weyu kei labusenruni Bungiu.
Háfuga hínsiñebei lan giñe le hun
ÁLÜGÜDAHANI LE GABÜGÜRÜGUATI LADÜGǗN
Ida liña aturiahani tídangiñeti Bíbülia le híchugubei gefentiña luagu Heowá?
Gayaraati hayusurunu hibibülian lidan aturiahani le híchugubei gefentiña luagu Heowá maguburahanga luagu. Gayaraati hagunbirahaniña hiduheñu hama humadagu lidoun.
