LEKSIYON 25
Unsay Gusto sa Diyos Para Nato?
Ang Bibliya nag-ingon nga ang kinabuhi sa tawo ‘mubo ug punog kasakit.’ (Job 14:1) Kini ba gyod ang gusto sa Diyos para nato? Kon dili, unsa may gusto niya para nato? Matuman ba gyod na? Sayra ang makapahupay nga mga tubag sa Bibliya.
1. Unsa nga kinabuhi ang gusto ni Jehova para nato?
Gusto ni Jehova nga mabatonan nato ang pinakamaayong kinabuhi. Dihang iyang gilalang ang unang mga tawo, si Adan ug Eva, iya silang gibutang sa nindot nga paraiso, ang tanaman sa Eden. “Unya ang Diyos nagpanalangin kanila ug miingon: ‘Panganak mo ug pagdaghan, pun-a ang yuta ug gamhi kini.’” (Genesis 1:28) Gusto ni Jehova nga manganak sila, himoon nilang paraiso ang tibuok yuta, ug atimanon nila ang mga hayop. Gusto niya nga ang tanang tawo dili masakit ug mabuhi sila hangtod sa hangtod.
Bisag dili ingon ana ang kahimtang karon, a gusto gihapon sa Diyos nga makabaton tag ingon ana nga kinabuhi. (Isaias 46:10, 11) Gusto gihapon niya nga ang masinugtanong mga tawo mabuhi hangtod sa hangtod nga walay problema ug kalisdanan.—Basaha ang Pinadayag 21:3, 4.
2. Unsay makahatag ug kahulogan sa imong kinabuhi karon?
Gilalang ta ni Jehova nga naay “espirituwal nga panginahanglan,” mao nga naa tay tinguha nga mailhan siya ug simbahon siya. (Basaha ang Mateo 5:3-6.) Gusto niya nga masuod ta niya, ‘mosubay sa tanan niyang dalan, higugmaon siya,’ ug alagaron siya “sa bug-os [natong] kasingkasing.” (Deuteronomio 10:12; Salmo 25:14) Kon ato nang himoon, magmalipayon gyod ta bisan pag naay mga problema. Dihang simbahon nato si Jehova, naay tinuod nga kahulogan ang atong kinabuhi kay nagkinabuhi ta sa paagi nga iyang gusto.
TUN-IG DUGANG
Sayra ang bahin sa dakong gugma nga gipakita ni Jehova dihang giandam niya ang yuta para nato ug ang gitudlo sa iyang Pulong nga gusto niya para sa mga tawo.
3. Gusto ni Jehova nga ang mga tawo makabaton ug maayo kaayong kinabuhi
I-play ang VIDEO, ug dayon hisgoti ang mosunod nga pangutana:
-
Nganong gilalang sa Diyos ang atong nindot nga planeta?
Basaha ang Ecclesiastes 3:11, ug dayon hisgoti kini nga pangutana:
-
Unsay gitudlo niini bahin kang Jehova?
4. Ang gusto ni Jehova para sa mga tawo wala mausab
Basaha ang Salmo 37:11, 29 ug Isaias 55:11, ug dayon hisgoti kini nga pangutana:
-
Giunsa nato pagkahibalo nga wala mausab ang gusto ni Jehova para nato?
Ang balay nga naguba puwedeng ayohon. Sa susama, ang yuta, nga gipasagdan sa kadaghanang tawo, ayohon sa Diyos para niadtong nahigugma kaniya
5. Ang pagsimba kang Jehova makahatag ug tinuod nga kahulogan sa atong kinabuhi
Ang pagkahibalo sa katuyoan sa kinabuhi makahatag natog kalipay. I-play ang VIDEO, ug dayon hisgoti ang mosunod nga pangutana:
-
Sa unsang paagi si Terumi nakabenepisyo sa pagkahibalo sa katuyoan sa kinabuhi?
Basaha ang Ecclesiastes 12:13, ug dayon hisgoti kini nga pangutana:
-
Kay daghan kaayo ug nahimo si Jehova para nato, unsaon nato pagpakita nga mapasalamaton ta niya?
KON NAAY MANGUTANA: “Unsa may gusto sa Diyos para nato?”
-
Unsay imong itubag?
SUMARYO
Gusto ni Jehova nga mabuhi ta sa yuta hangtod sa hangtod nga walay problema ug kalisdanan. Dihang simbahon nato siya sa bug-os natong kasingkasing, ang atong kinabuhi naay kahulogan—bisan karon.
Review
-
Unsay gusto ni Jehova para kang Adan ug Eva?
-
Giunsa nato pagkahibalo nga wala mausab ang gusto sa Diyos para sa mga tawo?
-
Unsay makahatag ug tinuod nga kahulogan sa imong kinabuhi?
SUSIHA
Sayra ang ebidensiya nga tinuod gyod ang tanaman sa Eden.
“Ang Tanaman sa Eden—Tumotumo o Tinuod?” (Ang Bantayanang Torre, Enero 1, 2011)
Sayra kon nganong makaseguro ta nga dili malaglag ang yuta.
Sayra ang giingon sa Bibliya bahin sa katuyoan sa kinabuhi.
Tan-awa kon sa unsang paagi nahibaloan sa usa ka tawo nga naa diay kulang ang iyang kinabuhi bisag sa primero abi niyag naa niya ang tanan.
a Sa sunod nga leksiyon, imong mahibaloan kon nganong lahi ang atong kahimtang karon.
Basin Ganahan Pod Ka
KOMON NGA MGA PANGUTANA
Unsa ang Bible Study Program nga Gina-offer sa mga Saksi ni Jehova?
Sa libreng interactive program nga gina-offer sa mga Saksi ni Jehova, puwede nimong gamiton ang bisan unsang bersiyon sa Bibliya. Puwede nimong paapilon ang tibuok pamilya o mga amigo o amiga.
