LESEN 25
Met Kot A Tipeni fán Itach?
Ewe Paipel a affata pwe manawen aramas a chék ‘mochomoch, nge manauer a uren weires.’ (Hiop 14:1) Itá ina ewe esin manaw Kot a tipeni fán itach? Ika esap ina, iwe ifa letipan fán itach? Epwe tongeni pwénútá? Ikkeei pélúwer seni Paipel mi tongeni oururukich.
1. Met sókkun manaw Jiowa a tipeni fán itach?
Jiowa a mochen ach sipwe eáni eú manaw mi fókkun múrinné seni meinisin. Atun a féri popuch kewe, Atam me Efa, a eleenier lón eú paratis mi fókkun lingéch, ina ewe tánipiin Eten. Mwirin, “a afeiöchüür o üreniir, ‘Oupwe nöünöü o achomongakemi pwe fanüfan epwe masou remi o nom fän nemeniemi.’” (Keneses 1:28) Jiowa a mochen ar repwe néúnéú, ewilaaló unusen fénúfan ngeni eú paratis, me túmúnú ekkewe man. A mochen án aramas meinisin repwe unuséch me manaw tori feilfeiló.
Inaamwo ika sise chúen eáni ena esin manaw lón ei fansoun, a nge Kot a chúen mochen ach sipwe eáni ena manaw. (Aisea 46:10, 11) A chúen mochen án aramas mi álleasochis repwe eáni manaw mi unuséch tori feilfeiló.—Álleani Pwärätä 21:3, 4.
2. Ifa usun ka tongeni eáni eú manaw mi wor aúchean iei?
Atun Jiowa a férikich, a pwal fang ngenikich ewe mochen ach sipwe angei emmwen seni. Ina popun a wor rech ewe mochen silei i me fel ngeni. (Álleani Mateus 5:3-6.) A mochen ach sipwe ririéch ngeni, ‘föri meinisin mine a allük ngenikich,’ “echeni,” me angang ngeni ‘seni unusen lelukach.’ (Tuteronomi 10:12; Kölfel 25:14) Atun sia féri ekkena mettóch, sia tongeni enletin pwapwa inaamwo ika sia nóm fán weires. Atun sia fel ngeni Jiowa, sia meefi aúchean manawach pokiten sia eáni ewe esin manaw a mochen fán itach.
KÚTTAFICHI
Káé usun ewe tong mi lapalap Jiowa a pwári atun a féri fénúfan fán itach me met an we Kapas a asukulakich usun popun manawach.
3. Jiowa a mochen án aramas repwe eáni eú manaw mi fókkun múrinné
Fichi ei VIDEO, me mwirin pwóróusfengen wóón ei kapas eis.
-
Pwata Kot a fératá ei fénúfan mi ling?
Álleani Än Salomon Afalafal 3:11, me mwirin pwóróusfengen wóón ei kapas eis:
-
Met ei wokisin a áiti ngonuk usun Jiowa?
4. Ese siwil minne Jiowa a tipeni
Álleani Kölfel 37:11, 29 me Aisea 55:11, me mwirin pwóróusfengen wóón ei kapas eis:
-
Ifa usun sia silei pwe ese siwil minne Jiowa a tipeni?
Eú imw mi tatakkis a tongeni fférsefál. Pwal ina usun ren ei fénúfan aramas ra túmúnúngaw ngeni, Kot epwe férsefáli fán iten chókkewe mi tongei i
5. Ach fel ngeni Jiowa a atoto ngenikich aúchean manawach
Ach silei ewe popun sia manaw, a atoto ngenikich pwapwa. Fichi ei VIDEO, me mwirin pwóróusfengen wóón ei kapas eis.
-
Ifa usun Terumi a kúna álillis seni an silei ewe popun sia manaw?
Álleani Än Salomon Afalafal 12:13, me mwirin pwóróusfengen wóón ei kapas eis:
-
Pokiten Jiowa a féri chómmóng mettóch fán itach, ifa usun sipwe pwári ach kilisou ngeni?
ELI EMÉN EPWE EIS: “Met sipwe féri pwe sipwe pwapwa?”
-
Ifa usun kopwe pélúweni?
MENLAPAN
Jiowa a mochen ach sipwe eáni eú manaw mi pwapwa tori feilfeiló wóón fénúfan, me sipwe unuséch. Atun sia fel ngeni seni unusen letipach, a wor aúchean manawach, pwal mwo nge iei.
Enniwili
-
Met Jiowa a tipeni fán iten Atam me Efa seni me lepoputáán?
-
Pwata sia silei pwe ese siwil minne Kot a tipeni fán iten aramas?
-
Ifa usun ka tongeni eáni eú manaw mi wor aúchean?
PWAL EKKÓCH PWÓRÓUS
Ppii ekkewe pisekin ánnet mi pwári pwe mi wesewesen wor ewe tánipiin Eten.
“Ewe Tänipiin Ichen—Tütülap Chök are Wesewesen?” (Ewe Leenien Mas, February 1, 2011)
Káé pwata sia fókkun lúkú pwe ei fénúfan epwe nómoffóchóló.
Etittina met ewe Paipel a erá usun ach sipwe eáni eú manaw mi wor aúchean.
Ppii pwóróusen emén mwán mi ekieki pwe a ounusa mettóch meinisin lón manawan, nge mwirin a kúna pwe a wor met a osupwangan.
a Lón en lesen mwirin, kopwe káé pwata sise chúen eáni ena sókkun manaw iei.
