AYÈGÈ 25
Nsong’en Zamba asu daan o ne mbé?
Ane Bibel a dzo, bot ‘ba nying étun abog ai énying dzaba é ne ndzalen ai mindzug’ (Yiob 14:1). Ye nala ngò fò Zamba a yi asu daan ngaa? Nsong’en woé o ne hm mbé asu daan? Ye nsong’en té wa yi dzaleben mmos zing? Bi tam yen biyalen Bibel a ve bia.
1. Kan énying fé Yéhova a yi asu daan?
Yéhova a yi na bi bi mbembe énying. Éyòng a nga kom bot be osu, Adam ban Éfa, a nga toa bò a mbembe étòbega, paradis, afub Éden. Nde fe “a nga maa bò, a dzo na: ‘Biéni, mi foé, mi dzala si, mi dzoé fe dzò’” (Yénésis 1:28). Nsong’en Yéhova o mbe na be bié bòn, be veng’en si ése paradis, ai na be nòng ngab ai biyem. Nyien woé o nga be na, bot be bi mvòè ya minson ai na be nying a kòm ya kòm.
Tò ane mam me seki nala melu ma a, nsong’en Zamba o ndziki tséndé (Yésaya 46:10, 11). Yéhova a ngene a yi na é bot be ne mewog be bi énying kòm tegè ai mindzug (Lang’a Akuli mam 21:3, 4).
2. Akia afé énying dzaan é ne tòbò nfi a kèègè étoa di?
Yéhova a nga kom bia ai ‘meyang’en ya nsisim’ nala wa tilen na bia yang’en na bi yem nyè ai na bi kang nyè (Lang’a Matéus 5:3-6). A yi na bi tòbò bemvoé boé, “bi wulugu a mezen moé mese,” bi ding nyè, bi bò fe nyè ésié “ai nnem waan ose” (Deutérònòm 10:12; Salmen 25:14). Nge bia bò é mam mese ma, bi ne dzam tòbò mintak tò bi bele mindzug. A kang Yéhova wa bò na énying dzaan é tòbò ai nfi amu éyòng bia bò nala bia nying ane a nga kom bia.
TUENE FAG
Bi tam yen akia ya Yéhova a nga tuene man kom si asu daan ai éding ése, ai dzé Bibel a yegele bia é bebege nsong’en ya énying dzaan.
3. Yéhova a bele mbembe nsong’en asu bot
Bebege VIDÉO ai yalen a nsili hi:
-
Amu dzé Yéhova a nga tié si é toa akia abeng di?
Lang’a Ékklésiast 3:11 ai yalen a nsili hi:
-
Dzé éfus Bibel dzi ya yegele wò é bebege Yéhova?
4. Nsong’en Zamba o ndziki tséndé
Lang’a Salmen 37:11, 29 ai Yésaya 55:11, ai yalen a nsili hi:
-
Bia yem ai dzé na nsong’en Yéhova asu daan o ndziki tséndé?
É nda é ne ndamen, be ne dzò bare kom. Dzam deda, tò ane bot be ndziki nòng ndzug ai si, Zamba a yi dzò man kom ai a ve dzò é ba ba ding nyè
5. A kang Yéhova wa bò na énying dzaan é tòbò ai nfi
A yem nsong’en ya énying o ne bò na bi tòbò mintak. Bebege VIDÉO ai yalen a nsili hi:
-
Mmos ya Terumi a nga yem nsong’en ya énying, dzé é nga tséndé asu dié?
Lang’a Ékklésiast 12:13 ai yalen a nsili hi:
-
Éyòng bia fas é mam mese Yéhova a bòya asu daan, nala wa tindi bia na bi bò dzé?
MOT A NE WÒ DZAM SILI NA: “Nsong’en ya énying o ne mbé?”
-
Wò yi yalen ya?
OBALBAS
Yéhova a yi na bi nying a si a ntié kòm tegè ai mindzug. A kang Zamba ai nnem waan ose a bò na énying dzaan é bò ai nfi, tò éyòng dzaan dzi.
Dzé bia baala
-
Nsong’en Zamba asu Adam ban Éfa o nga be mbé?
-
Bia yem ai dzé na nsong’en Zamba asu bot o ndziki tséndé?
-
Akia afé o ne dzam bò na énying dzoé é tòbò ai nfi?
O NE FE BEBE
Ye afub Éden Bibel a dzo a nga be fò tutué?
“Le jardin d’Éden —Un mythe?” (La Tour de Garde, 1er janvier 2011)
Bia yem ai dzé na si ya yi ki dzang mmos zing?
É dzam Bibel a dzo a bebege nsong’en ya énying.
Nlang é mot a nga kèène yen na dzom zing é nga be dzemen nyè énying dzié.
a Ayègè a tsaa, bia yi yen amu dzé mam me ndziki loren akia ya Yéhova a nga yi.
