LESONI 25
Na Cava na iNaki ni Kalou me Baleti Keda?
E kaya na iVolatabu ni noda bula e ‘lekaleka wale qai sinai ena leqa.’ (Jope 14:1) Vakacava qori na bula e vinakata vei keda na Kalou? Ke sega, na cava ga na nona inaki me baleti keda? Ena yaco dina? Ena vakacegui keda na ka e tukuna na iVolatabu.
1. Na bula vakacava e vinakata o Jiova vei keda?
E vinakata o Jiova meda marautaka na bula vinaka duadua. Ni buli rau na imatai ni tamata o Atama kei Ivi, e biuti rau ena dua na parataisi totoka, na were o Iteni. E qai “vosa vakalougatataki rau na Kalou, e kaya vei rau: ‘Drau vakawa, mera le levu mai, drau vakasinaiti vuravura, drau vakamalumalumutaka, drau lewa tale ga.’” (Vakatekivu 1:28) E vinakata o Jiova me rau vakaluveni, me rau vakatetea na parataisi ena vuravura taucoko, me rau qarava tale ga na manumanu. E nona inaki meda bulabula vinaka da qai bula tawamudu.
E seva na ka kece qori, a ia e sega ni veisau na inaki ni Kalou. (Aisea 46:10, 11) E se vinakata tiko ga mera bula tawamudu na tamata talairawarawa.—Wilika Vakatakila 21:3, 4.
2. Ena vakainaki vakacava na noda bula nikua?
E buli keda o Jiova meda kauaitaka noda “bula vakayalo.” Qori meda kilai koya, meda qaravi koya tale ga. (Wilika Maciu 5:3-6.) E vinakata meda veiwekani voleka kei koya, meda ‘muria na nona sala kece, meda lomani koya,’ qai qaravi koya ena ‘lomada taucoko.’ (Vakarua 10:12; Same 25:14) Nida cakava qori eda na marau, dina nida sotava tu na leqa. E vakainaki noda bula nida sokaloutaki Jiova.
VAKEKELI
Vulica na levu ni nona lomani keda o Jiova ni bulia na vuravura, kei na ka e vakavulica nona Vosa me baleta na inaki ni bula.
3. E vinakata o Jiova meda marautaka noda bula
Sarava na VIDIO, qai veivosakitaka na taro qo.
-
Na cava e bulia kina na Kalou noda vuravura?
Wilika Dauvunau 3:11, qai veivosakitaka na taro qo:
-
Na cava o vulica e ke me baleti Jiova?
4. E sega ni veisau na inaki i Jiova
Wilika Same 37:11, 29 kei na Aisea 55:11, qai veivosakitaka na taro qo:
-
Eda kila vakacava ni sega ni veisau na inaki i Jiova me baleti keda?
E rawa ni vakavinakataki tale na vale sa ca tu. Ena vakavinakataka tale ga na Kalou na vuravura qo mera tawana na lomani koya
5. E vakainaki noda bula nida qaravi Jiova
Nida kila na inaki ni bula, e vakamarautaki keda. Sarava na VIDIO, qai veivosakitaka na taro qo.
-
E yaga vakacava vei Terumi nona mai kila na inaki ni bula?
Wilika Dauvunau 12:13, qai veivosakitaka na taro qo:
-
Nida vakasamataka na levu ni ka e cakava vei keda o Jiova, na cava e dodonu meda cakava?
KE TAROGA E DUA: “Na cava na inaki ni bula?”
-
O na sauma vakacava?
KA O VULICA
E vinakata o Jiova meda marautaka na bula tawamudu e vuravura. Nida qaravi koya mai vu ni lomada, ena vakainaki noda bula ena gauna mada ga qo.
Railesuvi
-
Na cava na inaki taumada i Jiova vei rau o Atama kei Ivi?
-
Eda kila vakacava ni se sega ni veisau na inaki ni Kalou me baleti keda?
-
Ena vakainaki vakacava noda bula?
IKURI
Raica na ivakadinadina ni tiko dina na were o Iteni.
“Na Were o Iteni—E Vanua Dina se iTukuni Ga?” (Na Vale ni Vakatawa, 1 Janueri, 2011)
Vulica na vuna meda nuidei kina ni na sega ni vakarusai na vuravura.
Dikeva na ka e tukuna na iVolatabu ena sala me vakainaki kina noda bula.
Raica nona sega ni lomavakacegu e dua na turaga ena ka e taukena.
a Eda na dikeva ena lesoni tarava, na vuna e sega ni yaco kina na inaki ni Kalou.
Rawa ni o Wilika Tale ga
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
