KAPITE 25
Koleā Le Fakatuʼutuʼu a Le Atua Kia Tātou?
O fai pe lona pati i le Tosi-Tapu, ko le maʼuli o le tagata la ‘e toʼetoʼe fua ti e ʼapele i le mamae.’ (Sopo 14:1) Ko le loto māʼoki ko ia lenā o le Atua? Koleā loa lana fakatuʼutuʼu kia tātou? E fakasoko loa ko ia i se aso? Ta tioʼi a tali fakalotofīmālie mei le Tosi-Tapu.
1. Koleā le faʼasiga maʼuli leia e loto a Seova ke tou ʼaga o maʼua?
E loto a Seova ke tou maʼuli fīmālie. I lana fakatupu a Atama mo Eva, na tuku e ia lāua ki se palatiso fulumālie leia ko le ōloto o Eteni. Na tapuaki loa aia kia lāua mo pati: “Kolua fanaunau, kolua liuliuga, kolua fakaapi le kele, ti kolua pulei a ia.” (Senesi 1:28) Na fakatuʼutuʼu e Seova ke maʼua ni alā fānau ti ke lā fakaliliu le kele kātoa ko le palatiso ti mo tokaga ki manu. Na fakatuʼutuʼu e ia ke maʼuli saosaoa le kakai ti mo maʼuli o talu ai.
Ko lotātou maʼuli i aso nei e leʼese fakafenaʼaki, a kae ko le Atua e lekise fetogi ana fakatuʼutuʼu. (Esaia 46:10, 11) E loto a Seova ki le kakai fakalogo la, ke lotou maʼuli fīmālie o talu ai.—Lau Apokalipisi 21:3, 4.
2. Koleā e tonu ke fai ke iai se uiga mo lotātou maʼuli?
Na fakatupu tātou e Seova ti e iloa e ia lotātou ‘mativa i le potu fakalaumālie.’ Ko ia e ʼaoga kia tātou ke tou iloa aia mo atolasio kiate ia. (Lau Mateo 5:3-6.) E loto Seova ke tou liliu ko ona kauneʼa ti ke tou “saele i ona ala fuli” o alofa mo tausi kiate ia ‘i lotātou loto kātoa.’ (Tetelonome 10:12; Pesalemo 25:14) Ko koga fuli anā e fakatupu loto fiafia logo ai e tou tau mo ni faigataʼaʼia. Ko Le tausi leia kia Seova, e tou iloa ai le uiga māʼoki o lotātou maʼuli talie e tou maʼuli o mulimuli ki lotātou faʼasiga fakatupu.
MANATU LOLOTO
Ta tioʼi pe na fakasā fefeʼaki e Seova lona alofa kia tātou mei lana ʼaga o teuteuʼi le kele. Ti koleā e akoʼi mai e lana Folafola ki le tupuʼaga o le maʼuli.
3. E iai le fakatuʼutuʼu fulumalie a Seova ki le tagata la
Tioʼi le GĀ ʼATA, ti fai le vesili e soa atu ki ai.
-
Koleā na faʼu ai e le Atua lotātou a kele ke fulumalie?
Lau Ekelesiasi 3:11, ti fai le vesili leinei:
-
Koleā le ako e tou tāʼofi i le vaega leinei o uiga mo Seova?
4. Ko le fakatuʼutuʼu a Seova e lekise fetogi
Lau Pesalemo 37:11, 29 mo Esaia 55:11, ti fai le vesili leinei:
-
E tou iloa fefeʼaki e lekise fetogi le fakatuʼutuʼu a Seova o uiga mo tātou?
Ko se fale kua maumau e mafai lona toe fakafoʼou. E toe felaʼakiʼi mo le kele, logo ai e leʼese tokaga le tagata ki ai, kae e ʼaga loa le Atua o toe fakafoʼou o soli kia lātou alā e alofa kiate ia
5. E iai le uiga māʼoki o lotātou maʼuli mokā tou tausi kia Seova
Ko le iloa o le tupuʼaga o le maʼuli e tokoi mai ke tou fiafia. Tioʼi le GĀ ʼATA, ti fai le vesili e soa atu ki ai.
-
Koā loa a fetogi na fai e Terumi i le aso leia na matala ai ki le tupuʼaga o le maʼuli?
Lau Ekelesiasi 12:15, ti fai le vesili leinei:
-
Koleā e ekenaki ai tātou ke tou fai kia Seova, mokā tou fakakaukau ki neʼa alā na fai e ia kia tātou?
E LAGI PATI ATU LOA A ʼIKI: “Koleā le tupuʼaga o le maʼuli?”
-
Koleā loa lau tali ki ai?
MANATU TĀFITO
E loto a Seova ke tou maʼuli fīmālie i le kele o talu ai. Ko le tausi ki le Atua i lotātou loto kātoa e tou iloa ai le uiga o lotātou maʼuli.
Fakamanatu
-
Koleā le fakatuʼutuʼu a Seova kia Atama mo Eva?
-
E tou iloa fefeʼaki e lekise fetogi le fakatuʼutuʼu a le Atua o uiga mo le tagata la?
-
Koleā e tonu ke ke fai ke mālie ai lou maʼuli?
A ʼIKI MANATU
Na iai māʼoki ko ia se ōloto i Eteni?
“Ko le ōloto i Eteni ko se fanaga ko ia?” (Tule Leʼo, aso 1 o Fepualio 2011)
Koleā e tou tui māʼoki ai e tuʼu loa le kele o talu ai?
Le anoʼaga e fakasā i le Tosi-Tapu o uiga mo le tupuʼaga o le maʼuli.
Ko le fakamatala o se tagata na maʼua e ia le neʼa na ʼaoga ki lona maʼuli.
a I le kapite ka soa mai, e fakamatala le tupuʼaga o leʼese soko ai a anoʼaga na fakatuʼutuʼu ki ai e le Atua.
