LECCIÓN 25
Cal é o propósito de Deus para nós?
A Biblia recoñece que a vida dos seres humanos é curta e está chea de problemas (Xob 14:1). De verdade é isto o que Deus quere para nós? Se non é así, cal é o seu propósito para a humanidade? Cumprirase algún día? Analiza as respostas que dá a Biblia.
1. Que tipo de vida quere Deus para nós?
Xehová quere que teñamos a mellor vida posible. Cando creou os primeiros humanos, Adam e Eva, púxoos nun fermoso paraíso, o xardín de Edén. Entón “bendiciunos así: ‘Reproducídevos, crecede, enchede a terra e sometédea’” (Xénese 1:28). Xehová quería que tivesen fillos, convertesen toda a Terra nun paraíso e coidasen dos animais. O seu propósito era que tódalas persoas desfrutasen de saúde perfecta e vivisen para sempre.
Aínda que as cousas non acabaron sendo así, a o propósito de Deus non cambiou (Isaías 46:10, 11). El aínda quere que os humanos obedientes vivan para sempre en condicións perfectas (le Apocalipse 21:3, 4).
2. Como podemos desfrutar agora dunha vida con sentido?
Xehová creounos coa necesidade ou desexo de coñecelo e adoralo (le Mateo 4:4; 5:4-6). Quere que teñas unha amizade estreita con el, “que andes polos seus camiños” e que o ames e o sirvas “con todo o teu corazón” (Deuteronomio 10:12, SBG; Proverbios 3:32). Cando o facemos, podemos ser felices de verdade aínda que teñamos problemas. Adorar a Xehová dálle verdadeiro sentido e propósito á nosa vida.
AFONDA MÁIS
Aprende máis sobre o amor tan grande que demostrou Xehová cando preparou a Terra para nós e o que ensina a súa Palabra sobre o propósito da vida.
3. Xehová ten un propósito marabilloso para os humanos
Poñede o VÍDEO e logo comentade esta pregunta:
-
Por que creou Deus o noso fermoso planeta?
Lede Eclesiastés 3:11, TNM e logo comentade esta pregunta:
-
Que che ensina isto sobre Xehová?
4. O propósito de Xehová non cambiou
Lede Salmo 37:11, 29 e Isaías 55:11 e logo comentade esta pregunta:
-
Por que sabemos que o propósito de Deus para nós non cambiou?
5. Adorar a Xehová dálle verdadeiro sentido á nosa vida
Saber que propósito ten a vida pode facernos felices. Poñede o VÍDEO e logo comentade esta pregunta:
-
Como se beneficiou Terumi de aprender cal é o sentido da vida?
Lede Eclesiastés 12:13 e logo comentade esta pregunta:
-
Tendo en conta todo o que Xehová fixo por nós, como lle podemos demostrar que estamos agradecidos?
ALGUÉN PODERÍA PREGUNTAR: “Que sentido ten a vida?”.
-
Ti que lle dirías?
RESUMO
Xehová quere que desfrutes de vivir para sempre aquí na Terra en condicións perfectas. E incluso agora, as nosas vidas teñen verdadeiro sentido cando o adoramos de todo corazón.
Repaso
-
Cal era o propósito orixinal de Xehová para Adam e Eva?
-
Por que sabemos que o propósito de Deus para os humanos non cambiou?
-
Como podes atopar verdadeiro propósito na vida?
INVESTIGA
Analiza as probas que demostran que o xardín de Edén de verdade existiu.
“O xardín de Edén, mito ou realidade?” (La Atalaya, 1 xaneiro 2011)
Aprende por que podemos estar seguros de que a Terra vai durar para sempre.
Analiza o que di a Biblia sobre atoparlle sentido á vida.
Mira como un home que pensaba que o tiña todo na vida atopou o que lle faltaba.
a Na seguinte lección aprenderás que foi o que saíu mal.