ZASEŊƆ 25
Bem Zuo Ti Naayinɛ Naam Tɔ?
Baabule la yeti nɛresaaleba vom “pɔ’ɛ mɛ ge kɔ’ɔn pirɛ la yeledaaŋɔ.” (Yob 14:1) Naayinɛ n boti la ana to se’em n wana? La san daɣena bala, a puti’irɛ dela denɛ ti a tara bɔ’ɔra tɔ? A puti’irɛ wa wan malum tum? Geele bisɛ Baabule la lebesego n buɣeli suure se’em.
1. Vom buni taaba ti Yehowa bɔta ti to tara?
Yehowa boti la to tara vom sebo n ani soŋa gana za’a. Se’em ma’a ti a yuun naam Adam la Hawa la, a yuun dekɛ ba eŋɛ la paradiisi n ani soŋa poan n de Eden va’am la. Ti “Naayinɛ kã bo ba mɛ ge yele ba yeti: ‘Dɔɣɛ ya ge zo’e, pirɛ ya tingɔŋɔ la ge sɔna ka.’” (Pin’ileŋɔ 1:28) Yehowa yuun boti la ba dɔɣɛ kɔma, basɛ ti tingɔŋɔ wa za’a dɛna paradiisi ge sɔna dusi la bisera. A yuun boti la nɛra woo tara imma’asum ge me vɔna daarewoo.
La boi bim ti yɛla la yuun ka eŋɛ bala ge a Naayinɛ puti’irɛ la ka tee. (Isaiah 46:10, 11) A kelum bɔta ti nɛresɛba n nani a nɔɔrɛ la vɔna daarewoo bɔnsoŋa poan.—Kaalɛ Liligere 21:3, 4.
2. To wan eŋɛ la wani ta’an tara vom somɔ nananawa?
Yehowa n naam tɔ se’em la, ‘vo’osum yele pakɛ to mɛ.’ Bala vuurɛ dela, to boti la to mina en ge pu’usa en. (Kaalɛ Matu 5:3-6.) A boti la to tara bɔnsoŋa la en “dɔla a sarɔtɔ la za’a, nɔŋɛ en” ta’an pu’usa en “la [to] suure za’a.” (Tɛɛnhegɔ 10:12; Yooma 25:14) To san ita bala, to wan tara pupeelum hali yele san puɣum paɛ tɔ. To san pu’usa Yehowa, la wan basɛ ti to tara vom somɔ.
VIISƐ PA’ASƐ
Zamesɛ baŋɛ nɔŋerɛ zuo ti Yehowa naam tingɔŋɔ wa se’em bo to ge le bisɛ a Yetɔɣum la n pa’alɛ vom vuurɛ se’em.
3. Yehowa tari la putɛsonɛ bɔ’ɔra nɛresaaleba
Ŋmɛ VIDIYO la ge nyaa sɔsɛ sokere wa:
-
Beni n sɔi ti Naayinɛ naam to tingɔŋɔ wa ti la ana soŋa wana?
Kaalɛ Pa’ala 3: 11 ge nyaa sɔsɛ sokere wa:
-
Wana wa pa’alɛ hon Yehowa yele la wani?
4. Yehowa puti’irɛ la ka tee
Kaalɛ Yooma 37:11, 29 la Isaiah 55:11 ge nyaa sɔsɛ sokere wa:
-
To eŋɛ la wani baŋɛ ti Yehowa puti’irɛ la ti a tara bɔ’ɔra to la ka tee?
Yire san sa’am, ba wan ta’an le maalɛ dɛ. Bala mea ti Naayinɛ wan le maalɛ tingɔŋɔ wa ti nɛreba sa’am se’em la bo sɛba n nɔŋɛ en la
5. To pu’useri Yehowa la basɛ ti to vom wa tara la vuurɛ
To san mina vom vuurɛ n de sɛla la ta’an basɛ ti to tara pupeelum. Ŋmɛ VIDIYO la ge nyaa sɔsɛ sokere wa:
-
Terumi nyɛ nyuurɔ la wani la eŋa n zamesɛ baŋɛ vom vuurɛ n de sɛla la?
Kaalɛ Pa’ala 12:13 ge nyaa sɔsɛ sokere wa:
-
Yehowa n eŋɛ yɛla zo’e zo’e bo to se’em la zuo, tomam me nari ti to eŋɛ la bem lebese bo en?
NƐRA TA’AN SOKE YETI: “Vom vuurɛ?”
-
Hon wan lebese la wani?
YELEKPINE
Yehowa boti la to tara vom somɔ tingɔŋɔ wa zuo daarewoo. To san yese to suure za’a pu’usa en, to wan sirum tara vom somɔ—hali nananawa.
Tiisegɔ Sokere
-
Yehowa puti’irɛ yuun dela bem wana mɔpi bɔ’ɔra Adam la Hawa?
-
To eŋɛ la wani baŋɛ ti Naayinɛ puti’irɛ la ti a tara bɔ’ɔra nɛresaaleba la ka tee?
-
Ho wan eŋɛ la wani ta’an sirum tara vom somɔ?
Ɛ BISƐ
Bisɛ yelese’a n eŋɛ pa’alɛ ti Eden gaadin la yuun sirum boi mɛ.
“Eden Gaadin La Yuun Sirum Boi Mɛ?” (The Watchtower, January 1, 2011)
Zamesɛ baŋɛ sɛla n sɔi ti to sakɛ ti tingɔŋɔ wa wan bɔna la bala wuusa.
Viisɛ baŋɛ Baabule la n pa’alɛ hon wan eŋɛ se’em tara vom somɔ.
Bisɛ buraa ayima n yuun ti’iseri ti eŋa tari sɛla woo mɛ a vom poan ge nyaa ta baŋɛ ti sɛla gee mɛ a vom poan.
a Zaseŋɔ seko n taɣelɛ la poan, to wan zamesɛ baŋɛ tuure la n ze’ele zɛ’an.
Ho Me Ta'an Bɔta Yele Ana
SOKESE’A TI NƐREBA SƆKERA
Bem Baabule Zamesegɔ N Bala Ti Yehowa Sɛɛradoma Ita La Nɛreba?
Hon la Yehowa Sɛɛradoma san zamesa Baabule la, ho ta’an tara homea Baabule la kaala, zamesegɔ la poan. Ho ta’an yele ho yire nɛreba za’a la ho zɔdoma ti ba laɣum kelese zamesegɔ la.
