KUKWE JA TÖTIKARA 25
¿Nikwe nünandre ño ie Ngöbö tö?
Ni kä nebätä “tä nüne kä braibe te aune kukwe tare keta kabre” ben ja tuata nieta Bibliakwe (Job 14:1). Akwa, ¿nikwe nünandre kore ie Ngöbö tö? Ñakare ngwane, ¿Ngöbö tö ni tuai nüne ño? ¿Rabai bare ja känenkäre? Biblia tä kukwe niere ni dimikakäre ye mike gare jai.
1. ¿Nikwe nünandre ño ie Ngöbö tö?
Nikwe nünandre kwin ie Jehová tö. Adán aune Eva sribebare Ngöbökwe ngwane, mikani kä bä nuäre jardín Edénte kwe. Yete “Ngöbökwe kukwe kwin nuainbare kräketre aune Ngöbökwe niebare ietre: “Ngäbäkre ngüba kwati munkwe aune rabadre nirien kwati jatäri nünankäre kä jökräbiti tibien aune munkwe sribi kä” tibiente (Génesis 1:28). Ngäbäkre ngübadre kwetre aune kä tibien kwitadre bä nuäre kwetre aune jondron nire kä tibienbätä ye ngübadre kwetre ie Jehová tö namani. Ja nire metre rabadre ni kä nebätäkwe aune nünandre kärekäre kwe, ye ie Jehová tö namani.
Kukwe ye ñan namani bare, a akwa Ngöbökwe ja töi mikani ño ye ñan kwite (Isaías 46:10, 11). Ni niara mikaka täte metre käkwe nünandre kwin aune käre ie niara tö täbe (mäkwe ñäkä Apocalipsis 21:3, 4 yebätä).
2. ¿Ño ni raba nüne kwin aune kä jutobiti nengwane?
Jehovakwe ni sribebare ne kwe nikwe “kukwe ja üaire ribedre jai”, ye abokän ni töi rabadre niara mike gare jai aune mike täte (mäkwe ñäkä Mateo 5:3-6 yebätä). Nikwe ja ketadre kwin Ngöböbe, nändre “ji kwe yebiti”, taredre aune sribidre ja brukwä tätebiti kräke ie tö (Deuteronomio 10:12; Salmo 25:14). Nikwe ne erere nuaindi ngwane, kukwe ñokwä tä ni kisete, akwa yebiti ta ni raba nüne kä jutobiti. Nita Jehová mike täte ngwane, ñan ngwarbekäre nita nüne tä nemen gare nie, ñobätä ñan aune Jehová tö ni tuai nüne ño ye ererebätä nita nüne.
JA TÖTIKE BÄRI NGUSETA
Jehovata ni tarere ye bämikani ño kwe kä tibien ne sribebare kwe yebiti aune drekäre nita nüne Kukwe kwe tä niere, ye ani mike gare jai.
3. Nikwe nünandre kwin ie Jehová tö
VIDEO mikadre ñärärä, biti kukwe ne kädriedre jabe:
-
¿Ñokäre Ngöbökwe kä tibien bä nuäre ne sribebare?
Ñäkädre Eclesiastés 3:11 yebätä aune kukwe ne kädriedre jabe:
-
¿Kukwe ne tä dre driere Jehovabätä nie?
4. Jehová ñaka ja töi kwite
Ñäkädre Salmo 37:11, 29 aune Isaías 55:11 yebätä aune kukwe ne kädriedre jabe:
-
Jehová töi nämäne käne ye erere töi täbe ni kräke, ¿ye ñokänti gare nie?
Ju niena ngidiente ükate raba. Ye erere nuaindi kä tibien nebätä. Ni kä nebätä tä kä juen ngwarbe, akwa Ngöbökwe ükaite ni niara tarekä kräke.
5. Jehová mikata täte ye tä kä mike juto nibätä
Drekäre nita nüne tä nemen gare nie ye tä kä mike juto nibätä. VIDEO mikadre ñärärä, biti kukwe ne kädriedre jabe:
-
¿Drekäre Terumi nämäne nüne namani gare ie ye käkwe dimikani ño?
Ñäkädre Eclesiastés 12:13 yebätä aune kukwe ne kädriedre jabe:
-
Kukwe keta kabre nuainbare Jehovakwe ni kräke yebätä nita debe bien, ¿ye ni raba bämike ño?
NITRE RUÄRE TÄ KUKWE NE NGWENTARI: “Tita ja tare nike, ¿se drekäre Ngöbökwe ti sribebare?”.
-
¿Mäkwe dre niedre?
¿DRE NIBI GARE MÄI?
Nikwe nünandre kärekäre kä tibienbätä kä jutobiti aune ja nire metre rabadre nikwe ie Jehová tö. Aune nengwane, nikwe Jehová mikai täte ja brukwä tätebiti ngwane kä rabai juto nibätä.
Ngwankäreta törö
-
Jehovakwe Adán aune Eva sribebare ngwane, ¿töi nämäne ño kräke?
-
Ngöbö töi nämäne kukwe nuainbätä ni kä nebätä kräke yebätä ñan ja töi kwite, ¿ye ñokänti gare nie?
-
¿Dre käkwe mä dimikai nüne kä jutobiti?
KUKWE MIKE GARE BÄRI JAI
Ñobätä jardín Edén ye ñan kukwe ngwarbe kädrieta ye mike gare jai.
“¿Jardín Edén ye kukwe ngwarbebätä blitata?” (Ni Mikaka Mokre, 1 enero 2011)
Ñobätä kä tibien ñaka juain ngwarbe jire ye mike gare jai.
Nita nüne yebätä Biblia tä dre niere ye mike gare jai.
Ni itikwe jondron jökrä nämänena nämäne ruin ie, akwa nämäne jondron keteiti ribere jai nükani gare ie ye mike ñärärä.
a Dre namani bare ye rabai gare nie kukwe ja tötikara ja känenkäre yete.
Ne rabai tuen kwin mäi arato
KUKWE NGWANTARITA BÄRI
¿Ja tötika Bibliabätä drieta ni testiko Jehovakwe ye abokän ño?
Ni testiko Jehovakwe tä ni tötike ye ütiä kärä ñaka aune mä raba ja tötike Biblia jeñe mäkwe yebiti. Ne madakäre mä raba mä mräkä jökrä o ja ketamuko ye nübaire jabe ja tötike.
