PELAJAR 25
Nama Tuju Petara ke Kitai?
Bup Kudus madahka, ‘Semua kitai endang enda panjai umur sereta ditinggang penusah.’ (Jop 14:1) Kati Petara deka kitai idup baka tu? Enti enda, nama tuju Iya ke kitai? Kati tuju Iya deka mujur? Aram kitai meda saut ari Bup Kudus.
1. Nama tuju Petara ke kitai?
Jehovah deka mensia bisi pengidup ti manah. Lebuh Iya nempa Adam enggau Awa, Iya meri sida endur diau ti manah ti dikumbai Kebun Eden. ‘Petara merekatka sida, lalu bejaku ngagai sida, “Beranak betelesak lalu ngemenuhka dunya meh kita sereta bekuasa atas iya.”’ (Pemungkal 1:28) Jehovah deka sida ngembuan mayuh anak, nyaga jelu, sereta ngaga dunya nyadi Paradais. Iya deka mensia bisi pengidup ti sempurna sereta idup belama iya.
Taja pan gaya dunya kemayaharitu amat bebida enggau tuju Petara ti asal, a tang tuju Petara agi tetap sama. (Isaiah 46:10, 11) Iya dekaka mensia ti rinduka Iya ngembuan pengidup ti meruan belama iya sereta sempurna.—Bacha Pemandang 21:3, 4.
2. Baka ni kitai ulih idup enggau lantang diatu?
Jehovah nempa mensia ke begunaka iring ari Iya. Nya kebuah kitai bisi pengingin deka ngelala sereta nyembah Iya. (Bacha Matthew 4:4; 5:4-6.) Iya deka kitai ngembuan kaul ti rapat enggau Iya, “idup nitihka jalai Iya, rinduka Iya, nyembah Iya enggau pengabis ati.” (Ulang Adat 10:12; Masmur 25:14) Enti kitai ngereja semua nya, kitai ulih idup enggau lantang taja pan napi penanggul. Lalu kaul kitai enggau Jehovah ngasuh pengidup kitai bisi reti sereta puas ati.
BELAJAR MAYUH AGI
Belajar pasal pemesai pengerindu Jehovah ke diayanka Iya lebuh Iya nyediaka dunya ke kitai. Peratika mega utai ke diajar Bup Kudus pasal tuju pengidup kitai.
3. Jehovah deka mensia bisi pengidup ti manah
Mainka VIDEO, lalu kerandauka tanya tu.
-
Nama kebuah Jehovah nempa dunya kitai ke manah tu?
Bacha Pengajar 3:11, lalu kerandauka tanya tu:
-
Nama utai ti dipelajarka nuan pasal Jehovah?
4. Tuju asal Jehovah enda berubah
Bacha Masmur 37:11, 29 enggau Isaiah 55:11, lalu kerandauka tanya tu:
-
Baka ni kitai nemu tuju Jehovah ke kitai enda berubah?
Sebuah rumah ti udah rusak ulih diaduka baru ngambika nyadi manah. Baka nya mega, Petara deka ngaduka baru dunya tu, lalu meri dunya tu ngagai sida ke rinduka Iya
5. Nyembah Jehovah meri kitai pengidup ti bisi reti
Pengidup kitai deka lantang enti kitai nemu tuju pengidup kitai. Mainka VIDEO, lalu kerandauka tanya tu.
-
Baka ni pengidup Terumi berubah pengudah iya nemu pasal tuju pengidup?
Bacha Pengajar 12:13, lalu kerandauka tanya tu:
-
Jehovah udah ngereja mayuh utai ti manah ke kitai. Baka ni kitai ulih malas pemanah Iya?
ORANG ENGKA NANYA: “Nama tuju pengidup kitai?”
-
Nama saut nuan?
LANSA
Jehovah deka kitai bisi pengidup ti sempurna belama iya ba dunya tu. Lebuh kitai nyembah Iya enggau pengabis ati, pengidup kitai deka bisi reti, indah diatu.
Ulang Kaji
-
Nama tuju asal Petara ke Adam enggau Awa?
-
Baka ni kitai nemu tuju Petara ke mensia enda berubah?
-
Baka ni nuan ulih ngembuan pengidup ti bisi reti?
ARAM BELAJAR
Peratika bukti ke nunjukka Kebun Eden amat kala bisi.
“Kati Kebun Eden Semina Cherita Ensera Aja?” (Menara Jaga, 1 Januari 2011)
Belajarka kebuah kitai ulih andal dunya tu deka meruan bisi belama iya.
Peratika utai ti dipadah dalam Bup Kudus pasal tuju pengidup kitai.
Peratika baka ni seiku lelaki tetemuka pengidup ti bisi reti.
a Pelajar ke nangkanka tu, deka nerangka pekara tu enggau silik agi.
Nuan Engka Rindu Meda Tu
UTAI KE SUAH DITANYA
Nama Reti Kursus Belajarka Bup Kudus ke Diatur Saksi-Saksi Jehovah?
Nengah kursus ke pechuma ti diatur Saksi-Saksi Jehovah, nuan ulih ngena sebarang salin Bup Kudus ke dikembuan nuan. Nuan mega diperansang mai semua diri sebilik sereta bala kaban nuan sama enggau kursus tu.
