LISHOMO 25
Nnungu avenavo ishabaa shani kwetu?
Ibibiliya inkuvalanga kenga shingumi shavanu ni shingwipi na shamangaikangilo.’ (Jobi 14:1) Da ashi ni shingumi shalota Nnungu kwetu? Da Nnungu avénavo ishabaa shani pankandyenge munu? Da mu liduva limo indauka ndatandeka ishabaa yake? Wako indakunagwela kumanya majibu lakupambadyanga lamu Ibibiliya.
1. Yeova alota shingumi shani kwetu?
Yeova alota wetu tuname na shingumi shambone. Nae pakandyenge shilambo anímumba Adamu namu Eva akavavika palyutu lyambone kuliteka lya ku Edeni. Badae “Nnungu adívaalaliya kutwala kavaulila kushidoni: ‘Avanavo lutuba na muvalakanange, mwinjipe mushilambo na mutawale.’” (Kutunduvanga 1:28) Yeova ashílota vanavo vavenavo vana, vaname mu palaishu na vavashunge shana vanyama. Ishabaa yake ni vanu uti vaname ngwengwe na shingumi shambone.
Kwaumwiu vinu havitandeke kenga mwashilatela Nnungu, a kanji ishabaa yake hainabadilika shinu. (Ishaiya 46:10, 11) Vanu uti vamwigwilila nae vandanama na shingumi shambone mumaduva uti.—Shomya Maono 21:3, 4.
2. Tulota kupuwanga dashi na shingumi shalipuwilo ambi?
Yeova andituumba na “lilotelo lya mwimumu,” au lilotelo lya kummanya nae na kulipudya kwake. (Shomya Mateu 5:3-6.) Nae alota tuvenavo umbodi namu nae, ‘tuwena mu dindila dyake, tunnagwaledya’ na tuntumikila na ntima wetu uti. (Kumbukumbu 10:12; Dimu 25:14) Tukatenda davo, tundavanavo lipuwilo liu ata lakatukodya matatisho. Mwaa kulipudya kumwe Yeova kundatadya shingumi shetu kuvanavo mana.
LAMBELA KUMANYA VYOE
Manya linagwaledyo likumene lyalodidye Yeova muwakati washumba shilambo kwamwaa wetu na manya shipundisha Ibibiliya kwaupande wa ishabaa ya shingumi.
3. Yeova alota vanu vavenavo shingumi shambone
Lola Video, na badae mwambangile mwaa shakudya sha mwina.
-
Mwaa shani Nnungu andyumba shilambo shambone?
Shomya Nkúvalanga 3:11, na badae mwambangile mwaa shakudya sha mwina:
-
Wako ulipundishidye nyamani kwaupande umwe Yeova mu lyaandiko ali?
4. Shalota kutenda Yeova kwetu hashibadilike
Shomya Dimu 37:11, 29 na Ishaiya 55:11, na badae mwambangile mwaa shakudya sha mwina:
-
Tunkumanya dashi kenga shalota Yeova kwetu hashibadilike?
Ing’ande ikanjanga kubamakanga vanakan- dyanga shana. Pavedavo shilambo shapai vanu vankubamola kanji Yeova anakandyanga shana pakulota vaname avalá vannagwaledya nae
5. Kulipudya kumwe Yeova kundatadya shingumi shetu kuvanavo mana
Kumanya Ishabaa ya shingumi kundatupa lipuwilo. Lola Video, na badae mwambangile mwaa shakudya sha mwina.
-
Shingumi shimwe Turumi shukíle nabadilika dashi baada yakumanya ishabaa ya shingumi?
Shomya Nkúvalanga 12:13, na badae mwambangile mwaa shakudya sha mwina:
-
Yeova anditenda vinu vyoe namene kwetu, napanelo wetu ituvaikidile tutende nyamani kwake?
VANU VANJI VANKUULULA KUDYA: “Ishabaa ya shingumi ni yakwashi?”
-
Ulota kujang’ula nyamani?
KWAUNGWIPI
Yeova alota wetu tupuwange ngwengwe na shingumi shambone. Tukalipudya kwake Yeova na ntima wetu uti, shingumi shetu shindavanavo mana kwanjangidya ambi apa.
Tukumbukilange
-
Yeova ashilota nyamani kwaupande umwe Adamu namu Eva?
-
Tunkumanya dashi kenga shalota kutenda Yeova kwa vanu hashibadilike?
-
Shingumi shako shilota kuvanavo dashi Ishabaa iu?
LIPUNDISHE
Manya nyamani shilodya ngala kenga liteka lyaku Edeni kwaumwiu lindípagwa.
“Je, Bustani ya Edeni—Ilikuwa Halisi au Ni Hadithi Tu?” (Mnara wa Mlinzi Januari 1, 2011)
Manya mwaa shani tunkuvanavo wakika kenga shilambo shindapagwa ngwengwe.
Lalyanga shivalanga Ibibiliya kwaupande wa ishabaa ya shingumi.
Munu jumo ashona kenga andivanavo kula shinu mushingumi, kanji lola nyamani shanaladile nae shishimwova.
a Mu lishomo lyaatika tundalipundisha nyamani shikaweke.
