TZOLOM 25
Kʼaru naraj li Yos choʼq qe?
Li Santil Hu naxye naq «kachʼin roq li qayuʼam ut jwal nujenaq chi rahilal» (Job 14:1). Ma joʼkaʼin kiraj li Yos naq toowanq? Wi inkʼaʼ, kʼaru naraj choʼq qe? Ma ttzʼaqloq ru li naraj li Yos? Li naxye li Santil Hu tixkawubʼresi laachʼool.
1. Chanru naraj li Jehobʼa naq toowanq?
Li Jehobʼa naraj naq chaabʼilaq li qayuʼam. Naq kixyobʼtesi laj Adán ut li xʼEva kixkʼehebʼ saʼ li chʼinaʼusil naʼajej Edén. «Li Yos kirosobʼtesihebʼ ut kixye rehebʼ: “Chiwanq eeralal eekʼajol, chexkʼihanq, chenujobʼresi li ruuchichʼochʼ ut chereechanihaq[”]» (Génesis 1:28). Li Jehobʼa kiraj naq teʼwanq ralal xkʼajol, teʼxchaabʼilobʼresi li Ruuchichʼochʼ ut teʼxkʼaakʼalehebʼ li xul. Li Jehobʼa kiraj naq chixjunilebʼ li poyanam kawaqebʼ li xjunxaqalil ut teʼwanq xyuʼam chi junelik.
Usta moko joʼkan ta li qayuʼam a li rajom li Yos moko xjalaak ta (Isaías 46:10, 11). Li Jehobʼa toj naraj naq ebʼ li kristiʼaan li nekeʼpaabʼank re teʼsahoʼq saʼ xchʼool chi junelik (yaabʼasi Apocalipsis 21:3, 4).
2. Chanru tooruuq xtawbʼal li sahil chʼoolejil chalen anaqwan?
Naq li Jehobʼa xooxyobʼtesi kixkʼe saʼ qachʼool naq aʼan tbʼeresinq qe joʼkan naq naʼalaak saʼ qachʼool xnawbʼal ut xloqʼoninkil ru (yaabʼasi Mateo 5:3-6). Li Jehobʼa naraj naq toowanq saʼ amiiwil rikʼin joʼkan naq tento tqataqe li xbʼe, tqara ut tookʼanjelaq chiru chi anchal qachʼool (Deuteronomio 10:12; Salmo 25:14). Wi joʼkan naqabʼaanu naru naq sahaq saʼ qachʼool usta wanq qachʼaʼajkilal. Naq naqaloqʼoni ru li Jehobʼa naqataw xsahil qachʼool ut wank chik xyaalal li qayuʼam.
QASIKʼAQ XCHAMAL LI NAʼLEBʼ
Qilaq chanru kixkʼutbʼesi li Jehobʼa li xrahom naq kixyiibʼ li Ruuchichʼochʼ ut kʼaru naxye li Santil Hu chirix li xyaalal li qayuʼam.
3. Li Jehobʼa naraj naq qʼaxal chaabʼilaq li qayuʼam
Cheerilaq li BʼIDEO ut chexʼaatinaq chirix li patzʼom aʼin:
-
Kʼaru aj e naq li Yos kixyiibʼ li Ruuchichʼochʼ?
Cheeyaabʼasi Eclesiastés 3:11 ut chexʼaatinaq chirix li patzʼom aʼin:
-
Kʼaru naxkʼut aʼin chirix li Jehobʼa?
4. Li naraj li Jehobʼa choʼq qe moko xjalaak ta
Cheeyaabʼasi Salmo 37:11, 29, TNM, ut Isaías 55:11 ut chexʼaatinaq chirix li patzʼom aʼin:
-
Kʼaʼut chʼolchʼo chiqu naq moko xjalaak ta li naraj li Yos choʼq rehebʼ li poyanam?
Jun li qʼeel ochoch naru nachaabʼilobʼresimank. Joʼkan ajwiʼ tkʼulmanq rikʼin li Ruuchichʼochʼ, usta ebʼ li winq xeʼxpoʼ abʼan li Jehobʼa tixchaabʼilobʼresi wiʼ chik choʼq rehebʼ li kristiʼaan li nekeʼrahok re.
5. Wank xyaalal li qayuʼam naq naqaloqʼoni ru li Jehobʼa
Xnawbʼal kʼaru xyaalal li qayuʼam naxkʼe xsahil qachʼool. Cheerilaq li BʼIDEO ut chexʼaatinaq chirix li patzʼom aʼin:
-
Kʼaru rusilal kixtaw li xTerumi naq kixtzol kʼaru aj e naq wanko arin?
Cheeyaabʼasi Eclesiastés 12:13 ut chexʼaatinaq chirix li patzʼom aʼin:
-
Chanru tqakʼutbʼesi naq naqabʼanyoxi li naxbʼaanu li Jehobʼa chiqix?
WIIBʼ OXIBʼ NEKEʼXPATZʼ: «Kʼa tawiʼ ru aj e naq wanko arin?».
-
Ut laaʼat, kʼaru raj taaye?
LI AK XQATZOL
Li Jehobʼa naraj naq sahaq saʼ qachʼool chi junelik. Anaqwan naqataw xyaalal li qayuʼam naq naqaloqʼoni ru li Jehobʼa chi anchal qachʼool.
Qajultikaq
-
Kʼaru kiraj li Jehobʼa choʼq re laj Adán ut li xʼEva naq kixyobʼtesihebʼ?
-
Kʼaʼut chʼolchʼo chiqu naq li kiraj li Jehobʼa choʼq rehebʼ li kristiʼaan moko xjalaak ta?
-
Kʼaru truuq xkʼebʼal xsahil qachʼool anaqwan?
SIKʼ XKOMON LI NAʼLEBʼ
Ma relik chi yaal naq kiwank li naʼajej Edén?
«Li naʼajej Edén, ma yal yoobʼanbʼil?» (Laj Kʼaakʼalehom, 1 re enero 2011)
Kʼe reetal kʼaʼut chʼolchʼo chiqu naq maajunwa tsacheʼq li Ruuchichʼochʼ.
Tzol li naxye li Santil Hu chirix li xyaalal li qayuʼam.
Kʼe reetal chanru jun li winq naxkʼoxla naq maakʼaʼ napaltoʼk saʼ li xyuʼam, abʼan moko joʼkan ta.
a Saʼ li jun chik tzolom taatzol kʼaʼut naq moko wanko ta joʼ kiraj li Yos.
Maare twulaq ajwiʼ chaawu
LI NAPATZʼMANK CHI RAJLAL
Chanru nekeʼxkʼe li tzolok chirix li Santil Hu ebʼ laj testiiw re li Jehobʼa?
Rikʼin li tzolok li nekeʼxkʼe ebʼ laj Testiiw naru nakaawoksi yalaq kʼaru chi Santil Hu. Naru nakateʼrochbʼeni ebʼ laawamiiw malaj ebʼ laakomon.
