OSHILESHWA 25
Elalakano laKalunga li na sha novanhu olashike?
Ombiibeli oya ti kutya omunhu oha kala ko ashike “omafiku manini ndele ta kuta oupyakadi.” (Job 14:1) Mbela onghalamwenyo ei oyo ngoo shili Kalunga a hala tu kale tu na? Ngeenge hasho, mbela elalakano laye li na sha novanhu olashike? Mbela oli na ngoo efiku li ka wanifwe po? Natu ka tale komanyamukulo opaMbiibeli taa hekeleke.
1. Jehova okwe tu halela onghalamwenyo ya tya ngahelipi?
Jehova okwa hala tu kale nonghalamwenyo ya denga mbada. Eshi a shita ovanhu votete, Adam naEva, okwa li e va tula moparadisa iwa, oshikunino shaEden. Opo nee “Kalunga okwe va nangeka noupuna, nokwe va lombwela: ‘Dalafaneni nokuhapupala ndele yadifeni edu, lo nali kale mepangelo leni.’” (Genesis 1:28) Jehova okwa li a hala va dale ounona, va ninge edu alishe oparadisa nova file oshisho oinamwenyo. Elalakano laye ola li ovanhu aveshe va hafele oukolele muwa nokukala fiyo alushe.
Nonande oinima inai ka enda vali nawa, a elalakano laKalunga inali lunduluka. (Jesaja 46:10, 11) Natango Jehova okwa hala ovanhu ovaduliki va kale nomwenyo fiyo alushe ve na onghalamwenyo iwa.— Lesha Ehololo 21:3, 4.
2. Ongahelipi hatu dulu okuhafela onghalamwenyo tai ti sha paife?
Jehova okwe tu shita twa “pumbwa ewiliko” laye, sha hala okutya, tu na ehalo loku mu shiiva noku mu longela. (Lesha Mateus 5:3-6.) Okwa hala tu pange oukaume naye, tu ‘ende alushe neendjila daye, tu kale tu mu hole’ noku mu longela ‘nomutima wetu aushe.’ (Deuteronomion 10:12; Epsalme 25:14) Ngeenge otwa ningi ngaho, ohatu ka kala shili twa hafa nokuli nonande otu na omaupyakadi. Okulongela Jehova ohaku tu ningifa tu kale tu na onghalamwenyo i na eityo, molwaashi ohatu kala metwokumwe nehalo laye.
KONAKONA MOULE
Lihonga kombinga yohole inene oyo Jehova a ulika, eshi a li te tu longekidile edu nosho yo osho Eendjovo daye da honga kombinga yelalakano laye li na sha nomwenyo.
3. Jehova okwa hala ovanhu va kale nonghalamwenyo ya denga mbada
Dana OKAVIDIO, ndele tamu kundafana epulo tali shikula.
-
Omolwashike Kalunga e tu shitila edu liwa?
Lesha Omuudifi 3:11, ndele tamu kundafana epulo tali shikula:
-
Osho otashi ku hongo shike kombinga yaJehova?
4. Elalakano laJehova inali lunduluka
Lesha Epsalme 37:11, 29 nosho yo Jesaja 55:11, ndele tamu kundafana epulo tali shikula.
-
Otu shi shii ngahelipi kutya elalakano laJehova li na sha novanhu inali lunduluka?
Ngaashi eumbo olo li li monghalo ii tali dulu okuwapekululwa, Kalunga ota ka wapekulula edu, olo ovanhu va nyonauna, opo li ninge laavo ve mu hole
5. Okulongela Jehova ohaku tu kwafele tu kale tu na onghalamwenyo i na eityo lashili
Okukala tu shii elalakano longhalamwenyo otaku dulu oku tu etela ehafo. Dana OKAVIDIO, ndele tamu kundafana epulo tali shikula.
-
Ongahelipi Terumi a mona ouwa, eshi e lihonga kombinga yelalakano longhalamwenyo?
Lesha Omuudifi 12:13, ndele tamu kundafana epulo tali shikula:
-
Molwaashi Jehova okwe tu ningila oinima ihapu, ohatu ka ulika ngahelipi kutya otwe mu pandula?
UMWE OTASHI DULIKA A PULE KUTYA: “Elalakano longhalamwenyo olashike?”
-
Oto ka nyamukula ngahelipi?
ENGONGO
Jehova okwa hala tu hafele onghalamwenyo fiyo alushe kombada yedu tu na oukolele muwa. Ngeenge otwe mu longele nomutima wetu aushe, onghalamwenyo yetu otai ka kala i na eityo lolela nokuli nopaife.
Eendululo
-
Elalakano laJehova lopehovelo li na sha naAdam naEva ola li lashike?
-
Otu shi shii ngahelipi kutya elalakano laKalunga li na sha novanhu inali lunduluka?
-
Ongahelipi to dulu okukala nonghalamwenyo i na eityo lashili?
TALA OUYELELE WA WEDWA PO
Lihonga kutya omolwashike hatu dulu okukala noushili kutya oshikunino shaEden oko sha li shili.
“Oshikunino shaEden oko ngoo sha li shili?” (Oshungonangelo, 1 Februali 2011)
Lihonga kutya omolwashike hatu dulu okukala noushili kutya edu otali kala po fiyo alushe.
“Mbela edu otali ka hanaunwa po?” (Oshitukulwa shi li ko jw.org)
Konakona osho Ombiibeli tai ti kombinga yokukala nonghalamwenyo i na eityo.
“Onghalamwenyo oi na ngoo eityo lasha?” (Oshitukulwa shi li ko jw.org)
Tala nghee omulumenhu oo a li ta diladila kutya oku na oinima aishe a mona kutya okwa kambela sha monghalamwenyo yaye.
a Moshileshwa tashi landula ko, oto ke lihonga kutya osha enda ngahelipi, opo onghalamwenyo i kale i na omaudjuu.
Otashi dulika yo u hafele oikundafanwa ei
OMAPULO OO HAA PULWA LUHAPU
Ekonakonombiibeli olo hali ningwa kEendombwedi daJehova oshike?
Peenghundafana doshali odo hadi ningwa kEendombwedi daJehova, oto dulu okulongifa etoloko lOmbiibeli keshe. Owa manguluka okushiva oukwaneumbo weni aushe, ile keshe umwe oo wa hala a kale po.
