DERS 25
Yehowa ji bo Me Jiyaneke Çawa Dixwaze?
Kitêba Pîroz dibêje ku emrê însanan kin e, û kul û derdên wan pir in (Eyûb 14:1). Ma xwestina Xwedê ya ji bo me bi rastî ev e? Eger na, gelo Xwedê ji bo me jiyaneke çawa dixwaze? Gelo ewê rojekê bigihîje mexseda xwe ya ji bo me? Ka em binêrin Kitêba Pîroz cewabeke çi qas xweş dide me.
1. Yehowa ji bo me jiyaneke çawa dixwaze?
Yehowa dixwaze ku jiyana me pir xweş be. Gava ku wî însanên pêşîn yanî Adem û Hewa xuliqandin, wî ew xistibûn ceneteke bedew a bi navê baxçeyê Adenê. Paşê, Xwedê ew pîroz û bi bereket kirin û ji wan re got: “Zêde û berdar bin, erdê dagirin û bixin bin serweriya xwe” (1. Mûsa 1:28, Mizgînî). Yehowa dixwest ku ew zarokan çêkin, temamiya dinyayê bikin cenet û heywanan xwedî bikin. Mexseda wî ya ji bo hemû însanan ev bû ku siheta wan bêqisûr be û ew heta bi hetayê bijîn.
Erê rast e, îro rewşa jiyanê qet ne wisa ye, a lê Xwedê hê jî dixwaze bigihîje vê mexseda xwe (Îşaya 46:10, 11). Yehowa dixwaze ku jiyana însanên ku guh didinê heta bi hetayê pir xweş û bêqisûr be (Peyxam 21:3, 4 bixwîne).
2. Em çawa dikarin îro jiyaneke xweş û bimane derbas bikin?
Yehowa em wisa çêkirine ku em hewceyî rêberiya wî ne. Yanî, em dixwazin wî nas bikin û ji wî re îbadetê bikin. Ji vê xwestinê re hewcedariyên ruhî tê gotin (Meta 4:4; 5:4-6 bixwîne). Yehowa pir dixwaze ku em bibin dostên wî û “di hemû rêyên wî de” bimeşin. Ew dixwaze ku em ji wî hez bikin “û bi hemû dil û canê xwe” jê re xizmetê bikin (5. Mûsa 10:12; Methelokên Silêman 3:32). Eger em wisa bikin û kul û derdên me hebin jî, em dîsa jî dikarin şa bin. Erê, îbadeta ji Yehowa re jiyana me pir xweş û bimane dike.
HÛR Û KÛR BIFIKIRE
Ji ber ku Yehowa ji me pir hez dike, wî dinya ji bo me kiriye cih û warekî pir xweş. Gelo ew ji bo me jiyaneke çawa dixwaze?
3. Yehowa dixwaze ku jiyana me pir xweş be
VÎDEOYÊ vêxe û li ser vê pirsê sohbetê bikin:
-
Yehowa çima dinya ew qas xweş çêkiriye?
Waiz 3:11 bixwîne û li ser vê pirsê sohbetê bikin:
-
Yehowa ji bo me jiyaneke çawa dixwaze?
4. Mexseda Yehowa ya ji bo me nehatiye guhertin
Zebûr 37:11, 29 û Îşaya 55:11 bixwîne û li ser vê pirsê sohbetê bikin:
-
Em ji ku dizanin ku mexseda Yehowa ya ji bo me nehatiye guhertin?
Xaniyekî ku li ber xerakirinê ye, dikare dîsa bê avakirin. Halê dinyayê jî wisa ye. Însanan ew xera kiriye, lê Yehowa wê dinyayê dîsa bike cenet û bide kesên ku ji wî hez dikin
5. Îbadeta ji Yehowa re xweşiyê dixe dilê me
Gava ku em fehm bikin ku Yehowa em çima xuliqandine, dilxweşî wê bikeve dilê me. VÎDEOYÊ vêxe û li ser vê pirsê sohbetê bikin:
-
Gava Terumiyê fehm kir ku maneya jiyanê çi ye, vê yekê li ser wê çawa tesîr kir?
Waiz 12:13 bixwîne û li ser vê pirsê sohbetê bikin:
-
Yehowa ji bo me gelek tişt kirine. Em çawa dikarin şikurdariya xwe ji wî re nîşan bidin?
BELKÎ KESEK JI TE BIPIRSE: “Madem ku mirin emrê Xwedê ye, ma jiyana li vê dinyayê ne pûç û vala ye?”
-
Teyê çi cewab bidaya?
BI ÇEND GOTINAN
Yehowa dixwaze ku em heta bi hetayê li ser rûyê erdê bijîn û ji jiyaneke bêqisûr kêfê bistînin. Eger em bi hemû dilê xwe ji wî re îbadetê bikin, îro jî jiyana me wê pir xweş û bimane be.
Tu çi elimî?
-
Yehowa dixwest ku jiyana Adem û Hewayê çawa bûya?
-
Em ji ku dizanin ku mexseda Yehowa ya ji bo me qet nehatiye guhertin?
-
Em çawa dikarin jiyana xwe xweş û bimane bikin?
ZÊDETIR HÎN BIBE
Gelo ceneta bi navê baxçeyê Adenê bi rastî hebû?
“Baxçeyê Adenê – Çîrok yan Heqîqet?” (Birca Çavdêriyê, 1 Çile 2011)
Em ji ku dizanin ku ev dinya wê qet tune nebe?
Kitêba Pîroz dibêje ku em çawa dikarin maneya jiyanê nas bikin.
Zilamekî her tişt bi dest xistibû, lê dîsa jî wî ferq kir ku di jiyana wî de tiştek kêm e.
a Di dersa 26an de, emê bibînin ku sebeba vê yekê çi ye.
Li Wana jî Binêre
PIRSÊN PIR TÊN PIRSÎN
Kursa Kitêba Pîroz Çi ye?
Kitêba Pîroz bi alîkariya kurseke bêpere hîn bibe. Eger tu dixwazî, tu dikarî gazî heval û merivên xwe bikî ku ew jî bên kursê.
