DILONGESHA DIA 25
Ntshinyi tshidi Nzambi mutulongoluele?
Bible udi ujadika ne: muoyo wa bantu ngua ‘matuku makese ne mmuwule tente ne ntatu.’ (Yobo 14:1) Au ke muoyo utu Nzambi utujingila? Kadi bikalabi kabiyi nanku, ntshinyi tshidiye mutulongoluele? Netshikumbane anyi? Mona mandamuna mimpe adi Bible utupesha.
1. Yehowa mmusue bua tuikale ne nsombelu wa mushindu kayi?
Yehowa mmusue bua tuikale ne nsombelu muimpe menemene. Pakafukaye bantu ba kumpala, Adama ne Eva, wakabateka mu Mparadizu mulengele, mu budimi bua Edene. Pashishe “wakababenesha, yeye kubambila ne: ‘Nulelangane, nuvulangane, nuwuje buloba tente, nubukokeshe.’” (Genese 1:28) Yehowa uvua musue bua balele bana, bavuije buloba bujima Mparadizu, ne balame nyama bimpe. Uvua musue bua bantu bonso bikale ne makanda onso a mubidi ne bikale ne muoyo wa kashidi.
Nsombelu au ki ngutudi nende lelu to, a kadi dijinga dia Nzambi adi ki ndishintuluke to. (Yeshaya 46:10, 11) Utshidi anu musue bua bantu badi bamutumikila bikale ne muoyo wa kashidi ne nsombelu muimpe menemene.—Balayi Buakabuluibua 21:3, 4.
2. Tudi mua kuikala ne nsombelu wa nsongo lelu mushindu kayi?
Yehowa mmutufuke bikale “dijinga ne malu a mu nyuma,” mmumue ne: dijinga dia kumumanya ne kumutendelela. (Balayi Matayi 5:3-6.) Mmusue bua tuikale nende bulunda bukole, ‘tuendele mu njila yende yonso, tumunange,’ ne tumuenzele mudimu “ne muoyo [wetu] wonso.” (Dutelonome 10:12; Misambu 25:14) Patudi tuenza nanku, tudi mua kushala ne disanka dilelela nansha patudi mu ntatu. Kutendelela Yehowa kudi kutuambuluisha bua kuikala ne nsombelu wa nsongo, bualu kudi kupetangana ne tshivuabu batufukile.
BUELA MU BUONDOKE
Mona mudi Yehowa mutuleje dinanga dia bungi padiye mutulongoluele buloba ne mudi Dîyi diende ditumvuija tshidiye mutufukile.
3. Yehowa mmutulongoluele malu mimpe a dikema
Tangilayi FILME, pashishe nuandamune lukonko ludi lulonda.
-
Bua tshinyi Nzambi wakafuka buloba buetu bulengele nunku?
Balayi Muambi 3:11, pashishe nuandamune lukonko elu:
-
Mvese eu udi ukulongesha tshinyi bua Yehowa?
4. Dijinga dia Yehowa ki ndishintuluke nansha
Balayi Misambu 37:11, 29 ne Yeshaya 55:11, pashishe nuandamune lukonko elu:
-
Ntshinyi tshidi tshituleja ne: dijinga divua nadi Yehowa bua bualu buetu ki ndishintuluke to?
Nzubu ukadi munyanguke, badi mua kumulongolola. Bia muomumue, buloba budi bukua bantu mu kabujima balengulule ebu, Nzambi neabulongoluele badi bamunange
5. Kutendelela Yehowa kudi kutupetesha nsombelu wa nsongo
Kumanya tshidibu batufukile kudi kutupetesha disanka dilelela. Tangilayi FILME, pashishe nuandamune lukonko ludi lulonda.
-
Kumanya tshidibu batufukile kuakambuluisha Terumi mushindu kayi?
Balayi Muambi 12:13, pashishe nuandamune lukonko elu:
-
Patudi tumona bionso bidi Yehowa mutuenzele, tudi tudiumvua ne dibanza kayi kudiye?
MUNTU YEYE MUKUEBEJE NE: “Mbatufuke bua tshinyi?”
-
Neumuambile tshinyi?
TSHIA KUKUATA
Yehowa mmusue bua tushale ne muoyo kashidi ne nsombelu muimpe menemene pa buloba apa. Patudi tumutendelela ne muoyo wetu mujima, nsombelu wetu udi ulua wa nsongo, nansha lelu eu.
Diambulula
-
Yehowa uvua mufuke Adama ne Eva bua tshinyi?
-
Ntshinyi tshidi tshituleja ne: dijinga divua nadi Nzambi bua bualu buetu ki ndishintuluke to?
-
Mmunyi muudi mua kupeta nsombelu wa nsongo?
BIA KUTANGILA KABIDI
Mona bijadiki bia ne: budimi bua Edene buvuaku.
“Budimi bua Edene mmuanu anyi mmuaba mulelela?” (Tshibumba tshia Nsentedi, 1/1/2011)
Mona tshidi tshitujadikila ne: buloba nebushalaku anu kashidi.
“Nebabutule buloba ebu anyi?” (Tshiena-bualu tshia mu jw.org)
Konkonona tshidi Bible wamba bua tshidi Nzambi mufukile muoyo wetu.
“Mmushinga kayi udi nawu muoyo wetu?” (Tshiena-bualu tshia mu jw.org)
Mona muvua muntu uvua wela meji ne: uvua ne bionso mufike ku dimanya tshivua tshimupangike.
a Mu dilongesha dialonda, neumone tshivua tshinyangishishe nsombelu au.
Mona bikuabu:
NKONKO ITU BANTU BATAMBA KUELA
Programe wa dilongeshangana Bible wa Bantemu ba Yehowa ntshinyi?
Programe wa nuenda nuyukila wa kuyi ufuta wa Bantemu ba Yehowa eu udi mua kumulonga ne nkudimuinu kayi yonso wa Bible uudi nende. Bikila nansha dîku dienu dijima anyi balunda bebe bonso baudi musue bua nuikale nulonga nabu tshiapamue.
