KJOAʼMIYA 25
Jósʼin mele Niná nga kuiyoaa
Je Biblia kʼoatso nga je chjota “alikui tse male kʼoa tokjoa tjínle” (Job 14:1). Tonga, a kui xi mele je Niná nga kʼoakoa̱n. Axo jósʼin mele nga kuiyoaa. A kuicho nichxin nga kʼoasʼin kuiyoaa josʼin mele Niná. Kataʼyala jmeni xi tso je Biblia.
1. Jósʼin mele Niná nga kuiyoaa
Je Jeobá kui xi mele nga nda kuiyoaa. Kʼianga kisinda Adán kao Eva yaa ʼndenaxóle Edén kisikatío. “Kisichikontʼain Niná kʼoa i kitsole: Nkjín xti katasʼeno kʼoa katamankjínyao, titsao sonʼnde kʼoa jon tjanentsjao” (Génesis 1:28). Je Jeobá kui xi koanmele nga katasʼele xti je Adán kao Eva, nga naskánakatasíchon ngakjijnda Sonʼnde kʼoa nga katasíkuinda je cho̱. Kui xi koanmele nga tsín jme chʼin sʼe̱le kʼoa nga koatio ngantsjai nichxin.
Ningalani tsín kʼoasʼin kichomani a, alikui tíbʼantjaiya jmeni xi tjínndajinle Niná (Isaías 46:10, 11). Je Jeobá kui xi mele nga nda katabatio ngantsjai nichxin je chjota xi sítjosonle (tʼexkiai Apocalipsis 21:3, 4).
2. Jósʼiaan nga koa̱n tsjoa sa̱tío tokoán ndʼaibi
Je Jeobá kʼoasʼin kisindaná nga koa̱nmená jchaa xi tʼatsʼe kʼoa nga je jchaxkoán (tʼexkiai Mateo 5:3-6). Je Jeobá kui xi mele nga miyo cho̱bá, nga ya kuitsomayaa je ndiaale, nga tsjoacha koaan kʼoa nga ñaki kao ni̱ma̱ná si̱xánilee (Deuteronomio 10:12; Salmo 25:14). Tsa kʼoasʼiaan tsjoa sa̱tío tokoán ninga kjoa kuitjátojiaan. Kʼianga je Jeobá ʼyaxkoán, nda sʼe tokoán, nga̱ ʼyañá nga kʼoasʼin timangínkoaa yaoná josʼin mele.
KATAʼYASAI JME XI TÍNCHJA̱NI
Kataʼyala jokji kjoatsjoacha tsakakóná je Jeobá nga kisinda sonʼnde, kʼoa jme xi tso Biblia tʼatsʼe jme xá tiyoñá.
3. Je Jeobá kui xi mele nga naskásʼin kuiyoaa
Chótsenlao VIDEO kʼoa cho̱bayaño jebi:
-
Jmé xá kisindani Niná je Sonʼnde.
Tʼexkiao Eclesiastés 3:11 kʼoa cho̱bayaño jebi:
-
Jméni xi bakóyaná texto jebi xi tʼatsʼe Jeobá.
4. Alikui tíbʼantjaiya jmeni xi tjínndajinle je Jeobá
Tʼexkiao Salmo 37:11, 29 kao Isaías 55:11 kʼoa cho̱bayaño jebi:
-
Jómani ʼyaa nga tsín tíbʼantjaiya jmeni xi tjínndajinle je Jeobá xi kao ñá.
Jngo ndʼia xi jechʼao kji, ma sʼendayani. Ningalani tjíosíkitsón sonʼnde je chjota, je Niná sindachon ijngokʼani kʼoa jé tsjoále je chjota xi tsjoake
5. Nga je Jeobá ʼyaxkoán tsjoa sʼe tokoán
Kʼianga ʼyaa jme xá tiyoñá tsjoa sʼe tokoán. Chótsenlao VIDEO kʼoa cho̱bayaño jebi:
-
Jósʼin tsakasenkao Terumi nga koanjinle jme xá tiyoñá.
Tʼexkiao Eclesiastés 12:13 kʼoa cho̱bayaño jebi:
-
Nga nʼio tse jmeni xi títsjoáná je Jeobá, jméni xi sʼiaan nga kʼoailee kjoanda.
TJÍNKʼA XI I̱ TSO: “Jmé xá tiyoñá”.
-
Jókʼuínlai tsa jilani.
XI KACHOTʼAYÁ
Je Jeobá kui xi mele nga nda kuiyoaa kʼoa nga kuiyoaa ngantsjai nichxin. Saʼnda nda biyoaa ndʼaibi kʼianga je Jeobá ʼyaxkoán kao ngayeje ni̱ma̱ná.
Jmé xi kamajinli
-
Jmé xá kisindani Jeobá je Adán kao Eva.
-
Jómani ʼyaa nga tsín tíbʼantjaiya josʼin mele Niná nga kuiyoaa.
-
Jméni xi tjínnele sʼiain nga tsjoa sʼe̱ tokuin.
XI KOASENKAOSALI
Kataʼyai nga kisʼejna kjoaixi je ʼndenaxó xi Edén tsakʼin.
“A kisʼejna kjoaixi je ʼndenaxó xi Edén tsakʼin axo to kuento” (La Atalaya, 1 de enero de 2011)
Kataʼyai ánni kʼoabixónsíñá nga tsínkʼia kjoe je Sonʼnde.
Je Biblia tsoya jme xá tiyoñá.
Kataʼyai tʼatsʼe jngo chjota xi kʼoasʼin kisikjaʼaitsjen tsakai nga tsín jme xi chale.
a Ya kjoaʼmiya xi ijngo kui jchaa ánni tsín kʼoasʼin tiyoñá josʼin mele Niná.
Tsa kʼoati meli jchai xi tʼatsʼe jebi
XI NʼIO KJONANGI CHJOTA
Jósʼin bakoyalaijin Énle Niná je chjota
Nga kʼuínyali Biblia koaan si̱chjain tojñanile Biblia xi kijnali, koaan kʼoakʼuínlai familiali, miyoli kʼoa toʼyani xi meli.
