KĨTHOOMO KĨA 25
Mũrungu Arĩna Mworoto Jũrĩkũ Kĩrĩ Tuĩ?
Bibiria yonanagia ũtũũro bwa antũ nĩ bwa “igiita riikai” na bũrĩ na “minyamaaro imiingi” (Ayubu 14:1) Rĩ, bũu nĩbu ũtũũro Mũrungu eendaga twĩthĩrwa nabu? Kethĩra tĩu, Mũrungu arĩna mworoto jũrĩkũ kĩrĩ tuĩ? Rĩ, mworoto jwawe jũkoroojũra? Cũnkũũna macookio ja kũboreria jarĩa jonekaga Bibiriene.
1. Jehova endaga twĩthĩrwa na ũtũũro bũkari atĩa?
Jehova endaga twĩthĩrwa na ũtũũro bũbwega o ũrĩa kũmbĩka. Arĩkũũmba antũ ba mbere, Adamu na Hawa, aabekĩre paradiso ĩnthongi, muunda jwa Edeni. Rĩu “Murungu arabatharima, arabeera atiri, Ciaraneni mono buthegee, buujure nthi na bwe anene bayo.” (Kiambiriria 1:28) Jehova eendaga bagĩe aana, baethie nthĩgũrũ yonthe paradiso, na bamenyeere nyomoo. Mworoto jwawe jwarĩ antũ bonthe bethĩrwe na ũgima bwa mwĩrĩ bũbũũjũru na batũũre kenya na kenya.
Kinya kethĩra mantũ jatetĩre ũrĩa Mũrungu eendete, a mworoto jwawe jũtagarũka. (Isaya 46:10, 11) No endaga antũ barĩa bamwathĩkagĩra batũũra Kenya batĩ na ũntũ kinya bũrĩkũ bwa kũbacumbũra.—Thooma Kugwurirwa 21:3, 4.
2. Nĩatĩa tũũmba kwĩthĩrwa na ũtũũro bũrĩ na kũgwĩrua naarua?
Jehova atũũmbĩre tũrĩ na ũũmbi bwa ‘kwigua Ruteto’ rwawe na ‘kurumenyeera’ nĩkenda, tũmũmenya na tũmũthathayia. (Thooma Luka 11:28.) Arĩenda twĩthĩrwa na ũcoore bwa akuĩ nawe, ‘twitage na njira ciawe cionthe, tumwendage’ na tũmũtumĩkagĩre na ‘nkoro yetu yonthe.’ (Kuriikanithia Maathana 10:12; Zaburi 25:14) Rĩrĩa twathithia ũu, tũkethĩrwa na kũgwĩrua kwa mma kinya kethĩra nĩtũgũkũrũkĩra mathĩĩna. Kũthathayia Jehova nĩgũtũmaga ũtũũro bwetũ bwĩthĩrwa bũrĩ na gĩtũmi na bũrĩ na mworoto.
ĨNJA NKŨRŨKI
Iritane bwegie wendo bũbũnene bũrĩa Jehova oonanĩrie rĩrĩa aathũranagĩra nthĩgũrũ tontũ bwetũ, na jarĩa Rũteto rwawe rũritanaga bwegie mworoto jwa ũtũũro.
3. Jehova arĩenda twĩthĩrwe na ũtũũro bũnthongĩ mono
Tega VIDIO, rĩu bwarĩĩrie kĩũria gĩkĩ kĩthingatĩte.
-
Nĩkĩ tontũ Mũrungu oombĩre nthĩgũrũ yeetũ ĩnthongi?
Thooma Mutumiiria 3:11, rĩu bwarĩĩrie kĩũria gĩkĩ:
-
Nĩatĩa ũntũ bũbũ bũgũkũritana bwegie Jehova?
4. Mworoto jwa Jehova jũtagarũka
Thooma Zaburi 37:11, 29 na Isaya 55:11, rĩu bwarĩĩrie kĩũria gĩkĩ:
-
Nĩatĩa tũkũmenya atĩ mworoto jwa Jehova kĩrĩ tuĩ jũtagarũka?
Nyomba ĩkethĩra ĩthũkangĩtue no ĩcookanĩĩrue kaĩrĩ. O ũu nou Mũrungu akaagĩrithia nthĩgũrũ kaĩrĩ ĩrĩa ĩthũkangĩtue nĩ antũ, nĩkenda ĩtũũrwa nĩ barĩa bamwendete.
5. Kũthathayia Jehova nĩgũtũmaga twĩthĩrwa na ũtũũro bũrĩ na mworoto jwa mma
Kũmenya mworoto jwa ũtũũro no gũtũretere kũgwĩrua. Tega VIDIO, rĩu bwarĩĩrie kĩũria gĩkĩ kĩthingatĩte.
-
Nĩatĩa Terumi agunĩkĩre arĩkwiritana bwegie mworoto jwa ũtũũro?
Thooma Mutumiiria 12:13, rĩu bwarĩĩrie kĩũria gĩkĩ:
-
Tontũ Jehova natũthithĩrĩtie mantũ jamaingĩ mono, nĩatĩa tũũmba ũmwonia tũrĩ na nkaatho?
MUNTŨ NO AŨRIE: “Mworoto jwa ũtũũro nĩ jũrĩkũ?”
-
Nĩatĩa ũũmba gũcookia?
NA NJĨRA ĨNKUĨ
Jehova arĩenda tũgwĩrĩrua ũtũũro kenya na kenya nthĩgũrũne gũtĩ na mathĩĩna kinya jarĩkũ. Rĩrĩa twathathayia Jehova na nkoro yonthe, ũtũũro bwetũ nĩ bwĩthagĩrwa na mworoto jwa mma—kinya nandĩ.
Gũcookera
-
Jehova aarĩ na mworoto jũrĩkũ kĩrĩ Adamu na Hawa kuuma kĩambĩrĩria?
-
Nĩatĩa tũkũmenya atĩ mworoto jwa Mũrungu kĩrĩ antũ jũtagarũka?
-
Nĩatĩa ũũmba kwona mworoto jwa mma jwa ũtũũro?
CŨNKŨŨNA
Ona mantũ jarĩa jakũrikithia kamma nĩkwarĩ na muunda jwa Edeni.
“Rĩ, Kamma Nĩkwarĩ na Muunda jwa Edeni Kana—Nĩ Rũgono Akĩ?” (Mnara wa Mlinzi, Januarĩ 1, 2011)
Iritane nĩkĩ tũũmba kwĩthĩrwa na mma atĩ nthĩgũrũ ĩgatũũra kenya na kenya.
Cũnkũũna jarĩa Bibiria yugaga bwegie ũrĩa ũũmba kwona mworoto jwa mma ũtũũrone bwaku.
Ona ũrĩa muntũ mũrũme ũmwe oonere mworoto jwa ũtũũro kinya kethĩra naathũgaanagia arĩna into bionthe.
a Kĩrĩ kĩthoomo kĩrĩa kĩthingatĩte, ũkairitana nĩkĩ tũtĩĩthagĩrwa na ũtũũro ta bũu naarua.
