ISAMBILILO 25
U Mulandu ci Uno Leza Watuumbiile?
Baibo ikatunena ukuti umi wa yantu ‘utaya utantalile nupya wavulisya amalanda.’ (Yobo 14:1) Uzye uu ali umi uno Leza walondanga ukuti tukwate? Nga asi vino walondanga, u mulandu ci uno watuumbiile? Uzye ukulonda kwakwe kulatala kucitike? Uvwini amasuko aya muli Baibo aakatukomelezya.
1. Uzye Yeova akalonda twaikala uli?
Yeova akalonda twaipakizya umi usuma. Lino waumvile antu ya kutandikilako Adamu na Eva, waisile umu paladaise umu calo ca Edeni. Lyene Leza wayapaazile, nga ayanena ati: “Muvyalane muvule mulimbe insi yonsi nu kuyangalila.” (Utandiko 1:28) Yeova walondanga ukuti yakwate ana, ukulenga insi yonsi ukuya paladaise nu kulasakamala inyama. Walondanga ukuti antu yonsi yaipakizya umi umalilike nu kwikala manda pe.
Nanti cakuti vino walondanga vitacitike, a kulonda kwakwe Leza kutasenuka. (Ezaya 46:10, 11) Acili akalonda ukuti antu aacuvwila yakaye nu umi usuma manda pe.—Belengini Kusokolola 21:3, 4.
2. Tungacita uli pakuti tuipakizye umi usuma ndakai?
Yeova watuumvile ukuti twatungululwa na aliwe, ali mulandu uno tukalondesya ukumumanya nu kulamupepa. (Belengini Mateo 5:3-6.) Akalonda ukuti tuye na ucuza usuma na aliwe, ukulondela “mu ntampulo zyakwe zyonsi,” ukumutemwa nu kumuombela nu mwenzo witu onsi. (Malango 10:12; Masamu 25:14) Nga twacita vivyo tungaya ni nsansa zya cumi nanti cakuti tuli ni ntazi. Nga tukupepa Yeova, tukalola ukuti umi witu wacindama pano ala tukwikala ukulingana na vino akalonda.
LONDELEZYINI NA VYUZE
Sambililini pali vino Yeova walangizye ukutemwa lino waumvile insi ukuti twaikalamo na vino Izwi lyakwe likatusambilizya umulandu uno twayela pano nsi.
3. Yeova akalonda antu ukuya nu umi usuma
Tambini VIDYO, alino mulanzyanye iuzyo ilyatililondelelapo.
-
U mulandu ci uno Leza watupangiile insi isuma?
Belengini Kasambilizya 3:11, alino mulanzyanye iuzyo lii:
-
Uzye cii cikumusambilizya cani pali Yeova?
4. Ukulonda kwakwe Yeova kutasenuka
Belengini Masamu 37:11, 29 na Ezaya 55:11, alino mulanzyanye iuzyo lii.
-
Uzye twamanya uli ukuti vino Leza akalonda ukutucitila vitasenuka?
Ndi cakuti ing’anda yononeka yangaizifya. Vikwene avino Leza alazifya insi ino antu yonona pakuti yayo amutemwa yakaikalamo
5. Ukupepa Yeova kukalenga umi witu ukuzipa
Ukumanya vino Yeova akalonda ukutucitila kungalenga tuye ni nsansa. Tambini VIDYO, alino mulanzyanye iuzyo ilyatililondelelapo.
-
Uzye ya Terumi yaipakizye uli lino yamanyile vino Yeova walondanga ukuti yacita?
Belengini Kasambilizya 12:13, alino mulanzyanye iuzyo lii:
-
Pa mulandu wakuti Yeova watucitila ivintu ivingi, uzye tukalanga uli ukuti tukataizya?
UMWI ANGAMUZYA UKUTI: “U mulandu ci uno twayela pano nsi?”
-
Mungasuka mutuuli?
VINO TWASAMBILILA
Yeova akalonda ukuti tukaipakizye umi wa manda pe umalilike pano nsi. Ndi cakuti tukumupepa nu mwenzo onsi, umi witu ulaya usuma na ndakai kwene.
I vyani vino mwasambilila?
-
U mulandu ci uno Yeova waumbiile Adamu na Eva?
-
Uzye twamanya uli ukuti vino Leza akalonda ukucitila antu vitasenuka?
-
Tungacita uli pakuti tuye nu umi usuma?
LONDELEZYINI
Sambililini umulandu uno tungasininkizizya ukuti calo ca Edeni akuno cali.
“Uzye Icalo ca Edeni Akuno Cali?” (Lupungu Lwa Mulinzi, Januwale 1, 2011)
Sambililini umulandu uno tungasininkizizya ukuti insi ilatwalilila ukuyako amanda pe.
Sambililini vino Baibo ikalanda pali vino mungaya nu umi usuma.
“U Mulandu ci Uno Leza Watuumbiile?” (Cipande ca pa intaneti)
Lolini vino umonsi umwi uwelenganyanga ukuti wakweti vyonsi vino walondekwanga wizile amanya ukuti kwali vimwi vino ulizye umu umi.
a Umwi sambililo ililondelilepo, tulasambilila umulandu uno tutayela nu umi wa manda pe ndakai.
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
