SMALKANKA 25
¿Gâd kupia lâka ba upla dukiara ani sa ki?
Baibil wan wisa Tasba “uplika bani ba, rayaka kunhku brisa, pât” tilara sin ban sa (Job 14:1). ¿Sakuna Gâd want sa yawan sut baku iwbia? Baku apia sa kaka, ¿yawan dukiara Gâd kupia lâka ba ani sa ki? ¿Ahkia baha takbia? Laki kaiks, nahki Baibil ba diara pain smalkisa.
1. ¿Jehova yawan nahki iwbia want sa?
Jehova want sa yawan sut ba wan rayaka kau pain bribia. Pas upla nani witin paskan taim, Adam bara Iv, paradais painkira kum ra swin: Eden giadinka ba. Ba wina “Gâd bui witin nani ra ai yamnika yabi win: ‘Man nani luhpa ailal, ailal sahwi, bara tasba ba banhki dauki, witin nani purara karnika alks’” (Blasi Sturka 1:28). Jehova want kan witin nani ba luhpa briaia, Tasba aiska ba paradais kum daukaia bara daiwan nani ra main kaikaia. Gâd kupia lâka kan ba sika upla sut siknis âpu ban kaia ra iwaia.
Naiwa piua ra wan rayaka ba baku apia sa, a sakuna Gâd kau lukisa baha sât rayaka painkira wankaia (Aiseya 46:10, 11). Gâd kupia lâka ba ban sa, witin want sa ai bîla wali nani ba diara sut kasak pain ban kaia ra iwbia (Param Marikan 21:3, 4 aisi kaikma).
2. ¿Naiwa piua ba wina yawan nahki sip sa lilia iwaia?
Jehova wan paskan spirit lâka “brin dauki” uplika nani kaia dukiara, wibia kaka, Gâd ra kakaira taki bara mayunaia (Matiu 5:3-6 aisi kaikma). Gâd want sa witin wal yawan asla takbia, bara “ai bîla wali ai yabalka nani sut” ra wapbia wan kupia aiskakira witin ra latwan kaikaia sin (Kli Smalkanka 10:12; Lawana Nani 25:14). Yawan baha daukbia kaka lilia kabia trabil bâra kabia sin. Yawan Jehova ra mayunisa taim, wan tânka brisa dîa mata wan paskan, kan yawan ba witin kupia lâka kat iwisa.
KAU LAN TAKS
Lan taks nahki Jehova latwan lâka wan marikan Tasba paskan taim, bara nahki Baibil wan smalkisa dîa mata Gâd wan paskan.
3. Jehova want sa upla nani sut rayaka ba pranakira kabia
LILKA ba kaikma, bara naha dukiara aisi banhma:
-
¿Dîa muni Gâd ba Tasba pranakira paskan?
Smasmalkra 3:11 aisi kaikma, bara naha dukiara aisi banhma:
-
¿Baha ba Jehova dukiara dîa wan smalkisa?
4. Jehova kupia lâka ba chens takras sa
Lawana Nani 37:11, 29 bara Aiseya 55:11 aisi kaikma, bara naha dukiara aisi banhma:
-
¿Yawan nahki nu sa Jehova kupia lâka ba upla dukiara chens takras sa?
Utla kum aisawan ba kli paskaia sip sa. Tasba na sim baku sa: upla ba Tasba na sauhkan sa, sakuna Gâd bui kli paski painkira daukbia witin ra latwan kaiki uplika nani dukiara
5. Yawan Jehova ra mayunisa taim wan tânka brisa dîa mata witin wan paskan
Jehova kupia lâka ba yawan nu takisa taim lilia lâka sakisa. LILKA ba kaikma, bara naha dukiara aisi banhma:
-
Terumi ba dîa mata Gâd wan paskan tânka ba lan takan taim, ¿nahki hilp ailal brin?
Smasmalkra 12:13 aisi kaikma, bara naha dukiara aisi banhma:
-
Jehova yawan sut dukiara diara yamni ailal daukan bamna, ¿nahki sip sa wan tingkika lâka marikaia?
UPLA KUM KUM MAKABI WALISA: “¿Dîa mata Gâd wan paskan?”.
-
¿Baha dukiara man dîa wima ki?
DÎA LAN TAKRAM
Jehova kupia lâka ba sika, yawan Tasba ra diara sut kasak pain, bara ban kaia ra iwaia. Wan kupia aiska ni Jehova ra mayunisa taim, wan tânka brisa nahki lilia iwaia naiwa piua ra.
Wan kupia krawaia
-
Jehova Adam bara Iv ra paskan taim, ¿ani kan Jehova kupia lâka ba witin nani dukiara?
-
¿Yawan nahki nu sa Gâd kupia lâka upla sut dukiara chens takras ba?
-
¿Man dîa daukaia sip sma man rayakam ba âuya pah lâka briaia dukiara?
KAU PLIKI KAIKS
Lan taks dîa muni yawan kasak lukaia sip sa Eden giadinka ba rait bâra kan.
“Eden Giadinka ba ¿kisi sturka kum sa ki?” (La Atalaya enero 1, 2011)
Lan taks yawan nahki nu sa Tasba na ban kaia ra bâra kabia.
Dîa mata Gâd wan paskan ba dukiara Baibil smalki ba laki kaiks.
Kaiks waitna kum luki kan diara sut bri kan, sakuna ai rayaka ra diara kum âpu kan.
a Smalkanka wala aula ba ra yawan lan takbia dîa muni baha sât rayaka painkira ba naiwa briras.
Baha sin laik kaikma
JEHOVA WITNISKA NANI DUKIARA UPLA NANI DÎA MAKABI WALI BA
¿Jehova witniska nani Baibil klaska yabi ba nahki sa ki?
Jehova witniska nani Baibil klaska yabi ba ra, man ani Baibil bîla lakanka want sma ba yus munaia sip sma. Baku sin, pamalikam apia kaka pâmnika nani paiwaia sip sma.
