LEKSION 25
Antoy Panlabayan na Dios Parad Sikatayo?
Ibabaga na Biblia ya ‘antikey so bilay na too tan napnoy gonigon.’ (Job 14:1) Ontan ya talaga kasi so labay na Dios parad sikatayo? No andi, antoy panlabayan to parad sikatayo? Nagawa ni kasi itan? Amtaen tayo so makapabiskeg ya ebat na Biblia.
1. Anton klase na bilay so labay nen Jehova parad sikatayo?
Labay nen Jehova ya nawalaan tayo na sankarakepan ya bilay. Nen pinalsa to so unonan totoo, si Adan tan Eva, impanayam to ra ed balibalin paraiso, say hardin na Eden. Insan “benendisyonan ira na Dios tan inkuan tod sikara: ‘Manbunga kayo tan manparakel kayo, pano yoy dalin tan uleyan yo.’” (Genesis 1:28) Labay nen Jehova ya nawalaan ira na ananak, magmaliw ya paraiso so interon dalin, tan asikasoen da ray ayayep. Labay to ya amin a totoo et manbilay ya anggapoy anggaan tan agbalot mansakit.
Anggano aliwan ontan so agawa, a ag-anguman so gagala na Dios. (Isaias 46:10, 11) Labay to nin siansia ya manbilay ya anggapoy anggaan iray maunor ya totoo, ya anggapo lay irap tan problema.—Basaen so Apocalipsis 21:3, 4.
2. Panon a magmaliw ya maliket so bilay tayo natan?
Pinalsa itayo nen Jehova ya walay “espiritual a pankaukolan” tayo. Labay ton ibaga, kailangan tayo so panangigiya to. Atan so rason no akin ya labalabay tayon nakabat tan dayewen. (Basaen so Mateo 5:3-6.) Labay to ya sikatoy nakaaro tayo. Ibibilin to so “panakar ed amin a dalan to,” pangaro ed sikato, tan panlingkor diad “interon” puso. (Deuteronomio 10:12; Salmo 25:14) No gawaen tayo itan, magmaliw tayon maliket, anggano wala ray problema. No mandayew tayod si Jehova, nalikna tayo ya walay direksion na bilay tayo, ta uunoren tayo so panlabayan to.
DAKEL NI NAARALAN MO
Amtaen no panon kaaralem so panangaro nen Jehova nen ginawa to so Dalin parad sikatayo. Tan aralen no anto so ibabangat na Salita to ya gagala na bilay.
3. Balibali so panlabayan nen Jehova parad totoo
I-play so VIDEO, insan ebatan iya.
-
Akin et ginawa na Dios so balibalin planeta tayo?
Basaen so Eclesiastes 3:11, insan ebatan iya:
-
Antoy naaralan mo ed saya tungkol ed si Jehova?
4. Ag-anguman so panlabayan nen Jehova
Basaen so Salmo 37:11, 29 tan Isaias 55:11, insan ebatan iya:
-
Panon tayon amta ya ag-anguman so panlabayan nen Jehova parad sikatayo?
Say sakey ya abung ya apaulyanan tan aderal et naapiger ni. Ontan met, pinaulyanan na totoo so dalin, balet apigeren itan na Dios parad saray inad-aro to
5. No dayewen tayo si Jehova, walay direksion na bilay tayo
Magmaliw tayon maliket no amta tayo so gagala na bilay. I-play so VIDEO, insan ebatan iya.
-
Panon ya atulongan si Terumi nen naamtaan toy gagala na bilay?
Basaen so Eclesiastes 12:13, insan ebatan iya:
-
Lapud dakdakel so ginawa nen Jehova parad sikatayo, antoy ibales tayo?
NO ITEPET NA ARUM: “Anto kasi gagala na bilay?”
-
Antoy iyebat mo?
SUMARYO
Labay nen Jehova ya na-enjoy tayo so bilay ya anggapoy anggaan diad dalin, ya anggapo lay irap tan problema. No sikatoy dayewen tayo diad interon puso, natan ni labat et magmaliw itayon maliket tan walay direksion na bilay tayo.
Rebyu
-
Antoy panlabayan nen Jehova ed si Adan tan Eva?
-
Panon tayon amta ya ag-anguman so gagala na Dios parad totoo?
-
Antoy gawaen mo pian walay direksion na bilay mo tan magmaliw kan maliket?
DISKOBRIEN
Amtaen iray ebidensya ya walan talagay hardin na Eden nensaman.
“Hardin na Eden—Tua o Is-istorya Labat?” (Say Panag-bantayan, Enero–Marso 2011)
Aralen no akin ya segurado tayo ya agbalot naderal so dalin.
Amtaen no antoy ibabaga na Biblia ya gawaen tayo pian magmaliw ya maliket tan walay direksion na bilay tayo.
Nengnengen no panon ya naamtaan na sakey ya laki ya wala ni kulang ed bilay to, anggano say pakaamta to et wala lad sikaton amin.
a Diad onsublay ya leksion, naaralan mo no akin ya aliwan ontan so bilay tayo natan.
Ompan Nagustoan Mo Met
MABETBET YA ITETEPET
Anto tay Panag-aral na Biblia ya Iyoopresi na Saray Tasi nen Jehova?
Diad sayan libren interactive ya paraan na panag-aral ya iyoopresi na Saray Tasi nen Jehova, sarag mon usaren so anggan anton patalos na Biblia. Imbitaan so interon pamilyam odino anggan siopan kaarom ya labay day milad sika.
