MSOLO 25
Ko chakulinga cha Mulungu kwa ise ni chiponi?
Baibolo ichalewa kuti, kwa ise wanthu moyo ‘niwufupi ndipo niwodzala na mabvuto.’ (Yobu 14:1) Ko moyu ndiwo moyo womwe Mulungu ambafuna kuti tikhale nawo? Ko chakulinga cha Mulungu chenze chiponi pomwe angasika wanthu? Ko ntsiku inango chakulinga chake chimwechi chingadzakwanirisike? Imwepo mukomedzewe maninge kudziwa mdawiro wa m’Baibolo pa nkhani mweyi.
1. Ko Yahova ambafuna kuti isepano tikhale na moyo wotani?
Yahova ambafuna kuti timbakomedzewe maninge na moyo. Pomwe adasika dziko yapasi, iye adayikha munthu wakuyambirira Adamu na Hava mu paradaiso wokhuza maninge wochemerewa kuti Edeni. Patsogolo pake ‘Mulungu adawadalisa achiwauza kuti: ‘Mubalane muwande mudzadze dziko yapasi ndipo muinyang’anire.’’ (Genesis 1:28) Yahova ambafuna kuti iwo abereke wana nakuti achinje dziko yose yapasi nkukhala paradaiso nakuti ambasamalire vinyama. Chakulinga chake chenze chakuti wanthu wose akhale na moyo wabwino na wosapera.
Nishuwadi kuti vinthu vilibe kukhala ninge momwe Mulungu ambafunira, a Koma chakulinga cha Mulungu chilibe kuchinja. (Yesaya 46:10, 11) Iye adakafuna kuti wanthu wobvera akhale na moyo wangwiro mpaka kalekale.—Lewengani Chivumbulutso 21:3, 4.
2. Ko tingakhale tani na moyo wokondwa olo manjewuno?
Yahova adatisika na ‘shungu yauzimu’ panango kuti shungu yakufuna kumudziwa na kumutumikira. (Lewengani Mateyu 5:3-6.) Mulungu ankufuna kuti tikhale paushamwali wakulimba maninge na iye, ‘timbafamba nthawe zose munjira zake, kumukonda’ na kumutumikira ‘na moyo [wathu] wose.’ (Deuteronomo 10:12; Salimo 25:14) Tikachita vimwevi, tingakhale wokondwa chaivo podiya kuti tinkugumana na mabvuto. Kutumikira Yahova kuchachitisa kuti moyo wathu ukhale waphindu ndawa yochita vinthu vomwe iye achada.
PFUNZIRANI VIZINJI
Wonani va chikondi chikulu chomwe Yahova adawonesa pakusika dziko yapasi kuti atipase, pfunzirani pomwe vomwe Baibolo ichapfunzisa va chakulinga cha moyo.
3. Yahova achada wanthu akhale na moyo wabwino maninge
Wonesani VIDIYO, ndipo patsogolo pake kambiranani mbvunzo uyu.
-
Ndawa chani Yahova adakonza dziko yathu yabwino maninge?
Lewengani Mlaliki 3:11, ndipo patsogolo pake kambiranani mbvunzo uyu:
-
Ko vinthu vimwevi vinkukupfunzisani chani va Yahova?
4. Cholinga cha Yahova chilibe kuchinja
Lewengani Salimo 37:11, 29 na Yesaya 55:11, ndipo patsogolo pake kambiranani mbvunzo uyu:
-
Ko tinkudziwa tani kuti vomwe Yahova achada kwa ise vilibe kuchinja?
Nyumba yomwe ni yosasamalika bwino ingakonzewe pomwe. Molingana na vimwevi, dziko yapasi yomwe ili ninge nyumba yosasamalika ndawa ya wanthu, Mulungu adzaikonze kuti ikhale dziko yabwino kwa wale womwe achamukonda
5. Kutumikira Yahova kuchachitisa kuti moyo wathu ukhale waphindu
Kudziwa cholinga cha moyo kungatipase chimwemwe. Wonesani VIDIYO, ndipo patsogolo pake kambiranani mbvunzo uyu.
-
Ko moyo wa Terumi udachinja tani pomwe iye adapfunzira va cholinga cha moyo?
Lewengani Mlaliki 12:13, ndipo patsogolo pake kambiranani mbvunzo uyu:
-
Pakuti Yahova adatichitira vinthu vizinji, ko isembo tingamuchitire chani iye?
WANTHU ANANGO ACHATI: ‘Ko cholinga cha moyo ni chani?’
-
Ko imwepo mungadawire tani?
CHIGWATO
Yahova achada kuti tikondwe na moyo waungwiro pano padziko yapasi mpaka kalekale. Tikambatumikira Yahova na moyo wathu wose, moyo wathu uchakhala na chakulinga chaicho olo manjeuno.
Kubwerezera
-
Ko cholinga choyambirira cha Yahova kwa Adamu na Hava chenze chani?
-
Ko tinkudziwa tani kuti cholinga cha Mulungu kwa wanthu chilibe kuchinja?
-
Ko moyo wanu ungakhale tani waphindu?
KUTI MUDZIWE VIZINJI
Wonani umboni woonesa kuti munda wa Edeni wenzekodi.
‘Ko munda wa Edeni wenzekodi?’ (Nsanja ya Olonda ya 1 Janeiro, 2011)
Wonani kuti ndawa yake tingatsimikizire kuti dziko yapasi idzakhalepo mpaka kalekale.
Pfunzirani vomwe Baibolo ichanena pankhani ya cholinga cha moyo.
Wonani momwe mwamuna munango yemwe ambawona kuti anavose adagumanila vosowa va moyo wake.
a Mumsolo wapatsogolo mudzapfunzire vomwe vidaphonyeka.
