LECCIÓN 25
¿Ima rurasha causangaj ñucanchira Yaya Dios rurashca?
Biblia nin “runa, ansa timpulla causan ashca problemagunahua” (Job 14:1). Shinajpis ¿casna tunu causaira ñucanchi charichu Dios munanzhu? Mana shina ajpi ¿imasna ñucanchi causachu munan? ¿Shu punzha cai pactaringachu? Animachij Biblia cutipashcara ricui.
1. ¿Ima tunu causaira ñucanchi charichu Dios munan?
Jehová munanmi ñucanchi ali causachu. Punda cari Adanda, punda huarmi Evara rurasha sumaj paraisoi churaca: ali gustu pamba Edembi. Chibi “Dios bendiciasha paigunara nicami: ‘Mirarichi, ashca huahuaunara charichi, intiru allpara undachichi, chibi mandaichi’” (Génesis 1:28). Jehová munaca huahuaunara charinuchu, intiru allpara paraíso ruranuchu, animalgunara cuiranuchu. Shinallara munacami mana pis ungunuchu, unaigama causanuchu.
Dios munashcasna mana pactarijpis, a pai munashca mana turcarishcachu (Isaías 46:10, 11). Jehová Dios chara munanmi paita casuj runauna unaigama ali gustu causanuchu (leai Apocalipsis 21:3, 4).
2. ¿Imasnara cunamandara ali gustu causana ushanchi?
Jehová ñucanchira rurashcami paita ricsingahua adurangahuas munaira charichu (leai Mateo 5:3, TNM, 4-6). Yaya Dios munan paihua ali apanunuchu “paihua tucui ñambiunai” purinuchu paita llaquinuchu tucui shunguhua paita sirvinuchu (Deuteronomio 10:12; Salmo 25:14). Cai mandashcaunara pactachisha cushi causana ushanchi, problemagunara charishas. Jehová Diosta adurasha cushi causaira charina ushanchi pai munashcasna causaushcaraigu.
MAS YACHAI
Ricushun Jehová cai allpara rurashcai ashca llaquina pai ricuchishcara shinallara Biblia ima yachachin ñucanchi ima rangahua causanchi nisha.
3. Jehová munan ñucanchi ali gustu causaira charichu
VIDEORA ricuichi, huasha catij tapuimanda rimaichi:
-
¿Imarasha ñucanchi gustu allpara Dios rurashca?
Leaichi Eclesiastés 3:11, huasha catij tapuimanda rimaichi:
-
¿Imara cai texto Jehovamanda yachachin?
4. Jehová munashca mana turcarishcachu
Leaichi Salmo 37:11, 29; Isaías 55:11, huasha catij tapuimanda rimaichi:
-
¿Imasnara yachanchi Jehová munashca mana turcarishcara?
Huajlichishca huasi manali ajpis cuti alichina usharin. Allpa shinallara tucun: runauna cai allpara ashca llaquichinushca shinajpis Dios allpara alichinga paita llaquij runaunama cungaj.
5. Diosta adurasha cushi causanara charina ushanchi
Ima rurangaj ñucanchira Yaya Dios rurashcara yachasha cushiyachin. VIDEORA ricuichi, huasha catij tapuimanda rimaichi:
-
Videoi ricushca shina ¿imara yanapaca Terumi panira cushi causangahua?
Leaichi Eclesiastés 12:13, huasha catij tapuimanda rimaichi:
-
Ñucanchima cungaj tucui rurashcaunara yachasha ¿imara rurana anchi Jehovara pagarachungaj?
RUNAUNA CASNA TAPUNUJPI: “¿Imangaj causanchi? ¿Imangaj Dios ñucanchira rurarca?”.
-
¿Imara can cutipanguima?
IMARA YACHASHCANGUI
Gustu allpai huiñaigama causachu Dios munan. Shinallara cunas cushi causana ushanchi tucui shunguhua Jehová Diosta adurasha.
Iyaringaj
-
Jehová Dios Adanda Evaras rurashcai ¿imara rurangaj paigunara rurarca?
-
¿Imasnara yachanchi Diospa munai mana turcarishcara?
-
¿Imara yanapanga cushi causangahua?
RICUNGUI
Leai imarasha yachanchi ali gustu pamba Edén sirtu tiashcara.
“Ali gustu pamba Edén ¿sirtu tiacachu?” (La Atalaya, 1 de enero de 2011)
Yachai imarasha sirtu pacha quirinchi allpa mana ima huras tucuchishca anara.
Biblia yachachishcara imangaj causanchi nishca temara leai.
Ricui shu runa tucuira charishas mana cushi sintishcara riparaca.
a Catij lecciombi yachashun imarasha Dios munashca shina mana pactarishcara.
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
