25. LEKCIJA
So o Devel mangela te ćerel e manušenđe?
I Biblija mothovi so o manuša na živinena but hem so amaro „životi tano pherdo pharipa“ (Jov 14:1). Ama, da li o Devel mangela te živina ađahar? Ako na, tegani sose ćerđa amen? Da li ka avel o vreme ked o Devel ka ispunini odova so kotar početko manglja e manušenđe? Hajde te dikha so i Biblija vaćeri odolestar.
1. Sar o Jehova mangela te živina?
O Jehova mangela te ovel amen najšukar životi. Ked ćerđa e Adame hem e Eva, ov ćhivđa len te živinen ko jekh but šužo than, ko edensko vrt. „Palo odova, o Devel blagoslovinđa len hem phenđa lenđe: ’Nek ovel tumen but ćhave hem tumendar nek oven but manuša, pheren i phuv hem vladinen upro late‘“ (Postanak 1:28). O Jehova manglja te ovel len ćhave, te ćeren i phuv te ovel raj hem te brininen pe ando životinje. Ov manglja o manuša te ovel len savršeno sastipe hem večno te živinen.
Iako avdije na živinaja ađahar, a odova so o Devel manglja e manušenđe na menjinđa pe (Isaija 46:10, 11). Ov mangela o manuša kola šunena le te živinen večno hem te ovel len najšukar životi. (Čitinen Otkrivenje 21:3, 4.)
2. Sar šaj već avdije te ova bahtale?
Ked ćerđa amen, o Jehova ćhivđa ano amende i želja te penđara le hem te služina olese. (Čitinen Matej 5:3-6.) Ov mangela te ova paše oleja hem te đa palo sa olese drumija, te manga le hem te služina lese celone vileja (Ponovljeni zakoni 10:12; Psalam 25:14). Ako odova ćeraja, amen ka ova bahtale, iako isi amen problemija. Ked služinaja e Jehovase, amen živinaja sar so o Jehova kotar početko manglja.
SIKLJOV POBUTER
Sikljov sar o Jehova mothovđa so mangela amen odoleja sar ćerđa i phuv hem so oleso Lafi vaćeri odolestar sose hijam ćerde.
3. O Jehova mangela o manuša te oven bahtale
Dikhen o VIDEO, hem palo odova vaćeren ando akava pućibe:
-
Sose o Devel ćerđa i phuv?
Čitinen Propovednik 3:11, hem palo odova vaćeren ando akava pućibe:
-
So sikljiljan ando Jehova kotar akava stih?
4. Odova so o Jehova manglja te ćerel ko početko na menjinđa pe
Čitinen Psalam 37:11, 29 hem Isaija 55:11, hem palo odova vaćeren ando akava pućibe:
-
Sar đanaja so na menjinđa pe odova so o Jehova manglja te ćerel ko početko?
Jekh ćher kova propadini, šaj te popravini pe. Avdije, o manuša ruminena i phuv, ama o Devel ka obnovini la hem ka del la okolenđe kola mangena le
5. Ked služinaja e Jehovase šaj te ova bahtale
Ked haljovaja sose hijam ćerde, tegani ćaće šaj te ova bahtale. Dikhen o VIDEO, hem palo odova vaćeren ando akava pućibe:
-
Sar amare phenjaće pomožinđa odova so haljilji sose živinaja?
Čitinen Propovednik 12:13, hem palo odova vaćeren ando akava pućibe:
-
Sar šaj te mothova so hijam zahvalna e Jehovase aso sa odova so ćerđa amenđe?
AKO NEKO PUĆELA: „Sar šaj te ova bahtale?“
-
Sar bi odgovorineja?
SO SIKLJILJAM
O Jehova mangela večno te živina hem te ovel amen najšukar životi. Ako služinaja lese celone vileja, već avdije šaj te ova bahtale.
Te ponovina
-
Sose o Jehova ćerđa e Adame hem e Eva?
-
Sar đanaja so na menjinđa pe odova so o Jehova manglja te ćerel ko početko?
-
Sar šaj ćaće te ova bahtale?
RODE POBUTER
Sar đanaja so o edensko vrt ćaće postojinđa?
„Da li o edensko vrt ćaće postojinđa?“ (Stražarska kula, 1. januar 2011)
Sikljov sose šaj te ova sigurna so i phuv niked na ka ovel uništimi.
Dikh so i Biblija vaćeri odolestar sose živinaja.
Dikh sar jekh manuš kova mislinđa so isi le sa ko životi haljilo so ipak diso falini lese.
a Ki aver lekcija, ka dikha sose avdije nane ađahar.
Dikhen hem akava
NAJČEŠĆA PUČIBA
Sar izgledini jekh biblijako kurs ando Jehovase svedokija?
O proučibe tano besplatno, šaj te koristinen o prevod andi Biblija kova tumen mangena hem ko kurs šaj te vićinen celo tumare porodica ja nekas ando tumare amala.
