WOTO 25
Un libi Gadu bi kë fuu abi?
Di Bëibel ta piki u taa libisëmbë an ta libi longi, nöö di libi u de fuu ku bookohedi (Jöpu 14:1). Di libi aki hën Gadu bi kë fuu abi ö? Ee nëën, nöö un libi Gadu kë fuu abi? Wan daka ta ko ka a o mbei u feni di libi dë u? Luku andi di Bëibel ta konda da u, nöö di soni dë ta da u kötöhati.
1. Unfa Jehovah bi kë taa di libi fuu musu dë?
Jehovah kë taa u musu abi wan bunu libi. Di a bi mbei di fosu womi ku di fosu mujëë, Adam ku Eva, hën a bi buta de a wan hanse paladëisi di u ta kai di djai u Eden. Hën „Gadu wensi bunu da de. Hën Gadu piki de taa: ’Un pai miii be un ko hia, be un fuu di goonliba, nöö un musu dë basi fëën’” (Kenesesi 1:28). Jehovah bi kë u de pai miii, u de mbei hii di goonliba ko toon wan paladëisi, söseei de bi musu ta sölugu dee mbeti. Di libi di a bi kë taa hii libisëmbë bi musu abi, hën da de bi musu dë gösöntu, nöö de bi musu ta libi u teego.
Ma hii fa soni an pasa kumafa Gadu bi abi a pakisei, a tökuseei di soni di Gadu bi abi a pakisei an tooka (Jesaaja 46:10, 11). A kë taa dee sëmbë dee ta piki ën buka musu libi u teego, söndö zöndu ku dëdë.—Lesi Akoalimbo 21:3, 4.
2. Unfa u sa abi wan bunu libi nöunöu kaa?
Libisëmbë abi Gadu fanöudu, u di Gadu mbei u ku di fii dë. Fëën mbei u ta kë ko sabi soni fëën. (Lesi Mateosi 5:3-6.) A kë fuu ku ën ko dë gaan mati, a kë fuu du hii dee soni dee a piki u fuu du, a kë fuu lobi ën, söseei a kë fuu dini ën ku hii u hati (Detolonomi 10:12; Psalöm 25:14). Te u ta du dee soni aki, nöö woo ta dë waiwai tuutuu, aluwasi u abi bookohedi seei. Te u ta dini Jehovah, nöö woo abi wan bunu libi, u di u ta libi kumafa a kë.
WOTO SONI DI I SA LEI
Woo luku unfa Jehovah lei taa a lobi u tuutuu di a bi ta mbei di goonliba da u fuu libi nëën, söseei woo luku andi di Wöutu fëën ta lei u u di libi di a kë fuu abi.
3. Jehovah kë taa libisëmbë musu abi wan bunu libi
Pëë di FËLÖN, nöö piki di hakisi aki.
-
Faandi mbei Jehovah mbei di hanse goonliba fuu?
Lesi Peleikima 3:11, nöö piki di hakisi aki:
-
Andi di soni aki ta lei i u Jehovah?
4. Di soni di Jehovah bi abi a pakisei an tooka
Lesi Psalöm 37:11, 29 ku Jesaaja 55:11, nöö piki di hakisi aki:
-
Unfa u du sabi taa di soni di Jehovah bi abi a pakisei da libisëmbë an tooka?
Wan wosu di booko sa seeka ko bunu baka. Leti sö nöö Gadu o seeka di goonliba di libisëmbë booko kaba a sösö ko bunu baka da dee sëmbë dee lobi ën.
5. Di dini di u ta dini Jehovah ta mbei u ko abi wan möön bunu libi
Di sabi di u ko sabi faandi mbei u dë a libi sa mbei u ta dë waiwai. Pëë di FËLÖN, nöö piki di hakisi aki.
-
Un wini Terumi bi feni di a ko sabi faandi mbei u dë a libi?
Lesi Peleikima 12:13, nöö piki di hakisi aki:
-
Andi u musu du da Jehovah baka, u di a du sömëni soni da u?
WAN SËMBË SA HAKISI I TAA: „Faandi mbei u dë a libi?
-
Andi i bi o piki?
ANDI I LEI?
Jehovah kë fuu piizii u di libi u teego a oonliba aki, söndö zöndu ku dëdë. Te u ta dini ën ku hii u hati, nöö u ta ko abi wan bunu libi nöunöu kaa.
Andi i bi o piki?
-
Un libi Jehovah bi abi a pakisei da Adam ku Eva a di bigi?
-
Unfa u du sabi taa di soni di Gadu bi abi a pakisei da libisëmbë an tooka?
-
Unfa i sa ko abi wan bunu libi?
WOTO SONI DI I SA LUKU
Lesi di woto aki fii si taa di djai u Eden bi dë wan tuutuu djai.
„A dyari fu Eden ben de wan trutru presi?” (A Waktitoren, 1 u jailiba 2011)
Lesi di woto aki fii si faandi mbei u sa dë seiki taa di goonliba o dë u nöömö.
Lesi di woto aki fii ko sabi faandi mbei u dë a libi, kumafa di Bëibel ta taki.
Luku di fëlön aki fii si unfa wan womi di bi ta pakisei taa a abi hii soni kaa, bi feni di soni di bi ta makei nëën libi.
a A di woto di ta ko, joo lei andi bi pasa.
