KHAOLO EA 25
Molimo o Batla Hore re Phele Bophelo bo Joang?
Bibele e re batho ba phela bophelo bo ‘bokhutšoanyane le bo tletseng likhathatso.’ (Jobo 14:1) Na ke tsela eo Molimo a neng a batla hore re phele ka eona? Haeba ha ho joalo, morero oa hae ke ofe ka rona batho? Na morero oa hae o tla ke o phethahale? Fumana likarabo ka Bibeleng.
1. Jehova o batla hore re phele bophelo bo joang?
Jehova o batla hore re phele hamonate. Ha a qeta ho bopa batho ba pele, e leng Adama le Eva, o ile a ba beha serapeng se setle sa Edene. Ka mor’a moo, “Molimo a ba hlohonolofatsa ’me Molimo a re ho bona: ‘Atang le ngatafale le tlale lefatše ’me le le buse.’” (Genese 1:28) Jehova o ne a batla hore ba be le bana, ba etse lefatše lohle paradeise ’me ba hlokomele liphoofolo. O ne a batla hore batho kaofela ba phele hamonate ba sa kule le hore ba phele ka ho sa feleng.
Le hoja re sa phele ka tsela eo Molimo a neng a batla hore re phele ka eona, a o ntse a batla hore nakong e tlang re phele hamonate. (Esaia 46:10, 11) O ntse a batla hore batho ba mo mamelang ba phele ka ho sa feleng maemong a matle.—Bala Tšenolo 21:3, 4.
2. Ke joang re ka lulang re thabile hona joale?
Jehova o re bopile re e-na le tlhoko ea ho batla ho tataisoa ke eena, ke kahoo re batlang ho mo tseba le ho mo sebeletsa. (Bala Matheu 5:3-6.) O batla hore re be metsoalle ea hae, re “tsamaee litseleng tsohle tsa hae le ho mo rata” ’me re mo sebeletse ka ‘lipelo tsohle tsa rona.’ (Deuteronoma 10:12; Pesaleme ea 25:14) Haeba re etsa joalo, re tla thaba le hoja re e-na le mathata. Ha re sebeletsa Jehova, rea thaba hobane re phela ka tsela eo a e batlang.
ITHUTE LINTLHA TSE LING
Ithute ka lerato leo Jehova a ileng a re bontša lona ha a ne a bopa lefatše le ka seo Bibele e se rutang ka morero oa hae ka batho.
3. Jehova o batla hore batho ba phele hamonate
Bapala VIDEO ebe le buisana ka potso e latelang.
-
Ke hobane’ng ha Molimo a ile a bopa lefatše?
Bala Moeklesia 3:11 ebe le buisana ka potso e latelang:
-
U ithuta’ng ka Jehova temaneng ee?
4. Morero oa Jehova ha o e-s’o fetohe
Bala Pesaleme ea 37:11, 29 le Esaia 55:11 ebe le buisana ka potso e latelang:
-
Re tseba joang hore morero oa Jehova ka rona ha o e-s’o fetohe?
Ntlo e senyehileng e ka lokisoa. Ka tsela e tšoanang, Molimo o tla lokisa lefatše molemong oa batho ba mo ratang
5. Ho sebeletsa Jehova ho etsa hore re thabe
Ho tseba hore na re phelela’ng ho ka etsa hore re thabe. Bapala VIDEO ebe le buisana ka potso e latelang.
-
Taba ea hore ’mè Terumi o ne a tseba hore na o phelela’ng e ile ea mo thusa joang?
Bala Moeklesia 12:13 ebe le buisana ka potso ena:
-
Re ka bontša joang hore re ananela lintho tse ngata tseo Jehova a re etselitseng tsona?
MOTHO A KA ’NA A RE: “Re phelela’ng?”
-
U ka mo araba joang?
KAKARETSO
Jehova o batla hore re thabele ho phela ka ho sa feleng maemong a matle mona lefatšeng. Ha re sebeletsa Jehova ka lipelo tsohle tsa rona, re ka lula re thabile le hona joale.
Re Ithutile’ng?
-
Jehova o ne a batla hore Adama le Eva ba phele bophelo bo joang?
-
Re tseba joang hore morero oa Molimo ka batho ha o e-s’o fetohe?
-
Ke’ng e ka u thusang hore u lule u thabile?
BATLA
Ithute hore na ke hobane’ng ha o ka kholiseha hore serapa sa Edene se ne se le teng.
“Serapa sa Edene —Na ke ’Nete Kapa ke Pale e Iqapetsoeng?” (Molula-Qhooa, January 1, 2011)
Ithute hore na ke hobane’ng ha re ka kholiseha hore lefatše le tla lula le le teng.
Hlokomela hore na Bibele e re re phelela’ng.
Hlokomela hore na ntate e mong o ne a se na eng bophelong le hoja a ne a nahana hore o na le ntho e ’ngoe le e ’ngoe.
a Khaolong e latelang, u tla ithuta hore na bothata bo qalile hokae.
Mohlomong u ka Rata le
LIPOTSO TSE BOTSOANG HANGATA
Lenaneo la ho Ithuta Bibele le Lipaki Tsa Jehova
Ha u ithuta bukana ena ea U ka Thaba ka ho sa Feleng! u ka sebelisa Bibele e ’ngoe le e ’ngoe eo u nang le eona. U ka mema ba lelapa le metsoalle.
