LISOMO LYA 25
Leeza Ali ni Mupaango ki Palwetu?
Bibilia ili yalanda nangue buikazi bwa bantu ni ‘bufupi kabili bwaizuzimo maavia.’ (Yobu 14:1) Eba, Leeza atonene buikazi bwetu buye bwali eevi? Kine te evio, ali ni mupaango ki palwetu? Eba, ozo mupaango wakue wakafikiliziiwa? Mona byasuko bili byateekia mutima bili mu Bibilia.
1. Yehova atonene tuye twali ni buikazi bwa siani?
Yehova atonene tuye twali ni buikazi bukilile kuwaama. Musita Yehova lwaababumbile bantu ba kuanza, ba Adamu ni Eva, waababiikile mu busitani bwa Edeni, paradiso yaweeme saana. Kisia “Leeza waabapaalile, kabili wabalandile eevi: ‘Viale, mwaluke bengi, mwizuzie kyalo ni kukiteeka.’” (Kutendeka 1:28) Yehova waali watonene ba Adamu ni Eva baviale baana, kyalo kyonse bakyalule paradiso, kabili baye babasuunga ba nama. Mupaango wakue, waali wakulanda nangue bantu bonse basekelele bukose bupuililikile kabili bekale loonse.
Anzia kine bintu byaainoonekele, a mupaango wakue Leeza, te waalulukile. (Isaya 46:10, 11) Mpaka loonu, Leeza akitonenesie bantu baalia bali bamunakila bekale loonse mu aali yaweeme saana.—Some Nfyulo 21:3, 4.
2. Kunti twakita ki eevi tusekelele buikazi buli ni nsaansa kutendekela loonu?
Yehova waatubumbile twakabiile kutungululua na weene. Keekio i kili kyalengia tuye twali ni nkulu ya kumumana ni kumupupa. (Some Mateo 5:3-6.) Atonene tuye twali ni bukibuza bwa peepi pamo nakue, ‘twaenda mu nzila yakue yonse, twamutonene’ kabili twamubombela “na mutima [weetu] onse.” (Malanguluzi a Mizilo 10:12; Malumbo 25:14) Kine twakita evio, kunti twaaluka ni nsaansa kakiine anzia kine tuli ni maavia. Kumupupa Yehova, kuli kwatupeela buikazi buli ni nsaansa ya kisinka, paantu tuli twaikala kukoonkana ni mwatoneene.
TUKEBE SAANA
Tumone Yehova vyaalangiliile ntono ikata musita lwaabumbile kyalo, kabili beelia bili byatusambilizia Mulandu wakue palua namuna vyatonene buikazi bwetu buye bwali.
3. Yehova atonene bantu baye bali ni buikazi bwaweeme
Mone VIIDEO, kisia londoluele keeki kiipuzio.
-
Juu ya ki Leeza waabumbile kyalo kyetu kyaweeme eevi?
Some Kasimika 3:11, kisia londoluele keeki kiipuzio:
-
Kukoonkana ni leeli lileembo, wamona nangue Yehova ali ni mupaango ki palwetu?
4. Mupaango wakue Yehova teunaaluluke
Some Malumbo 37:11, 29 ni Isaya 55:11, kisia londoluele keeki kiipuzio:
-
Twamana siani nangue mupaango wakue Yehova palwetu te waalulukile?
Nsesi elia iinoonekele, kunti yawaamiiwa. Ni keenu kyalo kilekeleelue na bantu, Leeza wakaba kukiwaamia eevi bantu bamutonene weene bekalemo
5. Kine twamupupa Yehova tuli kwaluka ni buikazi buli ni nsaansa
Kumana kilengiizie tuye twali pa kyalo kunti kwatuleetela nsaansa: Mone VIIDEO, kisia londoluele keeki kiipuzio.
-
Kumana mupaango palua buikazi, kwamukwasiizie siani Terumi?
Some Kasimika 12:13, kisia londoluele keeki kiipuzio:
-
Paantu Yehova waatukitiile bintu bingi saana, tupalile kukita ki eevi tulangilile nangue tuli bantu bali basantila?
UNGE KUNTI WAIPUZIA: “Pa kyalo palisie kwema. Ale juu ya ki Leeza waatubumbile?”
-
Kunti waasuka siani?
MU KIFUPI
Yehova atonene twikale loonse pa kyalo kabili twali ni buikazi bwaweeme saana. Musita utuli twamupupa weene na mutima weetu onse, tuli twaaluka ni nsaansa mu buikazi atasie leenu.
Kunti waasuka siani?
-
Ku ntendeko, Yehova waali ni mupaango ki palua ba Adamu ni Eva?
-
Twamana siani nangue mupaango wakue Leeza palua bantu te waalulukile?
-
Kunti wakita ki eevi waluke ni buikazi buli ni nsaansa?
MANAKO NI BINGE
Mona bintu bisininkiziizie nangue busitani bwa Edeni bwaaliko kakiine.
Mona juu ya ki tuli kuya twali ni kisinka nangue kyalo kyakabako loonse.
“Eba, Kyalo Kyakaba Kwinoonua?” (Lyasi lili mu Kitente kya Enternete)
Toosia umone beelia bili byalanda Bibilia palua kwaluka ni buikazi buli ni nsaansa.
“Buikazi Buli na Mana ki?” (Lyasi lili mu Kitente kya Enternete)
Mwalalume umo, waali waimwene nangue akuete kila kintu. Mona vyaavumbuile keelia kibanga kyamupusile mu buikazi bwakue.
a Mu lisomo likoonkelepo, wakaba kumana juu ya ki leenu te tuli mukwikala loonse.
