WEKELO 25
Naa sangwelo diaki Nzambi lo dikambo diaso?
Bible mbetawɔka dia lɔsɛnɔ l’onto lekɔ ‘mondo ndo ndola la paa.’ (Jɔbɔ 14:1) Onde Nzambi nangaka mɛtɛ dia sho monga la woho wa lɔsɛnɔ la ngasɔ? Naka bu, naa sangwelo diande lo dikambo diaso? Onde diɔ diayokotshama lushi lɔmɔtshi? Tende ekadimwelo wakeketsha washa Bible.
1. Naa yoho ya lɔsɛnɔ yalanga Jehowa dia sho nsɛna?
Jehowa nangaka dia sho monga la lɔsɛnɔ loleki dimɛna. Lam’akandatonge anto wa ntondo, Adama l’Eva, nde akaakitsha lo paradiso k’olangala efula, mbuta ate l’ekambɔ k’Ɛdɛna. Oma laasɔ, “Nzambi akaatshɔkɔla ndo Nzambi akawatɛ ate: ‘Nyootane, nyofulane, nyolodia nkɛtɛ ndo nyoyiole.’” (Etatelo 1:28) Jehowa akalange dia vɔ monga l’ana, mbetɛ nkɛtɛ k’otondo paradiso ndo dia vɔ kokɛka waa nyama. Sangwelo diande aki di’anto tshɛ monga l’alemba wa kokele ndo dia vɔ sɛnaka pondjo pondjo.
Kaanga mbaki kosalema akambo lo yoho shɔ, a sangwelo diaki Nzambi kotshikitana. (Isaya 46:10, 11) Nde akalange di’anto wele l’okitanyiya sɛnaka pondjo pondjo lɛnɛ ele akambo tshɛ wayonga kokele.—Adia Ɛnyɛlɔ 21:3, 4.
2. Ngande wakokaso monga la lɔsɛnɔ lele l’oyango nshi nyɛ?
Jehowa akatotonge la ‘ehomba wa lo nyuma,’ mbuta ate nsaki ka mbeeya ndo ka mbɔtɛmɔla. (Adia Mateo 5:3-6.) Nde nangaka dia sho monga la lɔngɛnyi l’oshika la nde, “nkɛndakɛnda lo mboka yande tshɛ, mbooka ngandji,” ndo mbokambɛ ‘l’otema aso tshɛ.’ (Eohwelo k’Ɛlɛmbɛ 10:12; Osambo 25:14) Naka sho nsala ngasɔ, kete tayonga mɛtɛ l’ɔngɛnɔngɛnɔ kaanga l’atei w’ekakatanu. Ntɛmɔla Jehowa tokimanyiyaka dia sho monga la lɔsɛnɔ lele l’oyango w’oshika.
NYOMOTSHIMOLA
Eka akambo wendana la ngandji k’efula kakɛnya Jehowa etena kakandatɔlɔngɔsɔlɛka nkɛtɛ ndo eka kɛnɛ ketsha Ɔtɛkɛta ande lo kɛnɛ kendana la oyango wele la lɔsɛnɔ.
3. Jehowa ekɔ la sangwelo dia diambo efula lo dikambo di’anto
Nyende VIDƐO, ndo oma laasɔ, nyɔkɛtshanya dimbola diayela nɛ:
-
Lande na kakatotongɛ Nzambi nkɛtɛ k’olangala kɛnɛ?
Nyadia Ondaki 3:11, ndo oma laasɔ, nyɔkɛtshanya dimbola nɛ:
-
Kakɔna katetsha dikambo nɛ lo kɛnɛ kendana la Jehowa?
4. Sangwelo diaki Jehowa diatatshikitana
Nyadia Osambo 37:11, 29 ndo Isaya 55:11, ndo oma laasɔ, nyɔkɛtshanya dimbola nɛ:
-
Ngande weyaso dia sangwelo diaki Jehowa lo dikambo diaso diatatshikitana?
Luudu lambolana efula koka nɔngɔswama. Woho akɔ waamɛ mbele, nkɛtɛ kambolanyema efula kɛnɛ, kayɔlɔngɔswama oma le Jehowa dikambo dia wanɛ wawoka ngandji
5. Ntɛmɔla Jehowa toshaka lɔsɛnɔ lele l’oyango w’oshika
Mbeya oyango wele la lɔsɛnɔ koka tosha ɔngɛnɔngɛnɔ. Nyende VIDƐO, ndo oma laasɔ, nyɔkɛtshanya dimbola nɛ:
-
Ngande wakakondja Terumi wahɔ lo mbeya oyango wele la lɔsɛnɔ?
Nyadia Ondaki 12:13, ndo oma laasɔ, nyɔkɛtshanya dimbola nɛ:
-
Lam’ele Jehowa akatosalɛ akambo efula, ahombaso nsala lo wedi aso?
ONTO ƆMƆTSHI MBEYAKA KOMBOLA ƆNƐ: “Naa oyango wele la lɔsɛnɔ?”
-
Ngande wayoyokadimola?
LO TSHENA PE
Jehowa nangaka dia sho ngɛnangɛnaka la lɔsɛnɔ la kokele pondjo pondjo lanɛ la nkɛtɛ. Etena kɔtɛmɔlaso l’otema aso tshɛ, lɔsɛnɔ laso mongaka l’oyango w’oshika, kaanga oma ko kakianɛ.
Ovuswelo
-
Sangwelo diakɔna diaki la Jehowa l’etatelo lo dikambo diaki Adama l’Eva?
-
Ngande weyaso dia sangwelo diaki Nzambi lo dikambo di’anto diatatshikitana?
-
Ngande wakokayɛ monga la lɔsɛnɔ lele l’oyango w’oshika?
SALA EYANGELO
Tɔsɛdingole tolembetelo tɛnya di’ekambɔ k’Ɛdɛna aki dihole dia mɛtɛ.
Eka dia mbeya lande na kakokaso ndjashikikɛ dia nkɛtɛ kayotshikalaka pondjo pondjo.
Sɛdingola kɛnɛ kata Bible lo woho wakokayɛ monga la lɔsɛnɔ lele l’oyango.
Enda woho wakatane pami kɛmɔtshi kakafɔnyaka dia nde aki l’ɛngɔ tshɛ, ɛngɔ kɛmɔtshi kakinde komonga la tɔ lo lɔsɛnɔ lande.
a Lo wekelo wayela, wɛ ayɛna lande na keso bu la yoho ya lɔsɛnɔ la ngasɔ ɛlɔ kɛnɛ.
Enda ndo lo...
AMBOLA WALEKA ANTO NDJAOKA
Ngande wasalema wekelo wa Bible walɔmba Ɛmɛnyi wa Jehowa?
Lo ekongelo ka wekelo wa Bible k’ofele kalɔmba Ɛmɛnyi wa Jehowa, wɛ koka nkamba la ekadimwelo tshɛ ka Bible keyɛ la tɔ. Tengengake dia mbelɛ nkumbo k’otondo kana ɔngɛnyi ayɛ tshɛ dia mbɔtɔ kaamɛ la yɛ lo wekelo.
