CHIIYO 25
Leza Wakatulengelaanzi?
Bbayibbele lilazumina kuti buumi bwamuntu ‘mbwamazuba masyoonto alimwi bujisi mapenzi manji kapati.’ (Jobu 14:1) Eezi nzizyo nzyaakali kuyanda na Leza? Kuti kakuli teenzyaakali kuyanda, wakatulengelaanzi? Makanze ngalaawo atala andiswe ayoozuzikizigwa na? Atumvwe nzilyaamba Bbayibbele.
1. Jehova uyanda kuti tupone buumi bulibiyeni?
Jehova uyanda kuti tupone buumi bulikabotu. Chiindi Leza naakalenga bantu bakusaanguna, Adamu aEva, wakababikka mumuunda waEdeni wakali paradayizi. Kuzwa waawo, “Leza wakabalongezya akubaambila kuti: ‘Amuzyalane muvwule, muzuzye nyika akuyeendelezya.’” (Matalikilo 1:28) Jehova wakali kuyanda kuti babe aabana, bape kuti nyika yoonse ibe paradayizi akulangania banyama. Makanze aaLeza akali aakuti bantu boonse babotelwe mubuumi kukabe kutamani kabali aamibili iitakwe chibi.
Nikuba kuti eezi teezyakazoochitika, * pesi makanze aaLeza taanachincha pe. (Isaya 46:10, 11) Uchiyanda kuti bantu baswiilila bazoopone kukabe kutamani kabatachiswi.—Bala Ciyubunuzyo 21:3, 4.
2. Niinzi chikonzya kutugwasya kuti tubotelwe mubuumi lino?
Tulengedwe munzila yakuti tuyande “kusololelwa a Leza,” eezi zyaamba kuti tulaachiyandisyo chakumuziba akumukomba. (Bala Matayo 5:3-6.) Jehova uyanda kuti tube beenzinyina “akweenda munzila zyakwe zyoonse akumuyanda” akuti tumukombe “amoyo [wesu] woonse.” (Deuteronomo 10:12; Intembauzyo 25:14) Kuti twachita oobo, tunoobotelwa mubuumi nikuba katuswaanana aamapenzi. Kukomba Jehova kupa kuti tuzibe nchituponena.
YIYA ZYIINGI
Bona Jehova mbaakatondeezya kuti ulatuyanda chiindi naakali kulenga nyika anzilyaamba Jwi lyakwe atala akuti tuponenaanzi.
3. Jehova uyanda kuti bantu bapone buumi bulikabotu
Mweebele KAVIDIYO, mpawo musandule mubuzyo uutobela.
-
Leza wakayilengelaanzi nyika?
Bala Mukambausi 3:11, mpawo musandule mubuzyo uutobela:
-
Eezi zikuyiisyaanzi atala aJehova?
4. Makanze aaJehova taanachincha pe
Bala Intembauzyo 37:11, 29 a Isaya 55:11, mpawo musandule mubuzyo uutobela.
-
Tuzi biyeni kuti makanze aaJehova atala abantu taanachincha pe?
Ng’anda yazakala ilakonzya kubambululwa. Munzila iikozyenie, Leza uzooyibambulula lubo nyika eeyi yakanyonyooka kuchitila kuti aabo bamuyanda bazookkale
5. Kukomba Jehova kupa kuti tuzibe nchituponena
Kuziba kuti tuponenaanzi kupa kuti tubotelwe. Mweebele VIDIYO, mpawo musandule mubuzyo uutobela.
-
Kwakamugwasya biyeni Terumi kuziba nchaponena?
Bala Mukambausi 12:13, mpawo musandule mubuzyo uutobela:
-
Mbukunga Jehova wakatuchitila zintu zyiingi loko, niinzi nzitweelede kumuchitila?
UMWI ULAKONZYA KUKUBUZYA KUTI: “Tuponenaanzi?”
-
Ulamusandula kutyeni?
CHIFWIINSYO
Jehova uyanda kuti tupone kukabe kutamani katubotelwa aanyika. Kuti twakomba Jehova amoyo woonse, tulakonzya kubotelwa mubuumi lino kukabe kutamani.
Mibuzyo Yakwiindulula
-
Jehova wakali kuyanda kuti Adamu aEva bapone buumi bulibiyeni?
-
Tuzi biyeni kuti makanze aaLeza atala abantu taanachincha pe?
-
Niinzi chikonzya kukugwasya kuti ubotelwe mubuumi?
YANDUULISISYA
Bona bukamboni butondeezya kuti muunda waEdeni wakaliwo zyachoonzyo.
“Muunda waEdeni Wakaliwo Na Chachoonzyo?” (Ngaziyakulinda, January 1, 2011)
Bona chipa kuti tube aachoonzyo chakuti nyika inooliwo kukabe kutamani.
“Nyika Izoonyonyoonwa Na?” (Chiiyo chijanika aaIntaneti)
Bona nzilyaamba Bbayibbele atala ambukonzya kuziba nchuponena.
“Tuponenaanzi?” (Chiiyo chijanika aaIntaneti)
Bona umwi mwaalumi mbaakazoobona kuti kuli chimwi chintu nchaakatalikwaacho pe nikuba kuti wakalinotede.
^ Muchiiyo chitobela, uyooyiya kuti niinzi chakapa kuti tupone buumi mbutulikupona lino.
