25-ТӤ УРОК

Малы Инмар адямиосты кылдытӥз?

ЛЭЗЁНО

Библиын адямилэн улонэз сярысь тазьы верамын: «Адямилэн улон нуналэз вакчи, куректон-кайгуосын тырмемын» (Иов 14:1). Потэ-а вал Инмарлэн, милям сыӵе улонмы мед луоз шуыса? Уг поты вал ке, соку кыӵе малпанэз вал солэн? Быдэсмоз-а Инмарлэн малпанэз? Та юанъёслы Библия буйгатӥсь валэктонъёс сётэ.

1. Кыӵе улон сётэмез потэ Иеговалэн милемлы?

Иеговалэн потэ, ми шудо мед луомы шуыса. Куке со нырысетӥ адямиосты, Адамез но Еваез, кылдытӥз, со соосты рае улыны интыяз, чебер садэ, кудӥз Едем шуыса нимаське вал. Собере Инмар соосты бакель кариз но шуиз: «Йылэ, трос луэ, музъемез тырмытэ, сое киулады кутэ» (Улон-вылон 1:28). Иеговалэн потэ вал, адямиослэн нылпиоссы мед вордӥськозы, быдэс музъем рай мед луоз но адямиос пудо-животъёс сярысь мед сюлмаськозы шуыса. Инмарлэн потэ вал, вань адямиос тазалыкоесь мед луозы но пумтэм вапумъёс ӵоже мед улозы шуыса.

Туннэ улон ӧвӧл ке но сыӵе, кыӵеен Инмар сое малпаз, Инмар аслэсьтыз малпанзэ ӧз вошты (Исаия 46:10, 11) a. Солэн азьвыл сямен ик потэ, кылзӥськись адямиос шумпотыса самой умой интыын мед улозы шуыса. (Лыдӟе Усьтӥськонэз 21:3, 4.)

2. Мар кароно, улонмы шудо мед луоз шуыса?

Иегова милемыз кылдытӥз, милям со сярысь тодэммы но солы йыбыртъяммы мед потоз шуыса. (Лыдӟе Матфейлэсь 4:4; 5:4—6.) Инмарлэн потэ, ми солэн эшъёсыз мед луомы, солэн вань сюресъёсыз кузя мед ветломы, сое мед яратомы но вань лулынымы, вань сюлмынымы солы ужаса-тыршыса мед уломы шуыса (Кыкетӥ Закон 10:12; Иаков 2:23). Озьы гинэ милям улонмы, нокыӵе шуг-секытъёс шоры учкытэк, зэмзэ ик шудо луоз. Иеговалы йыбыртъяса, ми шудо луиськомы, малы ке шуоно Иеговалы йыбыртъян понна ик ми кылдытэмын вал.

МУРГЕС ЭСКЕРЕ

Тодэ, макем бадӟым яратонзэ Иегова возьматӥз, куке музъемез милемлы улон понна дасяз. Озьы ик тодэ, мар верамын солэн Кылаз со сярысь, малы ми улӥськомы.

3. Иеговалэн потэ, адямиослэн туж умой улонзы мед луоз шуыса

Учке ВИДЕОРОЛИКЕЗ но та юанлы валэктон сётэ:

ВИДЕОРОЛИК: «Малы Инмар музъемез кылдытӥз?» (люкетэз) (1:41)

Малы Инмар Музъемез кылдытӥз?

Библия вера, Иегова «адямиослэн сюлмазы пумтэм вапумъёс улыны мылкыд понӥз» шуыса (Екклесиаст 3:11, ВД). Валэктэ:

Кызьы та кылбур возьматэ, кыӵе малпанэз Иеговалэн адямиос пумысен?

4. Иеговалэн малпанэз ӧз воштӥськы

Лыдӟе Псалтирез 36:11, 29 но Исаиялэсь 55:11 но та юанлы валэктон сётэ:

Кытысь ми тодӥськомы, Иеговалэн адямиос пумысен малпанэз ӧз воштӥськы шуыса?

Куашкам калэ вуэм юртэз тупатыны луэ. Музъем но, кудзэ адямиос кырсёмытӥзы, чылкытатэмын луоз. Инмар сое чылкыт кароз но кылзӥськись адямиослы сётоз

5. Иеговалы ужан-тыршон улонэз шудо каре

Куке тодӥськод, малы улӥськод, улон шудо луэ. Учке ВИДЕОРОЛИКЕЗ но та юанлы валэктон сётэ:

ВИДЕОРОЛИК: «Мон валай, малы ми улӥськомы» (5:03)

Кызьы Терумилэн улонэз воштӥськиз, куке со тодӥз, малы адямиос уло?

Лыдӟе Екклесиастэз 12:13 но та юанлы валэктон сётэ:

Кызьы Иеговалы тау карыны луоз ваньмыз понна, мар со милемлы лэсьтӥз?

КИН КЕ НО ЮАНЫ БЫГАТОЗ: «Малы ми улӥськомы?»

Мар тӥ верасалды?

ТОДЭ ВАЁН

Иеговалэн потэ, ми пумтэм вапумъёс ӵоже музъем вылын шумпотыса мед уломы шуыса. Ми Иеговалы лулысь-сюлмысь йыбыртъямы ке, ми али ик ини шумпотыса улыны быгатомы.