ბიბლია მირაგადნა, ნამდა ადამიანეფიშ ცხოვრება პრობლემეფით ეფშა რე დო ხეთეშე ითებ (იობი 14:1). თეცალ ცხოვრება ოკონო ღორონთის ჩქინო? თაშ ვარენ-და, იმწკუმა მუ განზრახვა უღჷ თის? დღას შისრულებნო თიშ განზრახვა? მორთ ქობძირათ, მუ გურიშემაკინალ პასუხეფს მარზენა ბიბლია.

1. მუნერ ცხოვრება ოკო იეჰოვას ჩქინო?

იეჰოვას ოკო, მიღდან ჯგირ ცხოვრება. მუჟამსით თიქ პირველ ადამიანეფ, ადამ დო ევა, გაჭყჷ, თინეფ ქუდახორუ სამოთხეს, ედემიშ ბაღის. უკულ «აკურთხჷ ღორონთიქ თინეფ დო უწუ თინეფს: „ინაყოფიერით, გემრავლით, გეიოფშით დედამიწა“» (დაბადება 1:28). იეჰოვას ოკოდ, თინეფს ჸუნდესკო სქუალეფ, მთელ დედამიწა სამოთხეთ გეგნართინუესკო დო ქიზრუნესკო ცხოველეფშე. ღორონთიშ განზრახვა რდჷ, არძაქ გეხარკო სრულყოფილ ჯამრთელობათ დო მარადიულ ცხოვრებათ.

მართალ რე, ამდღა თეცალ ცხოვრება ვა მიღნა, a მარა თიშ განზრახვა იშენით ვათირე (ესაია 46:10, 11). თიშ სურვილ რე, მორჩილ ადამიანეფქ სრულყოფილ პირობეფს მარადიულო იცხოვრან (წეკითხით გამოცხადებაშ 21:3, 4).

2. მუჭო შემლებნა, მიღდან აზრიან ცხოვრება ამდღა?

იეჰოვას თეშ ვაფუთ გოჭყაფილ, ნამდა მიღნა სულიერ მოთხოვნილებეფ, შხვა სიტყვეფით ქოფთქუათინ, სურვილ იფჩინენდათ დო ვემსახურათ თის (წეკითხით მათეშ 5:3—6). ღორონთის ოკო, თიშ მეგობრეფ ვორდათ, გილაფრთათ თიშ შარათ, მიჸორდან თინა დო ვემსახურათ „მთელ გურით“ (კანონი 10:12; ფსალმუნი 25:14). თაშ ქიმიფქციებუთ-და, პრობლემეფიშ უმკუჯინუო, შემალებენა, ვორდათ ნამდვილო ბედნერეფ. იეჰოვაშ თაყვანიშცემა ჩქინ ცხოვრებას აზრის არზენს, მუშენდა ფცხოვრენთ თეშ, მუჭოთ თის მოწონს.

 4. იეჰოვაშ განზრახვა ვათირე

წეკითხით ფსალმუნიშ 37:11, 29 დო ესაიაშ 55:11 დო უკულ გარჩით თუდო მოჩამილ კითხვა:

• სოვრეშე მიჩქნა, ნამდა ჩქინწკუმა დაკავშირებულ იეჰოვაშ განზრახვა ვათირე?

5. იეჰოვაშ თაყვანიშცემა ჩქინ ცხოვრებას აზრის არზენს

დასკვნა

იეჰოვას ოკო, გეფხარათ მარადიულ ცხოვრებათ დედამიწას, სოდეთ სრულყოფილ პირობეფ იჸუაფ. ღორონთის თაყვანს მთელ გურით ქოფცენთ-და, ამდღა ხოლო მაღვენუნა აზრიან ცხოვრება.

გამეორებელ კითხვეფ

• მუ განზრახვა უღუდ ღორონთის ადამ დო ევაწკუმა დაკავშირებით?

• სოვრეშე მიჩქნა, ნამდა ღორონთიშ განზრახვა ადამიანეფწკუმა დაკავშირებით ვათირე?

• მუჭო შეილებნა დოგორათ ცხოვრებაშ აზრ?