ZƐŊ-LƐƐI 25

Le Ɓa Ɣala Kpɛtɛ-mɛni E Pilaŋ Kua?

ŊƆPÊLE KƐ

Ŋala-kɔlɔi e mo nyɛɛ nuu-kpune ‘ŋɔfulu-laai kpuaai, naa fɛɛ a mɛni-kpɔlu.’ (Zoo 14:1) I laai la nyiŋi ɓe Ɣala a ŋwɛlii kumɛni ma? A kɛ bere fei gaa la, gɛ ni le ɓa gbɛtɛ-mɛni e pilaŋ kua? A pai wɔlɔ gbɛtɛ-mɛni ŋaa-see kɛi? Berei kaa Ŋala-kɔlɔi e mare-kɛɛ-ŋai ŋi sukula la a ŋaa-nɛnɛ perei.

1. Kɛ-ɣeniɛ kɛɛ leŋ ɓe Ziova a ŋwɛlii kumɛni ma?

Ziova a ŋwɛlii a kɛ-ɣeniɛ lɛlɛɛ kumɛni ma. Tãi e nuu-kpunei maa-ŋuŋ Adaŋ da Ii kpɛtɛ lai, e di pu paredai Idɛŋ suai su, nyii kɛ a kwaa ma lɛlɛɛi. Gɛ ni Ɣala “e luwa laa dia nyɛɛ diai, ‘Ka ɓuu ɓo, ka nɔii laa fɛɛ ka kɛ mɛi.’” (Zɛnɛse 1:28) Ziova e kɛ ŋwɛlii a gɛɛ di nĩa-pɛlɛɛ maa sɔlɔ ɓo, di nɔii gwaa kelee kɛ a paredai, di zua-ŋai mɛi kaa. E kɛ a gbɛtɛ-mɛni a gɛɛ nuu kelee e kɛ kɔlɔi-pono su, di kɛ-ɣeniɛ ŋaa-nɛ̃ɛ kula wɔlɔ-wɔlɔ da wɔlɔ-wɔlɔ.

Berei maŋ mɛni-ŋai ŋi ŋaa-see fe kɛ ni lai, Ɣala kpɛtɛ-mɛni maa fe nii faleŋ ni. a (Azaya 46:10, 11) Gaa nii ŋwɛlii a gɛɛ woo-mɛni-ɓela di kɛ ɣeniɛ wɔlɔ-wɔlɔ da wɔlɔ-wɔlɔ lii-nɛ̃ɛ su.—Mɛni-lɛɛi 21:3, 4 lono.

2. Kwa pɔri Kɛ-ɣeniɛ ŋaa-nɛ̃ɛ kulai leŋ lonii ma?

Ziova e ku kpɛtɛ a gili-ŋa siai nyii a gɛ kukɛ ŋwɛli a gɛɛ e kuteniŋ tɔɔ. Nyiŋi ɓe gɛ kwa ŋwɛli a gɛɛ ku gɔlɔŋ, ku vɛli. (Maafiu 4:4; 5:3-6 lono.) A ŋwɛlii a gɛɛ ku laoi-laa su kpanaŋɔɔ kɛ a nyaa, ‘ku tua yɛɛ berei a ŋwɛlii lai, ku ŋwɛli,’ ku vɛli a ‘kulii kelee’. (Dutɛrɔnome 10:12; Ŋule-wooi 25:14) Kwa nyiti kɛ, kwa pai tɔ̃ya lii-nɛ̃ɛ sɔlɔ ɓoi a nɛ̃ɛ maŋ kukɛ mɛni-kpɔlu-ŋa su. Ziova fɛliɛ a kukɛ-ɣeniɛi ŋuŋ kɛ ma.

MƐNI TAMAA MAA-KƆRI

Mɛni maa-kɔri e pilaŋ ŋwɛli-kɛ-maa kɛtɛi ma Ziova e nɛ kua a nɔii kpɛtɛɛ da mɛnii Ŋala-kɔlɔi e mo e pilaŋ Ɣala kpɛtɛ-mɛni ma nyii bilaŋɔi fulu-laa ma.

3. Ziova a ŋwɛlii nuu-kpune e kɛ-ɣeniɛ lɛlɛɛ ŋaa-nɛ̃ɛ kula

VILOI su kaa, gɛ ni ka lono e pilaŋ mare-kɛɛ ŋi ma.

VILOI: Ɣala E Nɔii Kpɛtɛ Le Mɛni Ma?—Gbua Loŋ (1:41)

Ɣala e nɔii lɛlɛɛ ŋi kpɛtɛ le mɛni ma?

Ikilisiati 3:11 (NWT) lono, gɛ ni ka lono e pilaŋ mare-kɛɛ ŋi ma:

Le ɓe nyiŋi a nɛ ya e pilaŋ Ziova kpɛtɛ-mɛni ma e pilaŋ kua?

4. Ziova kpɛtɛ-mɛni maa fe nii faleŋ ni

Ŋule-wooi 37:11, 29 da Azaya 55:11 lono, gɛ ni ka lono e pilaŋ mare-kɛɛ ŋi ma:

Ku gɔlɔŋ leŋ a gɛɛ Ziova kpɛtɛ-mɛni maa fe nii faleŋ ni kumɛni ma?

Da pɔri pɛrɛ nyii aa karai kpɛtɛi polu. Berei sii tɔnɔi ti su, Ɣala a pai nɔii nyii nuu-kpune aa garai, kpɛtɛi polu ŋɔwɛli-kɛ-maa-ɓelai mɛni ma

5. Ziova fɛliɛ a kukɛ-ɣeniɛi ŋuŋ kɛ ma

Ɣala kpɛtɛ-mɛni kɔlɔŋɔɔ e pilaŋ kɛ-ɣeniɛ ma a pa a lii-nɛ̃ɛ kupɔ. VILOI su kaa, gɛ ni ka lono e pilaŋ mare-kɛɛ ŋi ma.

VILOI: Ŋa Gɔlɔŋ A Gɛɛ Kɛ-ɣeniɛ Ŋuŋ Kaa Ma (5:03)

Mɛni lɛlɛɛ kɛɛ leŋ ɓe Terumi e zɔlɔ ɓo gɛɛ aa Ɣala kpɛtɛ-mɛni kɔlɔŋ e pilaŋ kɛ-ɣeniɛ ma?

Ikilisiati 12:13 lono, gɛ ni ka lono e pilaŋ mare-kɛɛ ŋi ma:

Ee Ziova aa mɛni lɛlɛɛ tamaa kɛ kumɛni mai, le ɓe maa nɛ̃ɛi kua maŋ ku gɛ?

NUU TA A PƆRI I MARE KƐI: “Le ɓa Ɣala kpɛtɛ-mɛni e pilaŋ kua?”

Ya pɔri mare-kɛɛ ŋi sukulai leŋ?

MƐNI-ŊUŊ-ŊAI YAA MAA-KƆRII

Ziova a ŋwɛlii a gɛɛ ku kɛ-ɣeniɛ ŋaa-nɛ̃ɛ kula nɔii ma wɔlɔ-wɔlɔ da wɔlɔ-wɔlɔ kɔlɔi pono su. Kwa vɛli a kulii kelee, kukɛ-ɣeniɛi ŋuŋ a pai kɛi ma lonii ma.