DILONGI 25
Lukanu Mbi Nzambi Kadi Mu Batu?
Kibibila kimmonisa ti luzingu lu batu luidi beni ‘ziphasi ayi luidi lukhufi’. (Yobi 14:1) Bukiedika ti phila luzingu alolo luawu Nzambi kantomba mu batu? Boti ndamba, buna lukanu mbi Nzambi kadi mu batu? Bukiedika ti mawu mala salama? Wunkuiza yangalala beni kuzaba mimvutu Kibibila kimvana matedi biuvu abiobio.
1. Phila luzingu mbi Yave kantomba mu batu?
Yave kantomba tuba luzingu lu mayangi. Bo kavanga Adami ayi Eva batu batheti, nandi wuba tula ku lumbu bantedilanga Edeni. Bosi “Nzambi wuba sakumuna ayi wuba kamba: ‘Butanu bana, wesanu ntoto ayi yadilanu wawu.’” (Ngenesi 1:28) Yave waba tomba bawu babuta bana, bakieba bibulu ayi bakitula ntoto woso paladizu. Lukanu lu Yave luba: batu boso babaka buvinya bumboti ayi bazinga mvu ka mvu.
Kheti tuzingilanga ko mu phila Nzambi kabe tombila, a vayi lukanu luandi mu befu lusa baluka ko. (Yesaya 46:10, 11) Nandi wukhidi tomba muingi batu ba kuntumukinanga baba bavedila mu zinyitu ayi mu mayindu.—Tanga Nzaikusu 21:3, 4.
2. Buidi tulenda bakila luzingu lu mayangi bubu?
Yave wu tuvanga na “zitsatu zi kiphevi,” voti na tsatu yi kunzaba ayi kumbuongimina. (Tanga Matai 5:3-6.) Nandi kantomba tuba yandi kikundi kifikama, “tutatamana kutumukina minsiku miandi, tunzola” ayi tunsadila “mu ntim’itu woso.” (Deutelonomi 10:12; Minkunga 25:14) Befu kuvanga mawu, tunkuiza baka mayangi makiedika kheti bo tumviokila mu mambu maphasi. Kubuongimina Yave, kumvanganga luzingu luitu luba tsundu.
BUELA LONGUKA
Longuka buidi Yave kamonisina luzolo bo kavanga ntoto muingi befu tuzingila. Longuka mvandi, mbi Kibibila kitulonga matedi tsundu yi luzingu.
3. Yave wuntomba muingi tubaka luzingu lumboti
Tala VIDEO, Bosi tubilanu kiuvu kinlanda.
-
Kibila mbi Yave kavangila ntoto?
Tanga Mpovi 3:11, bosi tubilanu kiuvu kinlanda:
-
Mbi ngie belonguka matedi Yave mu lutangu alulu?
4. Lukanu Yave kadi mu befu lusa baluka ko
Tanga Minkunga 37:11, 29 ayi Yesaya 55:11, bosi tubilanu kiuvu kinlanda:
-
Buidi tuzabidi ti lukanu lu Nzambi mu befu lusa baluka ko?
5. Kubuongimina Yave kuntuadisanga mayangi makiedika mu luzingu
Kuzaba tsundu yi luzingu kuntuadisanga mayangi makiedika. Tala VIDEO, bosi tubilanu kiuvu kinlanda.
-
Buidi luzingu lu Terumi lubalukila bo kalonguka tsundu yi luzingu?
Tanga Mpovi 12:13, bosi tubilanu kiuvu kinlanda:
-
Mu kuzaba ti, Yave wumonisa luzolo luandi mu befu mu kutuvana biuma biwombo, buidi befu mvitu tulenda monisina luzolo tuidi mu Nandi?
ABU MUTU NA KUKUVULA: “Luzingu luidi tsundu?”
-
Mvutu mbi wulenda vana?
MBI NGIE BELONGUKA
Yave wuntomba tuzinga mvu ka mvu mu mayangi ayi tubaka zinyitu ayi mayindu mavedila. Bo tumbuongimina Yave mu ntim’itu woso, tunluta bakanga mayangi mu luzingu.
Vutukila Mambu Mamfunu
-
Phila luzingu mbi Yave kaba tomba Adami ayi Eva babaka?
-
Buidi tuzabidi ti lukanu Yave kadi mu batu lusa baluka ko?
-
Buidi luzingu luaku lulenda bela tsundu?
TALA MAMBU MANKAKA
Mona bivisa bimmonisa ti lumbu lu Edeni luba va ntoto.
“O jardim do Éden—mito ou fato?” (A Sentinela, 1 de Janeiro de 2011)
Mona kibila mbi tulenda bela lufiatu ti ntoto wala kadidila.
Tala mbi Kibibila kintuba matedi tsundu yi luzingu.
Mona buidi dibakala dimueka waba yindulanga ti wuba biabioso mu luzingu kabakudila tsundu yi luzingu.
a Mu dilongi dinlanda, tunkuiza mona mbi bivanga lukanu lu Yave lubika salama.