UMBUESÁ 25

Maã Deus uputari yandé arama?

UYUPIRŨ

Bíblia umbeu yané vida yatuka asuí yayuka yané piá siya maã resé. (Jó 14:1) Será Deus uputari yaviveri kuayé? Maã Deus uputari kuera umuñhã ramé miraitá? Será maã Deus uputari usú uyumuñhã? Indé resú regustari rekuá maã Bíblia umbeuwaá kuá resé.

1. Mayé Jeová uputari yaviveri arama?

Jeová uputari yaviveri puranga retana. Mairamé umuñhã kuá iwí, aé uxari Adão asuí Eva yepé paraíso upé iserawaá Éden. Ariré, “Deus uabençoari aintá asuí Deus uñheẽ aintá supé: ‘perikú siya peraíraitá asuí pemuteresemu kuá iwí miraitá irum asuí pemuñhakunta iwí resé’”. (Gênesi 1:28) Jeová uputari aintá ta urikúma kuera ta raíraitá, ta umuñhakunta arama kuá iwí até upitá pawa yepé paraíso asuí ta umuñhakunta arama suúitá resé. Deus uputari pañhe miraitá ta urikú saúde puranga asuí ta uviveri pañhe ara.

Yandé yakuá ti usasá mayé Deus uputarima kuera. a (Remaã kuá nota.) Ma Deus ti utrocari maã uputariwaá. (Izaía 46:10, 11) Deus uputariré miraitá usenduwaitá aé ta uviveri arama pañhe ara asuí ta urikú yepé vida puranga asuí masiíma. — Releri Apokalipse 21:3, 4.

2. Mayé yapoderi yaviveri surí kuírité?

Jeová umuñhã yandé ‘yamanduári arama pirasua yandé yané piá upé’. Kuá uputari umbeu yaprecisari yakuá Deus resé asuí yadorari aé. (Releri Mateu 5:3-6.) Aé uputari yarikú yepé amizade kirimbá irum, asuí ‘yawatawara sapé rupí’, yasaisú aé asuí yamuñhã ivontade ‘pañhe yané piá suí’. (Deuteronômio 10:12; Salmuitá 25:14) Yamuñha ramé kuayé yasú yaikú surí supí, até yasasá ramé iwasuwaá rupí. Yadorari ramé Jeová yarikú yepé vida puranga piri.

REYUMBUÉ PIRI ARAMA

Remaã mayé Jeová uxari yakuá usaisuwaá yandé umuñhã ramé kuá iwí yandé arama. Remaã yuíri maã Bíblia umbué kuá resé: marã taá yaviveri.

3. Jeová uputari miraitá ta urikú yepé vida purangawaá

Pemaã kuá VÍDEO. Ariré pekuntari kuá resé:

VÍDEO: Marã Deus umuñhã kuá iwí? — Yepé parte (1:41)

Marã Deus umuñhã kuá iwí purangawaá?

Peleri Eclesiaste 3:11. Ariré pekuntari kuá resé:

Muíri tempo Jeová uputari yaviveri arama? Maã yayumbué Deus umuñhã resewara yandé kuayé?

4. Jeová ti utrocari maã uputari yandé arama

Peleri Salmuitá 37:11, 29 asuí Izaía 55:11. Ariré pekuntari kuá resé:

Mayé yakuá ti uyutrocari maã Jeová uputari yandé arama?

Yapoderi yamukaturu yepé uka ta umuaíwawaá. Yaweté yuíri, Jeová usú kurí umukaturu kuá iwí miraitá ta umuaíwawaá ta uikú, uviveri arama iké añhũ usenduwaitá aé.

5. Yadorari ramé Jeová yarikú yepé vida puranga piri

Yakuá ramé marã yaviveri umusurí yandé. Pemaã kuá VÍDEO. Ariré pekuntari kuá resé:

VÍDEO: Kuíri akuá marã taá aviveri (5:03)

Mayé Terumi vida utrocari uyumbué ramé marã taá yaviveri?

Peleri Eclesiaste 12:13. Ariré pekuntari kuá resé:

Yakuá ramé pañhe maã Jeová umuñhãwaá yané rupí, maã yarikuté yamuñhã?

SÁ YEPÉ MIRA UPURANDÚ KUAYÉ: “Marã taá yaviveri?”

Mayé resuaxara?

MAÃ REYUMBUÉ

Jeová uputari yaviveri arama pañhe ara asuí yarikú yepé vida puranga asuí masiíma. Mairamé yadorari Jeová pañhe yané piá suí, yané vida upitá puranga piri kuírité.