TIMEƔRI TIS 26

Acuɣer i geqwa cceṛ yerna ayɣer i tmeḥḥinen lɛibad?

SEL S

M’ara d-teɣli fell-aneɣ twaɣit, asteqsi ahat amezwaru i d-iţɛeddin di lbal-nneɣ d wagi: “Acuɣer i ɣ-d-yeḍra waya?”. Ccwi kan Adlis Iqedsen yeţǧawab-ed akken ilaq ɣef westeqsi-yagi.

1. Amek i d-yebda cceṛ di ddunit?

Cciṭan iɛuṣa Ṛebbi. Seg wakken yebɣa ad yeḥkem, idemmer Adam d Ḥewwa, argaz amezwaru ţ-ţmeṭṭut tamezwarut, ad ɛaṣin Ṛebbi ula d nutni. Akken ad yessiweḍ ɣer lebɣi-s, yeskaddeb-as i Ḥewwa (Laṣel n ddunit 3:1-5). Yessamen-iţ belli Yahwa iḥeṛṛem-iţ si lḥaǧa yelhan. Amzun yenna-d belli imdanen ad feṛḥen akteṛ m’ur s-ţţaɣen ara awal i Yahwa. Iger-ed lekdeb akk amezwaru di ddunit mi s-yenna i Ḥewwa belli ur teţmeţţat ara. Ɣef wayagi i s-isemma Wedlis Iqedsen i Cciṭan “akeddab yerna d baba-s n lekdeb” (Yuḥenna 8:44).

2. D acu i xtaṛen a t-xedmen Adam d Ḥewwa?

Yahwa ur icuḥ ara deg wayen i sen-yefka i Adam d Ḥewwa. Yeǧǧa-ten ad ččen si lfakya i d-ţţakent ttjuṛ meṛṛa yellan di leǧnan n Ɛidin, siwa yiwet n ttejṛa i sen-iḥeṛṛem (Laṣel n ddunit 2:15-17). Meɛna nutni ɛuṣan-t. Ḥewwa ‘tekkes-ed si lfakya n ttejṛa-nni, tečča’. Mbeɛd, Adam daɣen “ičča seg-s” (Laṣel n ddunit 3:6). Adam d Ḥewwa llan kemlen, yeshel ihi fell-asen ad xedmen ayen yelhan. Meɛna, imi i xtaṛen ad ɛaṣin Ṛebbi, uɣalen denben yerna beggnen-d belli ur bɣin ara a ten-yeḥkem. Ihi, imi i xtaṛen a t-ɛaṣin, ayagi yewwi-yasen-d aṭas n lemḥayen (Laṣel n ddunit 3:16-19).

3. D acu i ɣ-d-yewwi wayen i xtaṛen Adam d Ḥewwa?

Imi i denben Adam d Ḥewwa, uɣalen ur kmilen ara. Ikcem-iten lexṣaṣ yerna ssenṭḍen lexṣaṣ-agi i dderya-nsen. Adlis Iqedsen yenna-d ɣef Adam: “Akken i d-ikcem ddnub ɣer ddunit s yiwen n wemdan, i d-tekcem lmut s ddnub, akken daɣen, lmut tḥuza imdanen meṛṛa” (Iṛumaniyen 5:12).

Acuɣer i neţsufri? Tikwal neţsufri m’ara neṭṭef ṛṛay n diri, neɣ m’ara yeṭṭef walbeɛḍ nniḍen ṛṛay n diri. Tikwal daɣen neţsufri axaṭer neţţaf-ed iman-nneɣ deg yir amkan, deg yir taswiɛt (ɣer-ed Amusnaw 9:11).

A NNADI A NEFHEM AKTEṚ

A nwali acuɣer mačči d Ṛebbi i d ssebba n lemḥayen yellan ass-agi, a nwali daɣen d acu i geţḥussu m’ara yeţwali lɛibad ţsufrin.

4. Win yellan d ssebba n lemḥayen-nneɣ

Aṭas n lɣaci i geţţamnen belli d Ṛebbi i gḥekmen ddunit. Meɛna, d ṣṣeḥ wayagi? Walit BIDYU-YAGI.

BIDYU: Anwa i gḥekmen ddunit? (1:24)

Ɣret-ed Yeɛqub 1:13 akk-d 1 Yuḥenna 5:19, mbeɛd hedṛet ɣef westeqsi-yagi:

D Ṛebbi i d ssebba n lemḥayen akk-d cceṛ?

5. Ayen i d-yewwi leḥkem n Cciṭan

Walit BIDYU-YAGI.

BIDYU: Acuɣer i gɛemmed Ṛebbi ad ilint lemḥayen? (aḥric) (3:07)

Ɣret-ed Laṣel n ddunit 3:1-6, mbeɛd hedṛet ɣef yesteqsiyen-agi:

D acu-t lekdeb i d-iger Cciṭan? (walit ifyar 4 akk-d 5).
Amek i d-ibeggen Cciṭan s wayen i d-yenna belli amzun Yahwa iḥeṛṛem lḥaǧa yelhan i lɛibad?
Ɛlaḥsab n Cciṭan, ḥwaǧen lɛibad leḥkem n Yahwa akken ad ɛicen di lfeṛḥ?

Ɣret-ed Amusnaw 8:9, mbeɛd hedṛet ɣef westeqsi-yagi:

D acu i gḍerrun di ddunit seg wasmi i d-beggnen lɛibad belli ur qbilen ara leḥkem n Yahwa?

Adam d Ḥewwa llan kemlen yerna ţɛicin di lǧennet. Meɛna, ḥessen-as i Cciṭan dɣa ɛuṣan Yahwa.
Mbeɛd lmeɛṣeyya n Adam d Ḥewwa, ddnub, lemḥayen akk-d lmut ḥuzan ddunit meṛṛa.
Yahwa ad yekkes ddnub, lemḥayen akk-d lmut. Lɛibad ad uɣalen kemlen yerna ad ɛicen di lǧennet.

6. M’ara netmeḥḥin, neţɣiḍ Yahwa

Eɛni Ṛebbi ur s-d-tewqiɛ ara lmeɛna m’ara netmeḥḥin? Walit d acu i d-yenna ugellid Dawed akk-d wemceggeɛ Buṭrus. Ɣret-ed Ahellil 31:8 akk-d 1 Buṭrus 5:7, mbeɛd hedṛet ɣef westeqsi-yagi:

D acu i teţḥussuḍ imi i teẓriḍ belli Ṛebbi yeţwali-d lemḥayen-nneɣ yerna yeţḥebbiṛ fell-aneɣ?

7. Ṛebbi ad yekkes akk lemḥayen

Ɣret-ed Icɛaya 65:17 akk-d Uweḥḥi 21:3, 4, mbeɛd hedṛet ɣef westeqsi-yagi:

Yahwa ad yekkes ayen akk swayes i d-glant lemḥayen i geţɛeddin fell-aneɣ. Acuɣer i ɣ-yeţṣebbir wayagi?

Tɛelmeḍ?

Asmi d-yenna Cciṭan lekdeb-ines amezwaru, iger-ed lbaṭel ɣef Yahwa. Lmeɛna-s yessemsex isem n Yahwa imi i t-yeḥseb d aneḥkam amesbaṭli yerna ur yesɛi ara leḥmala. Yahwa ur yeţɛeṭṭil ara ad yekkes akk lemḥayen. Asm’ara tent-yekkes, a d-ibeggen belli ulac aneḥkam i t-yecban. Ulac tamsalt yesɛan azal akteṛ n tin yeɛnan tezdeg n yisem n Yahwa (Matta 6:9, 10).

KRA QQAREN: “M’ara neţsufri, d Ṛebbi i ɣ-yeţjeṛṛiben.”

D acu ara s-tǧawbeḍ?

AYEN I D-NELMED

D Cciṭan Iblis akk-d Adam d Ḥewwa i d ssebba tamezwarut n lemḥayen i gḍerrun di ddunit. Yahwa yeţḥebbiṛ aṭas fell-aneɣ, yerna ur yeţɛeṭṭil ara ad yekkes akk lemḥayen-nneɣ.