26 YACHANA PARTI
Imahuata ashca turmintuguna tian
Ashca turmintuguna tiacta ricusha, runaguna tapurinaun: “Imahuata casna turmintarisha causanchi”. Bibliaga caimanda pasacta yachachin.
1. Supaiga cai munduibi turmintuguna tiachun nisha imatata rara
Supai Satanasca, Diospa contra tucura. Paiga, shuccunata mandanata munashami, Adanda Evatahuas pandachira, paiguna Diospa contra tucunauchun nisha. Pai munashcata rangahua Evata llullara (Genesis 3:1-5). Jehovami cangunata ali cosascunata mana cunata munan nisha quirichira. Diosta mana casushaga, mas cushimi causanguichi nira. Satanasca, Evata mana huañunguichu nisha, pundami llullaura. Chiraicu, Bibliaga nin, “paimandami, llullaga callarira, cunangama paiga llulla man” (Juan 8:44).
2. Adan y Eva imatata ranaura
Jehovaga, ali shunguyuc ashcamanda, Adanda Evata ashcata cumbirara. Jardin de Edenbi tiac ruyagunamandami, micunalla manguichi nira. Chasna acpihuas, shuc ruyamandalla ama micunguichichu nira (Genesis 2:15-17). Diosta casuna randiga, chi ruyamandallatami micunaura. Evaga, “chi muyuta apishami, micungahua callarira”. Huasha, Adanbas “chi muyuta micura” (Genesis 3:6). Chita rasha, ishcandi Diosta mana casunaura. Adan y Evaga ucha illac ashami, alita rasha Diosta tucuibi casuna anaura. Chasna ashahuas, paiguna munashcata rasha, Diosta mana casunaura. Uchaibi urmasha, Dios mandanamanda caruyanaura. Paiguna chasna rashcamandami, ashcata turmintarinaura (Genesis 3:16-19).
3. Adan y Eva, Diosta mana casushcamanda imasata causaunchi
Adan y Eva Diosta mana casushcamanda, uchayuc tucunaura. Huasha, paigunamanda miraigunahuas uchayuc tucunaura. Adanmanda, Bibliaga caitami nin: “Callari uras cai pachama uchaga shuc runamandallami shamura, chi uchamanda huañunahuas callarira. Chi urasmanda cunangama tucui runaguna uchata rashcamanda huañunchi” (Romanos 5:12).
Chasna ashaga, imahuata turmintarinchi. Imasaibiga, mana aligunatachu ranchi. Chasnallata, shuccuna mana alita rashcamanda turmintarinchi. Chimandas, shuc uras ima tucunata mana yachashcamanda, imasaibi cungaimanda susirisha turmintarinchi (Santiago 4:13, 14ta leipai).
CAIMANDA MASTA YACHAI
Mundu intiruibi turmintu tiashcamanda, Dios mana culpata charishcata ricushun. Paiga ñucanchi turmintarishcata ricusha, imashina sintirishcata yachashun.
4. Ñucanchi turmintarishcamanda pita culpata charin
Ashca runaguna casna yuyanaun: Diosmi cai munduta mandaun nisha. Chiga sirtu chan. VIDEOTA ricuichi.
Lamentaciones 3:33 y 1 Juan 5:19ta leichi, huasha cai tapuimanda cuintanacuichi:
-
Turmintuguna tiashcamanda Dioschu culpayuc an.
5. Supai cai munduta mandashcamanda runaguna imashinata causanaun
Genesis 3:1-6ta leichi, huasha cai tapuigunamanda cuintanacuichi:
-
Supaiga imashinata llullara (Versiculo 4 y 5ta ricuichi).
-
Supaiga imashinata Jehova runagunata ali cosascunata mana cunata munan nisha quirichira.
-
Supai intindichishca shina, runaguna cushi causangahua Diospa gobiernotachu minishtinaun.
Eclesiastes 8:9ta leichi, huasha cai tapuimanda cuintanacuichi:
-
Cunan punzhagunai Jehova cai munduta mana mandashcamanda, runaguna imashinata causanaun.
-
Adan y Evaga ucha illac ashami, Jardin de Edenbi causanaura. Chasna ashahuas, Supai nishcata casusha, Jehovahua contra tucunaura.
-
Adan y Eva Dios nishcata mana casushcamanda, uchaga cai munduma yaicura. Chi uchamanda, turmintarisha huañuna callarira.
-
Jehovaga, uchata, turmintarinata, huañunata tucuchinga. Runagunaga ucha illac tucusha, gustu Paraiso Allpaibi causangauna.
6. Jehovaga ñucanchi turmintarishcata ricusha yapacta llaquirin
Jehovaga ñucanchi llaquirishcata ricusha, manachu llaquirin. Rey David y Apostol Pablo quillcashcata ricuichi. Salmo 31:7 y 2 Corintios 1:3ta leichi, huasha cai tapuimanda cuintanacuichi:
-
Jehova ñucanchi turmintarishcata ricusha yapacta llaquirin. Chita yachashaga imashinata sintiringui.
7. Jehovaga tucui runaguna turmintarinata tucuchinga
Apocalipsis 21:3, 4ta leichi, huasha cai tapuimanda cuintanacuichi:
-
Jehovaga huin runaguna turmintarinata tucuchisha, tucui huaglichishcata alichisha mushucta ranga. Dios cusha nishcata yachashaga, cushichu sintiringui. Imahua.
Yacharanguichu
Supaiga punda llullashami, Jehovata mana alita saquichingahua llullara. Mana ali mandac chan nisha intindichira. Pai mana sirtuta rimashcamanda, Jehovahua shutita mana alita saquichira. Jehovaga ñallami runaguna turmintarinagunata tucuchisha, paiba shutita atunyachinga. Chasna rashami, Jehovaga shuc gobiernogunamandas mas ali mandac ashcata ricuchinga. Intiru munduibi Jehovahua shutita ahuayachina mas balishca an (Mateo 6:9, 10).
MAICANGUNAGA CASNAMI NINAUN: “Diosmi turmintachitucunchi”.
-
Canga imata ninguima.
IMATA YACHASHCANGUI
Supai, Adan, Evaga mundu intiruibi turmintu causai tiashcamanda culpayuc manaun. Jehovaga ñucanchi turmintarishcata ricusha yapacta llaquirin. Ñallami turmintarinata tucuchinga.
Yachashcata cuintai
-
Supaiga Evata ima llullatata nira.
-
Adan y Eva Dios nishcata mana casushcamanda, imashinata causaunchi.
-
Imahuata Jehova ñucanchi turmintarishcata ricusha llaquirin ninchi.
CANLLATA MASTA YACHAI
Ucha ima ashcata Bibliaibi yachai.
Jardin de Edenbi ima tucushcata masta yachai.
“Jehovaga imahuata turmintarina tiachun nisha saquishca” (La Atalaya, 1 de enero de 2014)
Mana intindibac sinzhi tapuigunamanda yachasha cungailla sintiri.
“Jehovaga imahuata ashca judiogunata huanchinauchun nisha saquira” (jw.org internet pistuibi)
Turmintarisha causac runa, imata yachashcata ricui.