Yira ropiomạn ghan ni, komhiinhọm oḅilhẹ omhugh loor esi dị oḅẹl olom r’anhịr phọ, Adạm r’Iv, ugbagharạn Enhaạn. a Kuolọ ke/tọl ghan iduọn phọ bịn. Dị eego esi Oọny phọ odị Zizọs Kraist, aZihova mamiteom eten otagharạn ayira osighẹ esi ikarạph r’aḍuugh. ABaibul phọ atughemhị mọ aZizọs amhugh omiteom etagharạn. Etagharạn pọ iyaạr dị okpẹ ophelhọm oye. AZizọs asighẹ ghuḍum mọ odị amhunhughan bọ kụ akpiọm ophelhọm ayira. (Ibạl Matiu 20:28.) Loor iduọn omhạr bọ Zizọs siẹn ade phọ idiphọ oye dị amhunhughan, odị mutue ni bịn arọl siẹn ade phọ k’agee-pọ. Toroboiperolbọ odị amheera omhughanhaan ayira pidị yira omoọgh oomo araraạr phọ Adạm r’Iv oroph bọ. AZizọs aḅilhẹ kẹn ni aganhanhamhi idị odị r’aZihova uphomhoghiạn iyira. Esi ituughạ phọ ephẹn phọ kelhoghonhaạn nyinhạ ḍighaạgh obughẹ ipẹ nạ asereghiạn bọ ḍuugh phọ aZizọs.

1. Ika kụ idị yira kotue omooghọm suọ ḍuugh phọ aZizọs nyiidiphọ?

Loor e/munhughan phọ ayira, yira roḍighi yogh ghan ni raraạr dị aZihova i/ḅeraạn. Toroboiperolbọ, eḍighi maạr dị yira okạr okiton kụ olhọm aZihova osạr owilhenhaạn dị eego esi aZizọs Kraist, kụ yira u/ḅula mun uḍighi yogh ikarạph phọ ipẹ phọ, yira komoọgh ni siya arighirị dị ekpạr r’aZihova. (1 Jọn 2:1) ABaibul phọ aḅẹm mọ: “AKraist aghol emụ anyina kụ amugh bọ . . . Ogey oye kụ aạr ḍuugh abukarạph awe amugh, pidị isighẹ inyina osiemi k’Enaạn.”—1 Pita 3:18.

2. Ika kụ idị yira kotue omooghọm suọ ḍuugh phọ aZizọs ghisigh?

AZihova arom Zizọs oru isiẹn ade phọ omhughanhaan ayira pidị “torobọ oye lọ ameeraam nyodị ka/pe, kamoọgh ghụn ghuḍum k’agee-pọ.” (Jọn 3:16) Dị eego esi ipẹ aZizọs aḍighi bọ, moọny amem aZihova kaaḍighion ni oomo ikarạph araraạr phọ ipẹ oḅaạr emhụ phọ Adạm akọm bọ. Iphẹn phọ remạ ghan mọ yira oḍeenhaan omheeraam oghị esi aḍuugh phọ aZizọs, pọ yira komoọgh ni eepoogh oghelhọm aghuḍum k’agee-pọ de dị keḍighi paradaịs!—Isaiah 65:21-23.

 OLHEGHERI OBUGHẸ

3. Aḍuugh phọ aZizọs itagharạn iyira esighẹ esi ikarạph r’aḍuugh

1. Adạm aḍighi oye dị amhunhughan, kuolọ agbagharạn Enhaạn bịn asighẹ ikarạph r’aḍuugh ateneghi we

2. AZizọs aḍighi oye dị amhunhughan dị anhaghanhạn ghan Enhaạn kụ asighẹ we alọgh eten dị komunhughan oḅilhẹ omoọgh ghuḍum k’agee-pọ

4. Aḍuugh phọ aZizọs ketue ni engọ suọ oomo awe

 5. Etagharạn phọ eḍighi inmo dị aZihova angọ nyinhạ

Arighirị aZihova omiịn etagharạn phọ idiphọ inmo dị ongọ bidị r’aloor. Esi omaạm, ibạl Galetia 2:20, kụ eeḅeghiọn ḍipuru phọ aḍiẹn:

• Otelhedom mọ aPọl aḍeenhaan ika mọ onọ amiịn ni etagharạn phọ idiphọ inmo dị ongọ nyodị?

Mem mọ Adạm apiomạn bọ, odị aḅọgh eemarạ eemarạ phọ odị angọ ḍuugh. Kuolọ aZihova asighẹ Oọny phọ odị aru mọ amhugh obọ nạ amoọgh eepoogh orọl k’agee-pọ.

Iduọn nạ rabạl bọ siikpịgh phọ iphẹn phọ, gbiom olhoghi ipẹ etir bọ aZihova omhiịn dị Oọny phọ odị ramiinhọm. Ibạl Jọn 19:1-7, 16-18, kụ eeḅeghiọn ḍipuru phọ aḍiẹn:

• Ipẹ aZihova r’aZizọs oḍighinhaan bọ nyinhạ etir nyinhạ ika?

 OGHAẠPH OOKARAGH

Aḍuugh phọ aZizọs kụ imiteom eepoogh dị aZihova kasạr ikarạph ayira uwilhenhaạn iyira, eḅilhẹ kẹn ni ingọ iyira eepoogh oghelhọm aghuḍum k’agee-pọ.

Ooḅula

• AZizọs atụ eeghe kụ amhugh bọ?

• Eghẹn eten kụ edị ekiạ phọ aZizọs itagharạn iyira esighẹ esi ikarạph r’aḍuugh?

• Ika kụ idị aḍuugh phọ aZizọs kengọ nyinhạ suọ?