Улус кинчектер эдет, шыралап јат, учында божоп калат. Нениҥ учун дезе бистиҥ ада-ӧбӧкӧлӧрис, Адам ла Ева, Кудайдыҥ сӧзин укпаган a. Је мындый да болзо, бисте ижемји бар. Кудай улусты кинчектеҥ ле ӧлӱмнеҥ јайымдап аларга, бойыныҥ Уулын, Иисус Христосты, берген. Агару Бичикте айдылганыла, Иисус бойыныҥ јӱрӱмиле толынтыны тӧлӧп салган. Толынты — ол та кемди де јайымдаарга тӧлӧлӧтӧн баа. Толынты учун Иисустыҥ тӧлӧгӧн баазы — оныҥ толо кемдӱ јӱрӱми. (Матфей 20:28 кычырыгар.) Иисус јерде јажын-чакка јӱретен аргазын акту кӱӱнинеҥ толынты эдип берип, бистерге Адам ла Еваныҥ јылыйтып салган јӱрӱмин алар арга ачкан. Анайда ок Иисустыҥ ӧлӱми Иегова ла Иисус бисти андый тыҥ сӱӱп турган деп кӧргӱскен. Бу урок Иисус биске нени эткенин оноҥ тыҥ баалаарга болужар.

1. Иисустыҥ ӧлӱми бистиҥ јӱрӱмиске бӱгӱнги де кӱнде кандый туза экелер аргалу?

Бис ончобыс кинчектӱ болгоныстаҥ улам эткен керектерисле Иегованы ачуркандырадыс. Је јастыра эткен керектерис учун ачурканып, Иисус Христос ажыра Иегованаҥ јаманысты таштазын деп суразаас, Кудайдыҥ најызы болуп артарыс. Анайда ок јастыраларысты база катап этпеске албаданар керек (1 Иоанн 2:1). Агару Бичикте айдылат: «Христос то бисти Кудайга экелерге, кинчектер учун, акту бойы, акту эместер учун бир катап ӱргӱлјиге ӧлгӧн» (1 Пётр 3:18).

2. Христостыҥ ӧлӱми бистиҥ јӱрӱмиске келер ӧйдӧ кандый туза экелер аргалу?

Иегова Иисусты јердӧӧн улус учун јӱрӱмин берзин деп ийген. «Ого бӱткен кажы ла кижи ӧлбӧй, ӱргӱлји јӱрӱмдӱ болзын деп», Иисус бойыныҥ толо кемдӱ јӱрӱмин берген (Иоанн 3:16). Мынаҥ улам Иегова удабас Адамныҥ тӱймеенинеҥ болгон ончо каршуны јоголтып салар. Айдарда, Иисустыҥ берген тайылгазына бӱтсеес, бисте јердеги райда јажын-чакка јӱретен арга болор! (Исайя 65:21—23).

 ТЕРЕҤЖИДЕ КӦРӰГЕР

3. Иисус бисти кинчектеҥ ле ӧлӱмнеҥ јайымдап салган

1. А. Адам толо кемдӱ кижи болгон. Оныҥ Кудайга сӧс укпас болгонынаҥ улам ончо улус кинчектиҥ ле ӧлӱмниҥ олјозында болуп калган

2. Б. Иисус толо кемдӱ кижи болгон. Оныҥ Кудайга сӧсуккур болгонынаҥ улам улус толо кемдӱ болор ло јажын-чакка јӱрер

4. Иисустыҥ ӧлӱми ончо улуска кандый арга ачат?

 5. Иегованыҥ аҥылу сыйы

Иегованыҥ најылары толынтыны аҥылу сый деп кӧрӧт. Бир тем кӧрӱп ийектер. Галаттарга 2:20 кычырып, суракты шӱӱжип ийигер:

• Павелдиҥ толынтыны оныҥ бойына эдилген сый деп кӧргӧни кандый сӧстӧринеҥ кӧрӱнет?

Адам кинчек эткен кийнинде, бала-барказыла кожо ӧлӱмге јаргыладып салган. Оныҥ учун Иегова Уулын јердӧӧн ийген. Слерде јажын-чакка јӱрер арга болзын деп, Иисус јӱрӱмин берген.

Бу ӱлгерлерди кычырып јатсаар, Иегова Уулыныҥ кыйын-шыразын кӧрӱп, нени сескенин сананыгар. Иоанн 19:1—7, 16—18 кычырып, суракты шӱӱжип ийигер:

• Иегова ла Иисус слер учун нени эткенин билип алараарда, слерде кандый сезимдер болды?

 ТӦС ШӰӰЛТЕЗИ

Иисустыҥ ӧлӱми Иеговага бистиҥ кинчектеристи таштайтан тӧзӧлгӧ болот. Анайда ок ол биске јажын-чакка јӱретен арга ачат.

Нени билип алдыгар?

• Иисус нениҥ учун божогон?

• Нениҥ учун Иисустыҥ толо кемдӱ јӱрӱми бисти кинчектеҥ ле ӧлӱмнеҥ толып алар аргалу?

• Иисустыҥ божогонынаҥ улам слерде кандый аргалар ачылат?