Eji ekirọ ijo inu, ibọkọ ukwook, mè ikikwu bak me lek Adam mè Îfu ekpakabe ibot inyi Awaji. a Ire, eji mikaan̄ ikpọchieen̄. Jioba isan̄a oniin̄ ibosa inyan̄a eji isibi me ubọk ijo inu mè mkpa inan̄a me lek gwun̄ kan̄ Jisọs Karais. Baibul ijeen̄ ibe ke inan̄a me lek mkpa kan̄, Jisọs inyi eji mkpenwene. Mkpenwene ire mkpọ ekpebe isasa isan̄a ene isibi me ijo irek. Jisọs isa ugwem kan̄ ososo isa ikpe me ibot kiji. (Fuk Matiyu 20:28.) Mgbọ Jisọs osabe irek ọmọ okaan̄be iluluk ugwem ikakaan̄ge itata me inyọn̄ ijọn̄ yi, isa inyi me ibot kiji, irọ inyi ifet ibe eji eyaka ekaan̄ inu Adam mè Îfu echepbe. Jisọs ijeen̄ ubọk ọmọ mè Jioba esabe ima eji ire. Inu nkween̄ yi motap ubọk inyi eji ejeen̄ ubelejit kiji me lek mkpa kè Jisọs.

1. Ike owa ke eji ebekọt isa ikaan̄ oruru inan̄a me lek mkpa kè Jisọs me chereyi?

Bak me lek eji erebe ebi ijo, eji mikirọ owuwa mkpọ Jioba ikamabe. Ire, ire eji echubọk igwu ikom me lek ijo kiji mè ibeek Jioba itibi Jisọs ibe itele inyi eji, ire eji si esa otutuuk efuuk kiji imun̄ ibe ke eji kpeyaka irọ ijo inu cha, eji menwọọn̄ ata mgbaan̄je melek Awaji. (Jọn Eyi Adasi 2:1) Baibul ibe: “Karais ìkwu mkpa mgbọ yaage gaalek mije ijo inu otutuuk ebilene erọbe. Ọmọ ogwu ata irọrọ okwu mkpa me ibot ebi ijo irọrọ, inyi ọmọ inan̄a me ikeya isa enyi ijet Awaji.”—Pita Eyi Adasi 3:18.

2. Ike owa ke eji ebekọt isa ikaan̄ oruru inan̄a me lek mkpa kè Jisos me mgbọ okinu me isi?

Jioba iria Jisọs ibe isa ugwem kan̄ kubọk ebilene ososo ikwu me ibot kiji ‘inyi ene geelek òchechieek me lek Jisọs ikachep, ire, ikaan̄ ugwem ikakaan̄ge itata.’ (Jọn 3:16) Mije inu yi Jisọs orọbe, Jioba mosan̄a otutuuk ijo mkpọ onan̄a me lek mkpaka-ibot kè Adam sọnja mgbọ. Eyi isibi ibe, ire eji ijeen̄ ichechieek me lek ngwugwa kè Jisọs, eji mekaan̄ irek isasa inwọọn̄ ugwem ire mgbọ geelek me paradais me inyọn̄ ijọn̄ yi!—Asaya 65:21-23.

 KWEEN̄ GBAALEK

3. Mkpa kè Jisọs inyan̄a eji isan̄a me ubọk ijo inu mè mkpa

1. Adam ire ogwu enerieen̄ ososo ifuk okpakpaka ibot inyi Awaji mè isa ijo inu mè mkpa ijet otutuuk ebilene

2. Jisọs ire ogwu enerieen̄ ososo ifuk osisiki ibot inyi Awaji mè isa ugwem ososo mè ugwem ikakaan̄ge itata ijet ebilene

4. Mkpa kè Jisọs mokọt irọ otutuuk ene oruru

 5. Mkpenwene ire inyinyi Jioba onyibe owu

Ebi unene Jioba ekimun̄ mkpenwene kubọk inyinyi Jioba onyibe ema ge ge. Kubọk inu njeen̄, fuk Ebi Galesia 2:20, mè igbaan̄ ikpa idodo yi:

• Ike owa ke ogwu otuchieen̄ Pọọlu osa ijeen̄ ibe ke imun̄ mkpenwene kubọk ire inyinyi Jioba onyibe ọmọ?

Me mgbọ Adam orọbe ijo inu, mifieek oyerebet mkpa inyi ọmọ mè ebi bọn. Ire, Jioba iria gwun̄ kan̄ ibe inikwu mkpa inyi eji ekaan̄ irek esa enwọọn̄ ugwem ikakaan̄ge itata.

Ike okifuk ere Baibul chi, keek nu ubọk ibokup me lek Jioba me mgbọ ogwu gwun̄ okibọkọ ukwook. Fuk Jọn 19:1-7, 16-18, mè igbaan̄ ikpa idodo yi:

• Ike owa ke inu yi Jioba mè Jisọs erọbe okup owu me lek?

 ME MGBIDIM

Mije mkpa kè Jisọs, Jioba mokọt itele ijo kiji, eji si mekọt inwọọn̄ ugwem ire mgbọ geelek.

Idodo

• Keke orọ Jisọs okwube ni?

• Me oniin̄ okukup ke ugwem ososo kè Jisọs osa ire mkpenwene otatat?

• Ike owa ke mkpa kè Jisọs obosa irọ owu oruru?