Tulacita imembu, tulacula, kabili tulafwa pa mulandu wa kuti Adamu na Efa tabaumfwilile Lesa. a Lelo twalikwata isubilo. Yehova alitupeele Umwana wakwe Yesu Kristu ukwisatulubula ku lubembu ne mfwa. Baibolo isambilisha ukuti ilyo Yesu afwile alipeele icilubula. Icilubula ni ndalama nelyo ifintu ifyo balipila pa kulubula umuntu. E fyo Yesu alipiile bumi bwakwe ubwapwililika. (Belengeni Mateo 20:28.) Ilyo Yesu aitemenwe ukufwa, alilengele twaba ne shuko lya kwisakwata fyonse ifyo Adamu na Efa balufishe. Na kabili Yesu alilengele caishibikwa ukuti ena na Yehova balitutemwa. Ifili muli lino isambililo fyalalenga muletasha sana pali filya Yesu atufwilile.

1. Fisuma nshi fyafuma muli filya Yesu atufwilile?

Apo tuli babembu, tulacita ifintu ifingi ifyo Yehova apata. Na lyo line, nga twalapila ukufuma panshi ya mutima, twapepa kuli Yehova ukupitila muli Yesu Kristu ukuti atwelele, kabili nga twaesha na maka ukukanabwekeshapo ifyo twalufyenye, tukaba sana ifibusa fya kwa Lesa. (1 Yohane 2:1) Baibolo itila: “Kristu afwile fye umuku umo pa mulandu wa membu shesu, uwalungama afwiliile abashalungama, pa kuti amutungulule kuli Lesa.”—1 Petro 3:18.

2. Fisuma nshi ifikacitika ku ntanshi pa mulandu wa kuti Yesu alitufwilile?

Yehova atumine Yesu ukwisapeela ubumi bwakwe ubwapwililika pa “kuti onse uumutetekela [Yesu] ekonaika lelo akabe no mweo wa muyayaya.” (Yohane 3:16) Apo Yesu alitufwilile, nomba line Yehova akafumyapo ifyabipa fyonse ificitika pa mulandu wa kuti Adamu taumfwilile Lesa. Kanshi nga twatetekela mwi lambo lya kwa Yesu, tukesaba ne nsansa umuyayaya mu paradaise pe sonde!—Esaya 65:21-23.

 SAMBILILENI NA FIMBI

3. Imfwa ya kwa Yesu yalilenga twalubuka ku lubembu ne mfwa

1. Adamu ali uwapwililika. Lelo apo taumfwilile Lesa, alilengele abantu bapyana ulubembu ne mfwa

2. Yesu ali uwapwililika kabili aleumfwila Lesa. Ici calenga abantu bakabe abapwililika no kwisaikala umuyayaya

4. Abantu bonse kuti banonkelamo mu mfwa ya kwa Yesu

 5. Icilubula bupe ubo Yehova amupeela

Ifibusa fya kwa Yehova bamona icilubula ngo bupe ubo Yehova abapeela. Ku ca kumwenako, belengeni Abena Galatia 2:20, lyena lanshanyeni ici cipusho:

• Finshi ifyo umutumwa Paulo alandile ifilanga ukutila alemona ukuti icilubula bupe ubo Yehova amupeele?

Ilyo Adamu abembwike, ena na bana bakwe bonse bapingwilwe ukufwa. Lelo Yehova atumine Umwana wakwe ukwisafwa pa kuti mukabe no mweo wa muyayaya.

Ilyo mulebelenga ifikomo ifikonkelepo, mule-elenganya ifyo Yehova aumfwile ilyo Umwana wakwe balemucusha. Belengeni Yohane 19:1-7, 16-18, lyena lanshanyeni ici cipusho:

• Bushe mwaumfwa shani pa fyo Yehova na Yesu bamucitila?

 IFYO MUSAMBILILE

Filya Yesu atufwilile fyalilenga Yehova aletwelela imembu, kabili fikalenga tukabe ne nsansa umuyayaya.

Ukupitulukamo

• Mulandu nshi Yesu afwilile?

• Bushe filya Yesu apeele ubumi bwakwe ubwapwililika fyalenga aba shani icilubula calinganako?

• Bushe kuti mwanonkelamo shani mu mfwa ya kwa Yesu?