Halani mardousa si Adam pakon si Hawa, gabe dihut ma hita mardousa, sunsah, janah matei. a Hassi pe sonai, dong do pangarapanta. Ibere Jahowa do Anak-Ni gabe tobusan laho paluahkon hita humbani dousa ampa hamatean. Aha do tobusan ai? Tobusan ai ma harga na igalar laho paluahkon sasahalak. Jadi harga na igalar laho paluahkon hita ai ma hagoluhan ni Jesus na sempurna. Halani sempurna, sasintongni boi do Jesus manggoluh sadokah ni dokahni i tanoh on. (Basa Mateus 20:28.) Tapi ibere ia do hagoluhanni ai hubanta ase boi hita sempurna songon si Adam pakon si Hawa hinan. Hunjon taridah ma banggal do holong ni Jahowa pakon Jesus hubanta. Bani parlajaran on, iulas hita ma sonaha hita patuduhkon anggo hita mangkargai tobusan ai.

1. Aha do gunani hamatean ni Jesus hubanta sonari on?

Halani mardousa, gati do hita mangkorjahon na salah. Tapi ase boi isalpuhon hasalahanta ai maningon isolsoli hita do ai, mangindo hasasapan ni dousa bani Jahowa, janah marusaha ma ase ulang be iulaki hita hasalahan ai. Anggo ibahen hita sonai, boi ma hita totap marhasoman pakon Naibata. (1 Johannes 2:1) Bibel mangkatahon, “Ai Kristus pe harosuh ni Naibata do na ihorjahon. Tapi pitah sahali do ia matei laho manasap dousa ase itogu-togu hanima hubani Naibata.”​—1 Petrus 3:18.

2. Aha do gunani hamatean ni Jesus hubanta bani ari simagira?

Isuruh Jahowa do Jesus hu tanoh on laho mambere hagoluhanni na sempurna, “ase ulang matei ganup na patuduhkon haporsayaon hu bani, tapi ase mandapot hagoluhan na sadokah ni dokahni”. (Johannes 3:16) Marhitei tobusan ni Jesus, tongkin nari isasap Jahowa ma ganup sitaronon halani dousa ni si Adam. Jadi, anggo porsaya hita bani tobusan ni Jesus, boi ma hita manggoluh sadokah ni dokahni i paradeiso i tanoh on!​—Jesaya 65:21-23.

 PARLAJARI ROH BAHATNI

3. Hamatean ni Jesus paluahkon hita humbani dousa ampa hamatean

1. Jolma na sempurna hinan do si Adam, tapi halani lang idalankon ia titah ni Naibata gabe mardousa ma ganup jolma janah matei

2. Jolma na sempurna do Jesus. Halani idalankon ia titah ni Naibata gabe boi ma ganup jolma sempurna janah manggoluh sadokah ni dokahni

4. Marguna do hamatean ni Jesus bani ganup jolma

 5. Sibere-bere humbani Jahowa do tobusan ai

Sibere-bere na maharga do tobusan ai hubanta marsada-sada. Umpamani, basa ma Galatia 2:20, janah ulas ma sungkun-sungkun on:

• Humbani ayat ai, aha do na patuduhkon anggo apostel Paulus mangahap tobusan ai sibere-bere hubani dirini?

Halani mardousa si Adam, maningon matei do ia, sonai homa ganup ginomparni. Tapi isuruh Jahowa do Anak-Ni hu tanoh on laho paluahkon jolma. Halani ai, gabe boi ma ham mandapot goluh na sadokah ni dokahni.

Bayangkon ma sonaha Jahowa mangidah sanggah Anak-Ni marsitaronon. Basa ma Johannes 19:1-7, 16-18, janah ulas ma sungkun-sungkun on:

• Sonaha pangahapmu dob mambotoh banggal tumang do holong ni Jahowa pakon Jesus bamu?

 RIMPUNAN

Halani tobusan ni Jesus, gabe boi ma isasap Jahowa dousanta janah boi ma hita manggoluh sadokah ni dokahni.

Na Dob Iparlajari

• Mase maningon matei Jesus?

• Mase hagoluhan ni Jesus na sempurna boi manobus ganup jolma?

• Aha do gunani hamatean ni Jesus bamu?