Ta comete kita pecado, ta sufri y ta muri cay el primer man maridable, kanda Adan y Eva, ya desobedece con Dios. a Pero tiene kita esperanza. Ya hace manera si Jehova para libra kanaton na pecado y muerte por medio na de suyu Anak, si Jesucristo. El Biblia ta enseña que ya dale si Jesus rescate por medio na de suyu muerte. El rescate amo el valor que necesita paga para libra con el un persona. El valor que ya paga si Jesus amo el de suyu perfecto vida como un gente. (Le con el Mateo 20:28.) Tiene le el derecho para vivi hasta para cuando na tierra. Pero ya dale le el de suyu vida para puede kita obtene el cosas ya hace perde si Adan y Eva. Ya dale mira si Jesus que ta ama gayot le y si Jehova kanaton. Este leccion puede ayuda kanaton para tene mas hondo apresacion na muerte de Jesus.

1. Paquemodo el muerte de Jesus puede ayuda kanaton ahora?

Como maga imperfecto, ta puede kita hace manada cosas que no quierre si Jehova. Pero, puede kita queda amigo del Dios si deverasan kita ta arripinti na diaton maga pecado, ta pidi con Jehova que perdona kanaton por medio con Jesucristo y gendeh mas hace con ese maga kamali. (1 San Juan 2:1) El Biblia ta habla: “Si Jesucristo, maskin noay Le culpa, ya muri una vez por causa del pecado. Ya muri Le por causa del maga pecador para lleva canaton con Dios.”​​—1 Pedro 3:​18.

2. Paquemodo el muerte de Jesus puede ayuda kanaton na futuro?

Ya imbia si Jehova con Jesus para ofrece el de suyu perfecto vida como gente “para aquellos quien ay tene fe con [Jesus] . . . ay tene vida eterna.” (Juan 3:​16, El Nuevo Testamento) Por causa na cosa ya hace si Jesus, gendeh dura hay quita si Jehova con el todo mal efecto del desobediencia de Adan. Este quierre decir que si demonstra kita fe na sacrificio de Jesus, hay tene kita el oportunidad vivi hasta para cuando na un paraiso tierra!​​—Isaias 65:​21-​23.

 APRENDE PA MAS

3. El muerte de Jesus ta libra kanaton na pecado y muerte

1. Un perfecto gente si Adan quien ya desobedece con Dios y ya pone con el maga gente bajo na pecado y muerte

2. Un perfecto gente si Jesus quien ya obedece con Dios y ya hace posible para puede tene perfecto vida el maga gente y vivi hasta para cuando

4. Todo gente puede beneficia na muerte de Jesus

 5. El rescate amo un regalo de Jehova para contigo

Para na maga amigo de Jehova, un personal regalo el rescate. Por ejemplo, le con el Galacia 2:​20 y despues, discuti con este pregunta:

• Porque kita puede habla que para con apostol Pablo, un personal regalo el rescate?

Cuando ya comete pecado si Adan, ele y el de suyu maga descendiente ya queda bajo na muerte. Pero, ya imbia si Jehova con el de suyu Anak para puede kita tene el oportunidad vivi hasta para cuando.

Mientras ta le tu con el siguiente maga versiculo, imagina si cosa ya sinti si Jehova cuando ta sufri el de suyu Anak. Le con el Juan 19:​1-7, 16-​18 y despues, discuti con este pregunta:

• Cosa tu ta sinti na cosa si Jehova y si Jesus ya hace para contigo?

 SUMARIO

El muerte de Jesus ya hace posible para puede perdona si Jehova con el diaton maga pecado y ya dale se kanaton oportunidad para obtene vida eterna.

Repaso

• Porque ya muri si Jesus?

• Na cosa manera el perfecto vida de Jesus como un gente puede queda un rescate?

• Paquemodo el muerte de Jesus puede ayuda contigo?