Pokiten án ewe áeúin pean pwúpwúlú, Atam me Efa álleasolapa Kot, iwe sia tipis, riáfféú, me máló. a Nge mi wor ach ápilúkúlúk. Jiowa a tiinaato Néún we, Jesus Kraist, pwe epwe ina alen ach sipwe ngase seni anúmamaúen tipis me máló. Ewe Paipel a áiti ngenikich pwe ren án Jesus máló, a awora eú méén kepich. Ena méén kepich, ina liwinin án emén epwe ngaseló seni fétek. Manawen Jesus we mi unuséch, ina ewe liiwin a ménatiw pwe sipwe ngase seni fétekin tipis. (Álleani Mateus 20:28.) Pokiten Jesus a unuséch me a álleasochisi Jiowa fansoun meinisin, iwe a tongeni manaw tori feilfeiló atun a nóm wóón fénúfan. Iwe nge, a tipemecheres le máló fán itach pwe sipwe tongeni eánisefáli meinisin met a péút seni Atam me Efa. Jesus a pwal pwáraaló úkúkún ar tongekich me Jiowa. Ei lesen epwe alapaaló óm aúcheani án Jesus máló.

1. Ifa usun án Jesus máló a tongeni efeiéchúkich lón ei fansoun?

Pokiten kich chón tipis, sia féri chómmóng mettóch mi eletipengawa Jiowa. Iwe nge, ika sia enletin niamamesini ach kewe tipis me tingorei Jiowa an epwe omusakicheló me ren Kraist Jesus, me achocho ngeni ach sisap férsefáliir, iwe sia tongeni ririéch ngeni I. (1 Johannes 2:1) Paipel a apasa: “Kraist a mäla fän iten tipis fän eu chök, nge a naf ngeni fansoun meinisin, ewe chon pwüng fän iten ekewe chon tipis, pwe epwe emwenikich ngeni Kot.”​—1 Petrus 3:18.

2. Ifa usun án Jesus máló epwe tongeni efeiéchúkich lón mwachkkan?

Jiowa a tiinaato Jesus ngeni fénúfan pwe epwe asor inisin mi unuséch “pwe meinisin mi lükü [Jesus] resap pöütmwälila, pwe repwe eäni manau esemüch.” (Johannes 3:16) Sia kilisou ren met Jesus a féri, pún ekiseló chék Jiowa epwe amóeló meinisin minne mi ngaw mi pop seni án Atam álleasolap. Weween, ika sia anganga ach lúkú án Jesus asor, iwe epwe suuk ngenikich ach sipwe manaw lón paratis wóón fénúfan tori feilfeiló chék!​—Aisea 65:21-23.

 KÚTTAFICHI

3. Án Jesus máló a angasakicheló seni tipis me máló

1. Atam emén mi unuséch me a filatá le álleasolapa Kot, iwe pokiten ena, aramas ra tipis me máló

2. Jesus emén mi álleasochisi Kot, iwe pokiten ena, a tufich án aramas repwe unuséch me kúna manaw tori feilfeiló

4. Málóón Jesus a tongeni efeiéchú aramas meinisin

 5. Ewe méén kepich, ina án Jiowa liffang ngonuk

Me ren chiechien Jiowa kewe, ewe méén kepich ina liffanger me ren. Áwewe chék, álleani Kalatia 2:20, me mwirin pwóróusfengen wóón ei kapas eis:

• Ifa usun aposel Paulus a pwári pwe ewe méén kepich ina liffangan me ren Jiowa?

Atun Atam a tipis, a pwúngúló pwe i me mwirimwirin kewe meinisin repwe máló. Nge Jiowa a tiinaato Néún we an epwe máló fán itom pwe kopwe tongeni kúna manaw esemuch.

Atun ka álleani ekkeei wokisin, anchangei meefien Jiowa atun Néún we a riáfféú. Álleani Johannes 19:1-7, 16-18, me mwirin pwóróusfengen wóón ei kapas eis:

• Met meefiom ren minne Jiowa me Jesus ra féri fán itom?

 MENLAPAN

Málóón Jesus a awora lóngólóngun án Jiowa epwe omusaaló tipisich, me a suuki ngenikich alen ach sipwe kúna manaw esemuch.

Enniwili

• Pwata Jesus a máló?

• Ifa usun án Jesus fangóló manawan a angasakicheló seni tipis me máló?

• Ifa usun málóón Jesus a álisuk?