Adama neŋ Hawaa naŋ e tokpeɛne na zuŋ, lɛ vɛŋɛɛŋ teŋ maŋ erɛ yelfaare, a dire dɔgɛɛ, a kyɛ maŋ lɛ kpi meŋ. a Kyɛ lɛ ba wuli ka tamaa zaa kyebe a ko te. Jehoova tu la o Bidɔɔ Yezu Krista eŋɛŋ kyɛ na faa te yi faaloŋ ane kũũ na Adama neŋ Hawaa naŋ de wa eŋ te na. A Baabole wuleeŋ ka Yezu kpieŋ a yɔɔdeɛ nensaaleba. Yɔɔdeɛbo e la sane neɛ naŋ yɔɔ a deɛ neɛ kaŋa. Azuŋ, Jehoova de la Yezu nyɔvore naŋ e forifori na yɔɔdeɛ nensaaleba. (Kanne Matio 20:​28.) Yezu da taaɛ apoɔsori ka o zeŋ a teŋɛzu kyɛ tegitegilɛ, kyɛ o da yi la o meŋɛ boɔbo poɔŋ a de o nyɔvore iri sareka ko te. Lɛ vɛŋɛɛŋ teŋ na baŋ lɛ nyɛ boma na zaa Adama neŋ Hawaa naŋ kɔŋ na. Yezu lɛ wuli teŋ ka, o neŋ Jehoova nɔnɔ teŋ yaga. A zannoo ŋa na soŋ teŋ ka te taa nimipa naŋ e zuluŋ a ko Yezu kũũ na.

1. Bo tɔnɔ teŋ na baŋ nyɛ yi Yezu kũũ na poɔŋ zenɛ ŋa?

Te naŋ e noba naŋ ba pɛgiyi na zuŋ, te maŋ erɛɛ yɛlɛ naŋ maŋ sããna Jehoova poɔ. Kyɛ, ka teneeŋ e kaŋdabaŋkalɛ a kyaare faaloŋ na teŋ e na, a tu Yezu Krista yuori eŋɛŋ kyɛ sɔre Jehoova ka o di suuri ko te, a kyɛ mɔɔrɔ te mɔɔbo zaa ka te ta lɛ e ana faaloŋ na, lɛ yɛŋ Jehoova na vɛŋ ko teŋ, a kyɛ lɛ soŋ te ka te ne o zɔmennoŋ na e kpeɛŋaa yaga. (1 Gyɔɔn 2:1) A Baabole yeleeŋ ka: “Krista meŋ da kpi la dayeni yoŋ a te yelbebe zuiŋ, nemmeŋɛ naŋ kpi ko neŋfaare, ka ka O taa yɛ gaa ne Naaŋmen zie.”​—1 Piita 3:18.

2. Bo tɔnɔ teŋ na nyɛ yi Yezu kũũ na poɔŋ nendaare kaŋa?

Jehoova toŋ la Yezu ka o wa a teŋɛzu a wa de o nyɔvore iri sareka ko te, ka lɛ na vɛŋ “ka neɛ na zaa naŋ na sage de [Yezu] yɛlɛ na ta wɛ, kyɛ nyɛ nyɔvore naŋ ba taa baaroo.” (Gyɔɔn 3:​16) A koŋ kɔɔre, Jehoova na tu la Yezu kũũ sareka na eŋɛŋ a kyɛ iri dɔgɛɛ na zaa Adama tokpeɛne na naŋ de wa eŋ te na. Lɛ wuleeŋ ka, ka teneeŋ wulo sagediibu Yezu kũũ sareka na eŋɛŋ, te na baŋ nyɛ la apoɔsori ka te taa zeŋ laafeɛ tegitegilɛ a paradiisi teŋɛ na poɔŋ!​—Aizeeya 65:21-23.

 ZANNE YƐLƐ YAGA POƆ

3. Yezu kũũ na faa teŋ a yi faaloŋ ane kũũ poɔ

1. Adama da e la dɔɔ naŋ pɛgiyi a kyɛ zagre Naaŋmen noɔre, lɛ vɛŋɛɛŋ ka nensaaleba zaa e yelbebe deme a kyɛ maŋ lɛ kpi meŋ

2. Yezu da e la dɔɔ naŋ pɛgiyi. Oŋ da sage Jehoova noɔre na zuŋ, o yuo la sori ka nensaaleba na toɔ̃ lɛ e noba naŋ pɛgiyi, a kyɛ nyɛ nyɔvore naŋ ba taa baaraa meŋ

4. Neɛzaa na baŋ nyɛɛ tɔnɔ yi Yezu kũũ na poɔŋ

 5. A yɔɔdeɛbo sareka e la kyɔɔtaa Jehoova naŋ de ko bo

Jehoova zɔmenne maŋ nyɛɛ a yɔɔdeɛbo sareka ka o e la kyɔɔtaa naŋ yi Jehoova zie a ko ba. Aŋa mannoo poɔŋ, kanne Galesiya 2:​20, a kyɛ gyieli a soorebiri ŋa yɛlɛ:

• Bo yɛlɛ ka bitontona Pɔɔl da yel a wuli ka a yɔɔdeɛbo e la kyɔɔtaa Jehoova naŋ de koo?

Saŋa na Adama naŋ da e tokpeɛne na, o neŋ o biiri zaa wa leɛ la gbaŋgbaare a ko kũũ. Kyɛ, Jehoova toŋ la o Bidɔɔ ka o wa kpi ko te, ka lɛ na vɛŋ ka te nyɛ nyɔvore naŋ ba taa baaraa.

Saŋa na hoŋ kanna a sɛgre ŋa na, teɛre nyɛ lɛ na aŋ da beɛrɛ Jehoova a seŋ, saŋa na oŋ nyɛ o Bidɔɔ naŋ dire dɔgɛɛ na. Kanne Gyɔɔn 19:1-7, 16-18, a kyɛ gyieli a soorebiri ŋa yɛlɛ:

• Wala ka yɛlɛ na Jehoova ane Yezu naŋ e ko bo na tɔ ho sukyiri a seŋ?

 A ZANNOO YELNIMIZEERE

Yezu kũũ na zuŋ ka Jehoova maŋ di te yelbebe suuri a ko te, a kyɛ lɛ yuo nyɔvore naŋ ba taa baaraa sori ko te.

Bo Hoŋ Zanne

• Bonso ka Yezu kpi?

• Sobuo ka Yezu nyɔvore naŋ pɛgiyi na na toɔ̃ yɔɔdeɛ nensaaleba?

• Bo tɔnɔ hoŋ na baŋ nyɛ yi Yezu kũũ na poɔŋ?